A Gaita Gallega (revista)
| A Gaita Gallega | |||||||||||
|---|---|---|---|---|---|---|---|---|---|---|---|
| |||||||||||
| |||||||||||
| |||||||||||
| |||||||||||
| |||||||||||
| |||||||||||
| |||||||||||
| Wikidata | |||||||||||
A Gaita Gallega, subtitulada Repinica muiñeiras, alboradas e fandangos unha vez ó mes, foi unha publicación mensual galega, fundada por Manuel Lugrís Freire e Ramón Armada Teixeiro, editada na Habana dende o 5 de santiago de 1885 ata o 18 de decembro de 1887. Reapareceu o 20 de santiago de 1889 ata decembro dese mesmo ano como suplemento de El Eco de Galicia, revista dirixida por Waldo Álvarez Insua.[1]
Historia e características
[editar | editar a fonte]
É a primeira revista da emigración escrita integramente en lingua galega. Os seus fundadores foron Roque d´as Mariñas (pseudónimo de Manuel Lugrís Freire) e Chumín de Céltegos (Ramón Armada Teixeiro). Lugrís estivo vinculado a esta empresa só nos primeiros números.[2] Nos seus catro anos de vida editáronse 20 números ordinarios e un especial sobre a morte de Rosalía de Castro.
Publicou fragmentos do Catecismo do labrego e numerosos artigos de costumes.[2]
Incluíu textos, entre outros, de Antonio de la Iglesia, Marcial Valladares, Francisco Lourido Sánchez, Manuel Amor Meilán, Lisardo Barreiro, Rosalía, Manuel Curros Enríquez, Valentín Lamas Carvajal, Alberto Camino, Andrés Muruais, Juan Barcia Caballero, Francisco Añón, Enrique Labarta Pose, Eduardo Pondal, Nicomedes Pastor Díaz, Rogelio Civeira, Alberto García Ferreiro, José García Mosquera, Francisco María de la Iglesia, Benito Losada Astray, Adolfo Mosquera, Roque Pesqueira Crespo, Xoán Manuel Pintos, Eladio Rodríguez González, Francisco Romero Blanco, Javier Valcarce Ocampo, Juan Manuel Rodríguez de Cea e Secundino Cora García.[3]
Notas
[editar | editar a fonte]- ↑ Vilavedra, D., ed. (1997). Diccionario da Literatura Galega II. Galaxia. p. 204-205. ISBN 84-8288-137-X.
- 1 2 Neira Vilas, Xosé (2005). "Gaita Gallega, A". Gran Enciclopedia Galega. El Progreso. ISBN 84-87804-88-8.
- ↑ Alonso Girgado; Regueiro; Rodrigues e Pazo (1999). A Gaita Gallega. CRPIH. ISBN 84-453-4203-7. Inclúe os facsímiles.
Véxase tamén
[editar | editar a fonte] |
A Galifontes posúe textos orixinais acerca de: A Gaita Gallega (revista) |
Bibliografía
[editar | editar a fonte]- Alonso Montero, Xesús (1995). Lingua e literatura galegas na Galicia emigrante. Xunta de Galicia.
- Carballo Calero (1975) [1963]. Historia da literatura galega contemporánea. Galaxia. pp. 132 e 478. ISBN 84-7154-227-7.
- Hermida, M. (1995). Narrativa galega: tempo do Rexurdimento. Xerais. ISBN 84-7507-886-9.
- Neira Vilas, Xosé (1995). A lingua galega en Cuba. Consello da Cultura Galega.
- Neira Vilas, Xosé (2011). A prensa galega de Cuba. CIRP. ISBN 978-84-453-5020-1.
- Peña Saavedra, Vicente (dir.) (1998). Repertorio da prensa galega da emigración. Santiago de Compostela: CCG. ISBN 84-87172-30-X.
