Henrique de Borgoña

Na Galipedia, a Wikipedia en galego.
Henrique de Borgoña
Conde de Portugal
Reinado 1093 – 1112
Predecesor Raimundo
Sucesor Afonso Henriques
Cónxuxe Tareixa de Portugal
Descendencia
Urraca Henriques
Sancha Henriques
Teresa Henriques
Henrique Henriques

Afonso Henriques

Casa Casa de Borgoña
Pai Henrique de Borgoña
Nacemento c. 1066
Ducado de Borgoña, reino de Francia
Falecemento 22 de maio de 1112
Astorga.
Enterramento Catedral de Braga, Braga, Condado de Portugal

Henrique de Borgoña, nado no 1066 en Dijon e finado o 24 de abril de 1112 en Astorga, foi conde de Portugal desde 1093 ata a súa morte. Fillo de Henrique de Borgoña, herdeiro de Roberto de Borgoña e de Beatriz ou Sibila de Barcelona, foi irmán de Hugo I, duque de Borgoña, e de Eudes I de Borgoña. Foi á súa vez, parente de Raimundo de Borgoña e do propio Papa Calisto II.

Como fillo menor, Henrique tivo escasas oportunidades de adquirir títulos e fortuna por herdanza, e por esa razón procurou riqueza e poder na Península Ibérica participando nas campañas bélicas entre monarcas cristiáns e musulmáns. Sería baixo o amparo de Afonso VI -casado con Constanza de Borgoña, tía de Henrique- onde atoparía o recoñecemento dos seus triunfos na guerra. Así, ao pouco tempo, o rei Afonso concerta o matrimonio dunha das súas fillas -a infanta Tareixa-, con Henrique, encomendándolle a ambos o señorío do condado de Portugal, no sur do reino de Galiza.

Descendencia[editar | editar a fonte]

Henrique tivo con Tareixa, tres fillos e tres fillas, non obstante o único fillo home que chegou á maioría de idade foi Afonso Henriques, quen tras a morte de Henrique o sucedería no título condal, sendo o segundo conde de Portugal xa no ano 1112. Sería o seu herdeiro, Afonso Henriques o que levaría a cabo a gran empresa de expansión e independencia política do pequeno condado de Portugal, que o levaría a titularse rei de Portugal no ano 1139, rompendo co resto do reino de Galiza, e creando un novo reino, -motivo de discordía coa súa nai, e que levaría a ambos a confrontarse no campo de batalla-.

Das tres fillas de Henrique, só dúas chegarían a idade adulta, Urraca e Sancha. Urraca casaría co nobre galego Vermudo Peres de Trava, Conde de Trastamara, e pola súa parte Sancha contraería matrimonio con outro importante aristócrata galego, Sancho Nunes de Celanova co que tería un fillo, Velasco Sanches.

Henrique de Borgoña
Nacemento: 1066 Falecemento: 1112


Outros títulos Nobiliarios
Vacante
O último posuidor do título foi
Nuno II Mendes


Conde de Portugal
1093 – 1112
Sucedido  por
Afonso I de Portugal