Praia de Augas Santas

Na Galipedia, a Wikipedia en galego.
Praia de Augas Santas
Catedrais 2.jpg
Arcos na Praia de Augas Santas.
43°33′14″N 7°9′26″W / 43.55389°N 7.15722°W / 43.55389; -7.15722Coordenadas: 43°33′14″N 7°9′26″W / 43.55389°N 7.15722°W / 43.55389; -7.15722
Posto de primeiros auxilios Paraxe natural
Características xerais
Localización Ribadeo
Lonxitude 1.500 m
Largo medio 100 m
Grao de ocupación Alta
Grao de urbanización Algún
Paseo marítimo Yes check.svg
Características específicas
Condicións do baño Yes check.svg
Aspectos medioambientais
Zona protexida Si
Seguridade
Equipo de vixilancia Si
Sinalización do peligro Si
Equipo de salvamento Si
Accesibilidade
Tipo de acceso Peonil
Sinalización do acceso Yes check.svg


A praia de Augas Santas, coñecida de xeito turístico por praia das Catedrais, é un areal situado na parroquia da Devesa, no concello de Ribadeo.

Características[editar | editar a fonte]

Ten unha lonxitude media de 1.500 metros, aínda que coa marea alta pode quedar reducida a 320 m, xa que está illada en varias porcións consideradas ás veces independentes. Ten un largo moi variable debido a que a preamar tapa toda a area en moitas partes dela, mentres noutras a baixa se descobre ata 100 m. A praia é aberta con area branca e fina, bañada por unha ondada moderada. Algún ano ten disposto de Bandeira Azul.

Entre os seus arcos agóchanse gran cantidade de especies de algas, moluscos, aves e vexetais, na actualiade en estudo mediante un convenio entre o concello de Ribadeo e a Universidade de Santiago de Compostela.[1]

Acceso e servizos[editar | editar a fonte]

Ten acceso doado pola N-634, de Ribadeo a San Cosme de Barreiros e collendo o desvío á praia das Catedrais en Reinante. Dispón así mesmo de pistas locais paralelas á costa e tamén de servizo de ferrocarril a través do apeadeiro de Esteiro (Renfe-FEVE). A praia está atendida por un equipo de salvamento; hai servizos de limpeza diaria, e a menos de 500 m. Na zona existen restaurantes, hostais, hoteis e demais servizos públicos (pasarelas, aparcadoiros, etc...). Outros servizos da praia son as duchas e aseos, ademais da sinalización do estado do mar. Moi cerca dela atópanse os portos deportivos de Ribadeo e Foz. E no caso de accidentes o Hospital Comarcal da Costa-Burela é o encargado de atendelos.

O que máis resalta desta praia son os 300 metros de cantís furados pola marea que forman uns arcos semellantes aos das catedrais góticas, e que só se poden ver coa marea baixa. A praia está protexida polas de San Miguel de Reinante (Barreiros), Esteiro, As Illas, Os Castros, Areosa e Olga (todas de Ribadeo), que, á súa vez dan nome e conforman o lugar de importancia comunitaria das Catedrais, espazo natural protexido e catalogado dentro da Rede Natura 2000. O lugar foi declarado monumento natural pola Xunta de Galicia.

No ano 2008 foi elixida como a mellor praia de Europa pola web de viaxes máis consultadas na Unión Europea, --Youvox Voyage--, que realizou unha enquisa sobre 8.000 areais do mundo[2].

En 2012 foi elixida por Traveller's Choice como a mellor praia de España, segunda de Europa e sexta mundial[3].

Galería de imaxes[editar | editar a fonte]

Notas[editar | editar a fonte]

Véxase tamén[editar | editar a fonte]

Commons
Commons ten máis contidos multimedia na categoría: Praia de Augas Santas

Ligazóns externas[editar | editar a fonte]