Alguén voou sobre o niño do cuco

Na Galipedia, a Wikipedia en galego.
Alguén voou sobre o niño do cuco
Ficha técnica
Título orixinal One Flew Over the Cuckoo's Nest
Director Miloš Forman
Produtor Saul Zaentz
Michael Douglas
Guión Lawrence Hauben
Bo Goldman
Baseado en One Flew Over the Cuckoo's Nest de Ken Kesey
Intérpretes Jack Nicholson
Louise Fletcher
William Redfield
Brad Dourif
Danny DeVito
Christopher Lloyd
Will Sampson
Música Jack Nitzsche
Fotografía Haskell Wexler
Montaxe Richard Chew
Sheldon Kahn
Lynzee Klingman
Distribuidora United Artists
Estrea Flag of the United States.svg 19 de novembro de 1975
Galicia 22 de outubro de 2000 (TVG)
Duración 133 minutos
Orixe Estados Unidos de América Estados Unidos
Xénero Drama
Orzamento $3 000 000[1]
Recadación $108 981 275

Alguén voou sobre o niño do cuco (en inglés: One Flew Over the Cuckoo's Nest) é un filme americano de 1975 dirixido por Miloš Forman. A historia foi adaptada da novela de Ken Kesey publicada baixo o mesmo nome. Na historia do cine, a película foi a primeira que gañou os cinco Premios Oscar máis cobizados (Mellor filme, Mellor actor protagonista, Mellor actriz protagonista, Mellor guión, e Mellor director) desde It Happened One Night (1934), un logro que non se volvería repetir ata 1991 co filme O silencio dos cordeiros. O filme foi rodado no Hospital Estatal de Oregón, en Salem.

Estreouse en galego na TVG o 22 de outubro de 2000.[2]

Título[editar | editar a fonte]

O título é tradución literal do inglés, como nas outras linguas románicas. En inglés cuckoo significa 'cuco' pero tamén en argot 'tolo'. Aparece na novela como parte duns versos que un dos amigos de McMurphy lembra da súa nenez. Os versos proceden dun poema de Louis Untermeyer: "One flew east, one flew west,/ and one flew over the cuckoo's nest" ('Un voou ó leste, un voou ó oeste,/ e un voou sobre o niño do cuco'). O cuco non ten niño propio e pon os ovos nos niños doutros paxaros. Por conseguinte as crias do cuco son hóspedes que se alimentan de paxaros que non son seus pais. No filme o niño está representado polo manicomio no que se mantén ós seus hóspedes baixo unha férrea e sádica disciplina, só en aparencia terapéutica. A novela homónima de Ken Kesey fora publicada en 1962. Non está traducida ó galego. O autor escribiuna inmediatamente despois da experiencia que tivera no hospital psiquiátrico onde traballara como enfermeiro.

Argumento[editar | editar a fonte]

Randle Patrick McMurphy (Jack Nicholson), para non ter que ir a prisión, faise pasar por tolo e é enviado a un hospital psiquiátrico. Nel intentará animar a vida dos internos organizando partidas de cartas e partidos de básquet, influíndo no comportamento dos outros enfermos. Ó infrinxir as regras de disciplina do centro e rachar as súas rutinas comeza a ser perseguido pola sádica enfermeira Mildred Ratched (Louise Fletcher).

Personaxes[editar | editar a fonte]

Galardóns e nomeamentos[editar | editar a fonte]

Notas[editar | editar a fonte]

  1. Box Office Mojo (en inglés)
  2. "Alguén voou sobre o niño do cuco na TVG". ABC. 21 de outubro de 2000. Consultado o 19 de novembro de 2014. 

Véxase tamén[editar | editar a fonte]

Ligazóns externas[editar | editar a fonte]