Menhir

Menhir na Bretaña.

Un menhir é un monumento prehistórico, megalítico, que se limita a unha gran pedra ergueita plantada no chan.

Características

É un monumento de pedra alto, vertical. Os menhires pódense encontrar illados ou en grupos. Teñen unha distribución xeográfica ampla. Así, por exemplo poden atoparse en América, Europa, Asia, e África, e pertencen a diversos períodos da Historia. A maioría dos exemplos europeos foron erixidos na última idade de bronce neolítica^{[Cómpre referencia]}.

As súas funcións son variadas, dende marcar os límites territoriais dun pobo até serviren como centro de cerimonias relixiosas, especialmente funerarias. Os máis modernos teñen inscricións sacras e invocacións a divindades, por iso o cristianismo rebaixou a altura dalgunhas pedras e coroounas cunha cruz, converténdose en lugares de culto cristiáns.

Tipos de Menhires

Stonehenge

• Menhires illados
• Menhires en liña
• Menhires agrupados ou Cromlech
  • Cromlech en círculo simple
  • Cromlech en círculo dobre
  • Cromlech en rectángulo
  • Cromlech en elipse

Galería de imaxes

• 

  Lapa de Gargantans.

• 

  Menhires no parque da Torre de Hércules, A Coruña

• 

  Parque dos menhires, Torre de Hércules

• 

Véxase tamén

Outros artigos

• Megalitismo
• Megalitismo en Galicia
• Dolmen

Ligazóns externas

• Megalitos da Península Ibérica