Wings (filme)

Na Galipedia, a Wikipedia en galego.
Saltar ata a navegación Saltar á procura

Wings
Wings poster.jpg
Póster do filme.
Ficha técnica
Título orixinal Wings
Director William A. Wellman
Produtor Lucien Hubbard
Adolph Zukor
Jesse L. Lasky
B. P. Schulberg
Otto Hermann Kahn
Guión Hope Loring
Louis D. Lighton
Intérpretes Clara Bow
Charles "Buddy" Rogers
Richard Arlen
Gary Cooper
Música J.S. Zamecnik
Fotografía Harry Perry
Montaxe E. Lloyd Sheldon
Estudio Famous Players-Lasky
Distribuidora Paramount Pictures
Estrea 12 de agosto de 1927
Duración Estrea orixinal:
111 minutos[1]
Restauración:
144 minutos[2]
Orixe Estados Unidos de América Estados Unidos
Xénero Drama, bélica
Orzamento $2 200 000[3]

Wings é un filme mudo estadounidense ambientado durante a primeira guerra mundial producido por Lucien Hubbard, dirixido por William A. Wellman e estreado por Paramount Pictures. Está protagonizado por Clara Bow, Charles "Buddy" Rogers e Richard Arlen. Gary Cooper aparece nun pequeno papel que axudou a lanzar a súa carreira en Hollywood.

O filme, unha historia romántica e bélica, foi rescrito polos guionistas Hope Loring e Louis D. Lighton a partir dunha historia de John Monk Saunders para acomodar a Bow, a meirande estrela de Paramount naquela época. Wellman foi contratado por ser o único director en Hollywood que tiña experiencia como piloto de combate na primeira guerra mundial, malia que Richard Arlen e John Monk Saunders tamén serviran na guerra como aviadores. O filme contou cun orzamento de $2 millóns e rodouse en Kelly Field, en San Antonio, Texas entre o 7 de setembro de 1926 e o 7 de abril de 1927. Centos de extras e máis de 300 pilotos estiveron involucrados na rodaxe, incluíndo pilotos e avións do Corpo Aéreo do Exército dos Estados Unidos.

Aclamado pola súa habelencia técnica e o seu realismo, o filme converteuse no exemplo contra o que se mediron os futuros filmes de aviación, principalmente polas súas realistas secuencias de combate. Gañou o primeiro Oscar ó mellor filme na 1ª edición dos premios que celebrou a Academia das Artes e das Ciencias Cinematográficas,[4] sendo o único filme mudo en conseguilo. Tamén gañou o Oscar ós mellores efectos de enxeñaría (Roy Pomeroy). Wings foi un dos primeiros filmes en amosar dous homes bicándose, e tamén un dos primeiros filmes comerciais en amosar espidos. En 1997, Wings foi escollido para a súa preservación no National Film Registry da Biblioteca do Congreso dos Estados Unidos de América por ser "cultural, histórica ou esteticamente significativo".

Personaxes[editar | editar a fonte]

Notas[editar | editar a fonte]

  1. Famous Lasky Film Service (ed.). "WINGS (A)". British Board of Film Classification, 12 de xaneiro de 1928. Consultado o 7 de maio de 2014. 
  2. Paramount Pictures (ed.). "WINGS (PG)". British Board of Film Classification, 22 de febreiro de 2013. Consultado o 7 de maio de 2014. 
  3. Bennett, Carl. "Progressive Silent Film List: Wings." Silent Era, 2012. Consultado o 27 de febreiro de 2012.
  4. Variety, ed. (17 de setembro de 2009). "Dorothy Wellman dies at 95". Consultado o 2 de febreiro de 2013. 

Véxase tamén[editar | editar a fonte]

Ligazóns externas[editar | editar a fonte]