Jarrett Jack

Na Galipedia, a Wikipedia en galego.
Jarrett Jack
Jarrett Jack in March 2013.jpg
Cleveland Cavaliers – No. 1
Base
Información persoal
Nacemento 28 de outubro de 1983 (30 anos)
Flag of Maryland.svg Fort Washington, Maryland
Nacionalidade Estados Unidos de América Estados Unidos
Altura 1,91 m (6 ft 3 in)
Peso 89 kg (197 lb)
Instituto DeMatha Catholic High School
(Hyattsville, Maryland)
Mt. Zion Christian Academy
(Durham, North Carolina)
St. Vincent Pallotti High School
(Laurel, Maryland)
Worcester Academy
(Worcester, Massachusetts)
Información da carreira
Universidade Georgia Tech
NBA Draft 2005 / Rolda: 1 / Elección: 22

Escollido por Denver Nuggets

Carreira dende 2005
Historial de equipos
Portland Trail Blazers (2005–08)
Indiana Pacers (2008–09)
Toronto Raptors (2009–2010)
New Orleans Hornets (2010-2012)
Golden State Warriors (2012-2013)
Cleveland Cavaliers (2013-presente)
Información en nba.com

Jarrett Matthew Jack, nado en Fort Washington (Maryland) o 28 de outubro de 1983, é un xogador americano de baloncesto profesional que xoga nos Cleveland Cavaliers da National Basketball Association (NBA).

Traxectoria[editar | editar a fonte]

Despois do instituto, Jack foi e xogou con Georgia Tech en Atlanta, Xeorxia.[1] No seu ano coma sophomore (2003-04) axudou a Georgia Tech a chegar ás Finais da NCAA con 12,5 puntos e 5,1 asistencias por partido. No seu último ano acadou 15,5 puntos, 4,8 rebotes e 4,5 asistencias.

Jack entrando a canastra nun partido contra Miami Heat.

Despois do seu ano coma júnior en Georgia Tech, optou por entrar no Draft da NBA de 2005, onde foi seleccionado polos Denver Nuggets na 22ª posición. A noite do draft, Jack foi traspasado aos Portland Trail Blazers a cambio de Linas Kleiza (27ª elección) e Ricky Sánchez (35ª elección).

Coma rookie en 2005-06, Jack estaba por detrás de Steve Blake e de Sebastian Telfair, o que fixo que tivera moi poucos minutos. Blake foi traspasado aos Milwaukee Bucks e Telfair aos Boston Celtics nun traspaso entre varios equipos durante o verán de 2006. Coa súa ausencia, Jack colleu o posto de base titular co adestrador Nate McMillan na tempada 2006-07, incrementando esaxeradamente as súas medias. Coa volta de Steve Blake na tempada 2007-08, Jack volveu outra vez ao rol de sexto home.

O 9 de xullo de 2008, Jack foi traspasado aos Indiana Pacers xunto con Josh McRoberts e a elección do draft Brandon Rush, a cambio de Ike Diogu e Jerryd Bayless.[2]

O 13 de xullo de 2009, Jack asinou un contrato por 4 anos cun valor de 20 millóns de dólares cos Toronto Raptors.[3] Os Pacers tiñan sete días para igualar a oferta, pero decidiron non facelo.

O 20 de novembro de 2010, Jack foi traspasado aos New Orleans Hornets xunto con Marcus Banks e David Andersen, a cambio de Peja Stojaković e Jerryd Bayless.[4]

O 11 de xullo de 2012, foi traspasado ós Golden State Warriors nun traspaso entre tres equipos, incluíndo os Philadelphia 76ers, quen recibiron a Dorell Wright de Golden State.[5]

O 12 de xullo de 2013, Jack asinou cos Cleveland Cavaliers.[6]

Notas[editar | editar a fonte]

Véxase tamén[editar | editar a fonte]

Ligazóns externas[editar | editar a fonte]