James Jones

Na Galipedia, a Wikipedia en galego.
James Jones
Posición Ala / Escolta
Dorsal 33, 22, 1
Altura 2,03 m (6 ft 8 in)
Peso oficial 99 kg (218 lb)
Nacemento 4 de outubro de 1980 (37 anos)
Flag of Florida.svg Miami, Florida
Carreira
Universidade Miami (Florida) (1999–2003)
NBA Draft 2003 / Rolda: 2 / Elección: 49

Por Indiana Pacers

Tempadas 20032017
Equipo(s)
Estatísticas (NBA)
Puntos     3 717 (5,2 pp)
Rebotes     1 276 (1,8 pp)
Asistencias     366 (0,5 pp)
Stats @ Basketball-Reference.com
Premios

James Andrew Jones, nado en Miami (Florida) o 4 de outubro de 1980, é un ex-xogador americano de baloncesto profesional que xogou 14 tempadas na National Basketball Association (NBA). Actualmente é o vicepresidente de operacións baloncestísticas dos Phoenix Suns da NBA.

Traxectoria deportiva[editar | editar a fonte]

Jones foi seleccionado na 49ª posición do Draft da NBA de 2003 polos Indiana Pacers, tras saír da Universidade de Miami.[1] Tras xogar tan só 26 minutos[2] en seis partidos durante a súa tempada coma rookie, xogou case a tempada enteira na 2004-05, facendo 4.9 puntos por partido, e quedando 25ª na liga en porcentaxe de triplas anotadas (39.8%).[2]

O 25 de agosto de 2005, foi traspasado aos Phoenix Suns, a cambio dunha elección de segunda rolda do Draft de 2008.[2]

En xuño de 2007, foi traspasado aos Portland Trail Blazers xunto cos dereitos de Rudy Fernández, a cambio de diñeiro.[3] Durante a súa primeira tempada en Portland, Jones mantívose no máis alto nas listas de porcentaxe de anotación de triplas, e rematou 3º cunha porcentaxe dun 44.4%.[4] Malia a súa alta porcentaxe en triplas, non foi escollido para participar no concurso de triplas do All-Star Weekend da NBA de 2008.[5]

O 26 de xuño de 2008, Jones usou a súa opción de xogador para convertirse en axente libre e deixar Portland ao remate da tempada.[6] O 9 de xullo de 2008, Jones asinou un contrato cos Miami Heat por 5 anos, cun valor de 23.2 millóns de dólares.

O 29 de xuño de 2010, foi cortado polos Heat para liberar espazo salarial, pero o 19 de xullo asinou de novo con Miami co salario mínimo.[7]

O 19 de febreiro de 2011, gañou o concurso de triplas do All-Star Weekend de 2010, no Staples Center dos Ánxeles. Ao ano seguinte, participou de novo en Orlando, pero quedou eliminado na primeira rolda do concurso.

O 5 de agosto de 2014, asinou cos Cleveland Cavaliers.[8]

Notas[editar | editar a fonte]

Véxase tamén[editar | editar a fonte]

Ligazóns externas[editar | editar a fonte]