Accidente xeográfico

Para outras páxinas con títulos homónimos véxase: Accidente (homónimos).

Un accidente xeográfico é unha particularidade no relevo do planeta Terra, tanto na formación de solos continentais e costeiros.

Variedades

• Baía: Entrada do mar sobre a costa dun continente, cunha abertura estreita.
• Barra: Cúmulo de material na desembocadura de cursos de auga no punto de equilibrio das correntes hídricas.
• Cabo: Punta de terra que penetra no mar.
• Canal (ou canle): pasaxe escavada na terra por onde se conduce a auga para conectar dous ríos, lagos ou mares. Tamén é un estreitamento natural do mar.
• Catarata: saltos de auga, ou fervenzas, de altura considerábel.
• Chapada: Especie de meseta, mais de maiores dimensións. Un exemplo é a Chapada dos Guimarães, sobre a cal fica o municipio homónimo.
• Delta: Conxunto de illas, na desembocadura dun río.
• Depresión: Grandes extensións de terra situadas abaixo do nivel do mar.
• Estreito: Pasaxe estreita entre dúas faixas de terra, pola cal se comunican dous mares.
• Estuario (ou esteiro): larga boca formada na desembocadura dun río no mar. É un simple alargamento triangular, en forma de funil.
• Fiorde: entrada estreita e profunda entre montañas, como resultado da penetración do mar onde antes había un glaciar.
• Glaciar: Río de xeo que descende das montañas. É formado nas grandes alturas pola acumulación de neve que nunca chega a derreter. Despois, descolócase, moi lentamente, para baixo.
• Illa: Porción de terra rodeada por auga polos lados. Algunhas son desprendemento de terra das masas continentais, formadas hai millares de anos. Outras, moi pequenas, son montañas ou volcáns submarinos que sobresaen na superficie dos océanos.
• Istmo: faixa de terra que une dous continentes ou unha península cun continente.
• Mesa: Parte de terra plana e elevada, de extensión considerábel. Vexa tamén chapada.
• Meseta: parte de terra plana e elevada, non moi extensa. Vexa tamén chapada.
• Montaña: outeiros moi altos, con pendentes ou ladeiras rochosas case verticais. Moitas delas encóntranse en grandes cadeas montañosas formadas hai millares de anos.
• Península: Porción de terra que sobresae amplamente do continente. Está rodeada na súa maior parte polo mar.
• Planicie (ou chaira): grandes superficies de terra case totalmente planas, cubertas por grama e ás veces coa presenza de árbores e arbustos.
• Arrecife: Faixa de area, xeralmente estreita, que separa corpos de auga costeiros do océano; banco de area ou de pedras no alto mar. Unha das maiores e máis famosas no Brasil é o Arrecife de Marambaia.
• Río: cursos de auga permanentes e regulares, ou sexa, que non secan, e que reciben as augas doutros ríos chamados afluentes. Nacen xeralmente nas montañas, descenden para a planicie e desembocan nos lagos, nos océanos ou noutros ríos.
• Volcán: montañas que posúen un interior onde se acumulan gases e lava (rochas derretidas), que poden saír ao exterior en forma de erupcións.