Martell Webster

Na Galipedia, a Wikipedia en galego.
Martell Webster
Washington Wizards – No. 9
Aleiro/Escolta
Información persoal
Nacemento 4 de decembro de 1986 (28 anos)
Flag of Washington.svg Edmonds, Washington
Nacionalidade Flag of the United States.svg Estados Unidos
Altura 2,01 m (6 ft 7 in)
Peso 107 kg (235 lb)
Instituto Seattle Preparatory School
Información da carreira
NBA Draft 2005 / Rolda: 1 / Elección: 6

Escollido por Portland Trail Blazers

Carreira dende 2005
Historial de equipos
Portland Trail Blazers (2006-2010)
Fort Worth Flyers (D-League)
Minnesota Timberwolves (2010-2012)
Washington Wizards (2012-presente)
Información en nba.com

Martell Webster, nado o 4 de decembro de 1986 en Edmonds, Washington, é un xogador americano de baloncesto profesional que xoga nos Washington Wizards da National Basketball Association (NBA). Webster é o curmán de Jason Terry, escolta dos Boston Celtics.

Traxectoria profesional[editar | editar a fonte]

Webster foi seleccionado polos Portland Trail Blazers na 6ª posición do Draft da NBA de 2005, despois de que os Blazers traspasaran a súa terceira elección aos Utah Jazz horas antes do Draft.[1] Foi asignado aos Fort Worth Flyers da NBA Development League polos Blazers en xaneiro de 2006, e converteuse no xogador drafteado máis arriba (6ª posición) en ser asignado á D-League ata Hasheem Thabeet.[2] Máis tarde volveu aos Trail Blazers, en febreiro de 2006. Acadou a súa mellor marca da tempada con 26 puntos o 5 de xaneiro de 2008 na vitoria contra os Utah Jazz, con 24 deles anotados no terceiro cuarto.[3] En outubro de 2008, Webster asinou unha extensión de contrato de 4 anos, por valor de 20 millóns de dólares.[4]

O 20 de febreiro de 2009, o preparador dos Blazers, Jay Jensen, anunciou que Webster íase perder o resto da tempada 2008-09 debido a unha lesión no pé esquerdo.[5]

O 23 de xaneiro de 2010, anotou 28 puntos, o máximo da súa carreira, na vitoria contra os Detroit Pistons, igualando ademais o seu maior número de triplas nun partido, con 6 lanzamentos de tres conseguidos.[6][7] Webster foi traspasado o 24 de xuño de 2010 aos Minnesota Timberwolves a cambio de Ryan Gomes e os dereitos de Luke Babbitt.[8]

O 13 de xullo de 2012, Webster foi cortado polos Timberwolves. O 29 de agosto de 2012, asinou cos Washington Wizards.[9]

Notas[editar | editar a fonte]

Véxase tamén[editar | editar a fonte]

Ligazóns externas[editar | editar a fonte]