A forza do cariño

A forza do cariño
Ficha técnica
Título orixinal	Terms of Endearment
Director	James L. Brooks
Produtor	James L. Brooks
Guión	James L. Brooks
Baseado en	Terms of Endearment de Larry McMurtry
Intérpretes	Shirley MacLaine Debra Winger Jack Nicholson Danny DeVito Jeff Daniels John Lithgow
Música	Michael Gore
Fotografía	Andrzej Bartkowiak
Montaxe	Richard Marks
Distribuidora	Paramount Pictures
Estrea	23 de novembro de 1983
Duración	131 minutos
Orixe	Estados Unidos
Xénero	Drama
Orzamento	$8 000 000
Recadación	$108 423 489
Na rede

A forza do cariño (en versión orixinal inglesa Terms of Endearment) é un filme estadounidense dirixido, producido e escrito por James L. Brooks que foi estreado en 1983. É unha adaptación da novela de Larry McMurtry, e está protagonizada por Shirley MacLaine, Debra Winger, Jack Nicholson, Danny DeVito, Jeff Daniels e John Lithgow. A historia abrangue 30 anos da relación entre Aurora Greenway (MacLaine) e a súa filla Emma (Winger).

O filme recibiu 11 nomeamentos ós Premios Oscar e gañou cinco. Brooks gañou o premio polo mellor filme, mellor director e mellor guión adaptado, mentres que MacLaine gañou o Oscar á mellor actriz e Nicholson gañou o Oscar ó mellor actor secundario. Ademais, gañou catro Globos de Ouro.

Argumento

Aurora (Shirley MacLaine) e Emma (Debra Winger) son unha nai e unha filla moi unidas, pero con puntos de vista moi distintos sobre a vida. Aurora, que está viúva, é unha muller temperamental pero de bo corazón, e Emma é unha moza rebelde que está desexando saír de casa e independizarse; o malo é que para conseguilo segue o camiño máis convencional: casar. Pola súa parte, Aurora ten un romance cun ex-astronauta (Jack Nicholson). A través dos anos, nai e filla intentan sempre buscar o mellor xeito de soportarse e atopar a felicidade.

Personaxes

• Shirley MacLaine como Aurora Greenway
• Debra Winger como Emma Greenway Horton
• Jack Nicholson como Garrett Breedlove
• Danny DeVito como Vernon Dahlart
• Jeff Daniels como Flap Horton
• John Lithgow como Sam Burns
• Lisa Hart Caroll como Patsy Clark
• Betty R. King como Rosie Dunlop
• Huckleberry Fox como Ted "Teddy" Horton
• Troy Bishop como Tom "Tommy" Horton
• Shane Serwin como Tom "Tommy" Horton de cativo
• Megan Morris como Melanie Horton
• Tara Yeakey como Melanie Horton de bebé
• Edward Johnson como Norman Bennett
• Jennifer Josey como Emma Greenway de nena
• Kate Charleson como Janice
• Tom Wees como Dr. Budge
• Paul Menzel como Dr. Maise
• F. William Parker como Doutor

Galardóns e nomeamentos

• 1983: 5 Oscars: mellor filme, director, actriz (Shirley MacLaine), actor secundario (Jack Nicholson) e guión adaptado.
• 1983: 4 Globos de Ouro, incluíndo mellor filme - Drama. 6 nomeamentos.
• 1983: National Board of Review: Mellor filme (ex-aequo).
• 1983: Círculo de críticos de Nova York: Mellor filme, mellor actriz e mellor actor secundario.
• 1983: Premios David di Donatello: Mellor actriz estranxeira (Shirley MacLaine).

Véxase tamén

Ligazóns externas

• A forza do cariño na IMDb (en inglés).
• Ficha en AllMovie (en inglés)
• Ficha en BoxOfficeMojo (en inglés)
• Ficha en RottenTomatoes (en inglés)