A Devesa, Ribadeo

Para outras páxinas con títulos homónimos véxase: A Devesa.

A Devesa
Praia das Catedrais
Concello	Ribadeo
Área	- km²
Poboación	(Ano 2004) 615 hab.
Densidade	- hab./km²
Entidades de poboación	20

Santalla da Devesa é unha parroquia do concello de Ribadeo que está arroupada polas de Reinante, San Miguel de Reinante e Vilamartin Pequeno (no concello de Barreiros) cuxo límite o fai o regato do Perdón e, polo sur con Arante, no leste con Covelas e Vilaframil (tamén está o seu termo o monte Mondigo) e polo oeste con Rinlo. Freguesía pertencente ó arciprestado de Ribadeo, conta con 615 habitantes distribuídos en 11 entidades de poboación e 9 lugares o que fai unha densidade de 29'6 hab/km², segundo o censo do 2004.

As entidades de poboacion son as seguintes: O Barral (30), Barrio Novo (10), Cinxe (93), Liñeiro (abandonado), Meirengos (48), Noceda (45), A Pedreira (29), O Rato (133), A Rochela (70), Vilagoíz (68), e Vilandriz (89).

Os lugares (que xeralmente forman parte dalgunhas das entidades) son: A Avesada, O Barrio da Campana, Cepetal, Esteiro, O Lagar, Os Olleiros, A Preixoana, O Viladroiro e A Volta.

Posúe unha superficie de 20,74 km² e unha altitude media de 110 m.

Historia do nome

O seu nome deriva do latín Defensa, "protexida", que perde o n ante o s na súa evolución, como mensa / mesa, quedando así Defesa, como xa aparece atestiguado no ano 924. O f latino, sonido fricativo fortemente sonorizado, convértese nun v dándonos a súa forma actual Devesa, co significado de "Vila fortemente defendida" que logo pasou a designar esta parroquia.

Situación xeográfica
Mapa de situación en Galicia da parroquia A Devesa, Ribadeo
Concello ó que pertence: Ribadeo

Monumentos

O templo parroquial (a Igrexa de Santa Eulalia) é do século XVI, pero con reformas posteriores. Dispón dunha nave con bóveda de aresta nos tres tramos, sobre arcos faxóns. Na fachada un arco escarzano e unha torre de dous corpos rematada pola cúpula de media laranxa. No seu interior, un retablo neoclásico do século XIX e tres barrocos do XVIII. En canto á orfebrería posúe tres cálices e un copón, de prata e ouro. Existen, ademais, dentro do térmo parroquial tres capelas, baixo as advocacions de Santa Filomena, San Roque e San Ramón (cun retablo barroco do XVIII, o que se lle incorporou un Cristo do século XVII). Na zona de Os Castros podense percibir aínda restos de castros celtas de certa importancia. Tamén se localizan o CÍrculo Habaneiro, a Casa Place, a Casa Maseda e outras de estilo colonial ao carón da estrada xeral.

Lecer

Mención á parte merece o Albergue Xuvenil, un campamento que se abre no verán para realizar acampadas. Tamén atopamos unha cooperativa agrícola "Os Irmandiños", un dos modelos que contribuíu a dar empuxe ao concello no ámbito municipal das actividades. Pero tamén hai que falar das praias do seu termo, sobresaíndo a chamada Praia das Catedrais (coñecida de sempre no lugar por Praia de Augas Santas) pertencente á zona de "O Rato", pero tampouco debemos de desprezar as praias de "As Illas" e "A Rochela" (ámbalas dúas na zona da Rochela) e "Esteiro" (dentro da zona do mesmo nome).

Festas

O 31 de agosto acostuma celebrarse a festa na honra a San Ramón Nonato, que inclúe romaría e procesión. Pero as Festas Patronais son as de Santa Eulalia case sempre o 10 de decembro e contan cunha gran tradición na zona xa que coinciden coa época do San Martiño ou da matanza do porco.

Galería de imaxes da Praia das Catedrais

• 
• 
• 
• 

  Vista parcial da praia de Augas Santas, hoxe moi coñecida por "Praia das Catedrais".

Véxase tamén

Outros artigos

• Lugares de Ribadeo