Ría

A vila de Rianxo na ría de Arousa

A cidade de Marín na ría de Pontevedra

Ría de Muros

Ría de Ferrol

A ría é un dos posíbeis accidentes xeográficos que forma a desembocadura dun río no mar ou océano. É un grande estuario formado a partir dun vale costeiro mergullado; este vale no que se atopa non ten orixe glaciar, o que basicamente diferencia a ría do fiorde.

Do mesmo xeito que no caso dos esteiros, para a ría, a confluencia de augas de mar e río é unha das súas características determinantes. A vida nelas está determinada pola influencia equilibrada de mar e río, maiormente en canto ás súas augas e correntes, estando por un lado rexido polas subidas e baixadas das mareas e por outro condicionado polo caudal do rio. Polo feito de estar situadas na parte final dun río, as rías teñen tendencia á colmatación, é dicir, á recepción e enchido por materiais erosivos do propio río, así como doutros arrastrados polas correntes costeiras, que ó entrar no recuncho que ofrecen as rías suavizan a súa potencia e descargan materiais.

Rías

En España son coñecidas as Rías Baixas e as Rías Altas en Galicia, aínda que tamén pódense atopar este tipo de desembocaduras en Asturias, Cantabria, País Vasco e Huelva. En Portugal existe un único caso, a Ría de Aveiro.

Percorrendo a costa de sur a norte e de oeste a leste, atopamos nas costas galegas e cantábricas as seguintes rías:

Galicia

Artigo principal: rías de Galicia.

Rías Baixas

• Ría de Vigo
• Ría de Pontevedra
• Ría de Arousa
• Ría de Muros e Noia
• Ría de Corcubión
• Ría de Baiona
• Ría de Aldán

Rías Medias

Nota: O nome de rías medias moitas veces non aparece, englobándose todas nas Baixas ou nas Altas. Aquí cóllese a clasificación con límites Cabo Fisterra e Estaca de Bares para facer a división.

• Ría de Camariñas
• Ría de Corme e Laxe
• Ría da Coruña ou Ría do Burgo
• Ría de Betanzos
• Ría de Ares
• Ría de Ferrol
• Ría de Cedeira
• Ría de Ortigueira

Rías Altas

• Ría do Barqueiro
• Ría de Viveiro
• Ría de Foz
• Ría de Ribadeo

Do resto do Mar Cantábrico

• Ría de Navia
• Ría de Villaviciosa
• Ría de Tina Menor
• Ría de Bilbao
• Ría de Pasaxes

Rías na Bretaña

• Rias (chamadas aber en bretón e en francés) en Finistère :
  • Aber-Wrac'h (Aber Ac'h en bretón)
  • Aber-Benoît (Aber Benniged en bretón)
  • Aber-Ildut (Aber Iltud en bretón)
• Ribeira do Trieux, en Côtes-d'Armor
• Val do río Rance, en Ille-et-Vilaine

Outras

• Ría de Huelva

• O litoral atlántico norteamericano, entre New York e o cabo Hatteras tamén contén unha serie de rias.