Iago Díaz

Na Galipedia, a Wikipedia en galego.
Iago Díaz
Información persoal
Nome completo Iago Díaz Fernández
Nacemento 10 de febreiro de 1993 (21 anos)
Lugar Barcelona, Cataluña
Altura 1,75 m
Posición Centrocampista
Información de club
Club actual Lugo
Número 23
Carreira xuvenil
2007-2012 Lugo
Carreira sénior
Anos Equipos Aprs (Gls)
2011– Lugo 93 (9)
* Partidos e goles só en liga doméstica.
† Aparicións (Goles)
‡ Actualizado a 12 de outubro de 2014

Iago Díaz Fernández, coñecido como Iago Díaz nado en Barcelona (Cataluña) o 10 de febreiro de 1993, é un futbolista profesional galego que actualmente xoga de centrocampista no Club Deportivo Lugo. Os seus pais son de Lugo e Paradela. Formado na canteira do Lugo, anteriormente até os catorce anos xogara no Azkar Lugo de fútbol sala.

Traxectoria[editar | editar a fonte]

Nado circunstancialmente Barcelona, aínda que lucense, de facto pódese ler habitualmente que naceu en Lugo, Iago Díaz comezou a xogar de novo nas categorías inferiores do equipo de fútbol sala da súa cidade, o Azkar Lugo, pasando desde alí pasou ás categorías inferiores do Club Deportivo Lugo. No club albivermello comezaría a progresar até chegar debutar en decembro de 2011 co primeiro equipo nun encontro da Segunda División B ante o Rayo Vallecano B en Madrid. No Anxo Carro xogaría o seu primeiro partido oficial ante o Real Club Celta de Vigo B. O 4 de marzo desa mesma tempada marca o seu primeiro gol na competición ante o Real Sporting de Gijón B, curiosamente outro equipo filial. Finalizaría ese ano tendo xogado 13 partidos co primeiro equipo, nun ano no que os galegos conseguriían o seu ascenso á Segunda División. Ese mesmo verán asina un contrato por tres temporadas no equipo da súa cidade.

No seu primeiro ano na categoría de prata, debuta xa na primeira xornada, o 18 de agosto de 2012, na vitoria dos lucenses por 1-0 ante o Hércules Club de Fútbol,[1] saíndo no minuto 75 en substitución do arxentino Diego Tonetto. O seu primeiro gol en Segunda chegaría antes de finalizar o ano, anotando o 1-2 na derrota do seu equipo ante o seu público contra o Girona Futbol Club.[2] Finalizaría a tempada 2012-13 con 4 goles marcados, o que o faría o segundo máximo goleador do club nesa tempada xunto con Pablo Álvarez, só por detrás dos 15 goles de Óscar Díaz. Na tempada 2013-14 xogaría 37 partidos e anotaría 3 goles, sendo a finais de tempada un dos fixos no once de Quique Setién.

Clubs[editar | editar a fonte]

Club Categoría Ano PX Goles
Lugo Segunda B 2011-2012 17 1
Lugo Segunda 2012-2013 31 4
Lugo Segunda 2013-2014 37 3
Lugo Segunda 2014-2015

Notas[editar | editar a fonte]

Véxase tamén[editar | editar a fonte]

Ligazóns externas[editar | editar a fonte]