David Prieto
| Prieto | |||
|---|---|---|---|
| Información persoal | |||
| Nome | David Prieto Gálvez | ||
| Nacemento | 2 de xaneiro de 1983 (41 anos) | ||
| Lugar de nacemento | Sevilla | ||
| Altura | 1,85 m | ||
| Posición | Defensa | ||
| Información de club | |||
| Club actual | Lugo | ||
| Número | 3 | ||
| Carreira xuvenil | |||
| Sevilla | |||
| Carreira sénior | |||
| Anos | Equipos | Aprs | (Gls) |
| 2002–2008 | Sevilla B | 133 | (5) |
| 2002–2003 | → Jerez (cesión) | 28 | (1) |
| 2005–2011 | Sevilla | 30 | (0) |
| 2006–2007 | → Xerez (cesión) | 38 | (1) |
| 2009–2010 | → Xerez (cesión) | 21 | (0) |
| 2010–2011 | → Tenerife (cesión) | 20 | (1) |
| 2011–2012 | Córdoba | 22 | (1) |
| 2012–2013 | Xerez | 26 | (3) |
| 2014– | CD Lugo | 4 | (0) |
|
Partidos e goles só en liga doméstica. Selección: actualizado a 20 de maio de 2014[ editar datos en Wikidata ] | |||
David Prieto Gálvez, nado en Sevilla o 2 de xaneiro de 1983, é un futbolista profesional español que actualmente xoga como defensa central no Club Deportivo Lugo.
Traxectoria[editar | editar a fonte]
Comezo no Sevilla[editar | editar a fonte]
David Prieto formouse na canteira do Sevilla Fútbol Club, conseguindo chegar até o filial, o Sevilla Atlético, na tempada 2002-03. Con todo, o primeiro ano foi cedido ao Jerez CF estremeño. Xa no filial sevillista na seguinte tempada afianzouse no eixo central da defensa, chegando a xogar 35 partidos que serviron ao equipo para meterse na promoción de ascenso á Segunda División como terceiro clasificado. Porén, na posterior fase de ascenso o club non consegue subir a categoría de prata. Na seguinte campaña o equipo acaba a liga na primeira posición do Grupo 4, aínda que de novo volve a fallar na súa tentativa de ascenso nas eleiminatorias. Así a todo a decepción de David tras non obter o ascenso viuse acougada ao conseguir debutar co primeiro equipo na Primeira División.
Na súa terceira tempada seguiu xogando co Sevilla Atlético, onde por terceira vez consecutiva clasificase para xogar a promoción de ascenso a Segunda. Esta vez o equipo terminou a liga na terceira posición, repetenido de novo a historia dos anos anteriores nas que non conseguiron o ascenso. Doutra banda, David Prieto seguía a xogar co primeiro equipo. Debido aos seus partidos na Primeira División co primeiro equipo e os fallos nas tentativas de ascenso á Segunda Divisón, para non frear a traxectoria do xogador e obter experiencia o club toma a decisión de procurarlle unha saída en calidade de cedido na Segunda categoría.
Segunda División[editar | editar a fonte]
Finalmente o xogador recala para a tempada 2006-07 no Xerez Club Deportivo da Segunda División. Ese ano é unha das revelacións da Liga, demostrando un gran nivel nun Xerez no que disputa 38 partidos da competición. A pesar da gran tempada realizada, David Prieto segue sen ter un sitio no Sevilla FC. Porén, o ascenso a Segunda do Sevilla Atlético fai que o central regrese á casa sevillista para xogar no filial na tempada 2007-08. Tras a volta desde o equipo de Jerez de los Caballeros ao Sevilla Atlético, o filial sevillista convértese contra todo prognóstico no equipo revelación dos recentemente ascendidos. Tras pasar unha campaña tranquila nos postos medios-altos da táboa, acaba na novena posición, xogando David un total de 26 partidos. A súa continuidade no filial viuse interrompida polas convocatorias co primeiro equipo onde Juande Ramos vía nel unha promesa para o Sevilla FC con moito que achegar. En total Prieto xogou nove partidos, dos cales oito fíxoo como titular disputando todos os minutos.
Na tempada 2008-09, Prieto pasa ser definitivamente parte do cadro de xogadores do primeiro equipo do Sevilla Fútbol Club, sendo o encargado de levar o dorsal número 16 que se deixou vacante o falecemento de Antonio Puerta. No seu primeiro ano como xogador exclusivo de Primeira División consegue xogar 13 partidos de Liga, todos como titular. No verán de 2009, Manolo Jiménez notifica a David Prieto que non conta con el para a próxima campaña de Liga, xa que era o último central co que contaría no cadro de xogadores, recomendándolle así que se buscase equipo.
Regreso a Segunda Divisón[editar | editar a fonte]
Tras as palabras do técnico sevillista e a procura do Xerez por atopar centrais, o Sevilla e o Xerez acaban chegando a un acordo para a incorporación como cedido no seu debut en Primeira División (tempada 2009-10). Unha das claves da fichaxe foi a gran relación que manteñen o Sevilla e o Xerez, así como o ano que David xa pasara alí na tempada 2006-07.[1] Tras xogar 21 partidos en Primeira, 20 deles como titular, ao ano seguinte é cedido de novo, esta vez na Segunda División, para formar parte do ambicioso proxecto para retomar a categoría do recentemente descendido Club Deportivo Tenerife.[2] Tras un ano no club canario, ficha polo Córdoba Club de Fútbol, onde permanece outra tempada. En xullo de 2012 anúnciase a súa incorporación, por terceira vez en seis anos, ao Xerez Club Deportivo, onde permanecería até o final de tempada. Tras os problemas extradeportivos do Xerez, Prieto comeza a tempada 2013-14 sen equipo, até que o 4 de febreiro de 2014 anúnciase a súa incorporación ao Club Deportivo Lugo de novo na Segunda División. No club galego xoga tan só 4 partidos no que resta de campaña, polo que o club lucense non lle ofrece renovar. Tras estar o verán sen equipo, asina polo Real Murcia para xogar Segunda División B.
Clubs[editar | editar a fonte]
| Ano | Club | División | Partidos | Goles |
|---|---|---|---|---|
| 2002-2003 | Jerez CF | Segunda B | 28 | 1 |
| 2003-2004 | Sevilla Atlético | Segunda B | 35 | 1 |
| 2004-2005 | Sevilla Atlético | Segunda B | 31 | 3 |
| 2004-2005 | Sevilla FC | Primeira | 4 | 0 |
| 2005-2006 | Sevilla Atlético | Segunda B | 29 | 0 |
| 2005-2006 | Sevilla FC | Primeira | 4 | 0 |
| 2006-2007 | Xerez CD | Segunda | 38 | 1 |
| 2007-2008 | Sevilla Atlético | Segunda | 26 | 1 |
| 2007-2008 | Sevilla FC | Primeira | 9 | 0 |
| 2008-2009 | Sevilla FC | Primeira | 13 | 0 |
| 2009-2010 | Xerez CD | Primeira | 21 | 0 |
| 2010-2011 | CD Tenerife | Segunda | 20 | 1 |
| 2011-2012 | Córdoba CF | Segunda | 22 | 1 |
| 2012-2013 | Xerez CD | Segunda | 26 | 3 |
| 2014 | CD Lugo | Segunda | 4 | 0 |
| 2014-2015 | Real Murcia | Segunda B |
Palmarés[editar | editar a fonte]
- Segunda División B (2005). Sevilla Atlético
- Copa da UEFA (2006). Sevilla FC
- Supercopa (2007). Sevilla FC
Notas[editar | editar a fonte]
- ↑ Rivero, Álvaro (20 de agosto de 2009). As, ed. "Aquí también me siento como en casa" (en castelán). Consultado o 4 de febreiro de 2014.
- ↑ Agencia EFE (28 de xullo de 2010). As, ed. "El defensa David Prieto se va cedido al Tenerife" (en castelán). Consultado o 4 de febreiro de 2014.
