Shaun Livingston

Na Galipedia, a Wikipedia en galego.
Shaun Livingston
Shaun Livingston Wizards.jpg
Golden State Warriors – No. 34
Base
Información persoal
Nacemento 11 de setembro de 1985 (32 anos)
Illinois Peoria, Illinois
Nacionalidade Estados Unidos de América Estados Unidos
Altura 2,01 m (6 ft 7 in)
Peso oficial 87 kg (192 lb)
Información da carreira
Instituto Peoria Central
NBA Draft 2004 / Rolda: 1 / Elección: 4

Por Los Angeles Clippers

Carreira desde 2004
Historial de equipos
Los Angeles Clippers (2004-2008)
Miami Heat (2008-2009)
Tulsa 66ers (2009) D-League
Oklahoma City Thunder (2009)
Washington Wizards (2010)
Charlotte Bobcats (2010-2011)
Milwaukee Bucks (2011-2012)
Washington Wizards (2012)
Cleveland Cavaliers (2012-2013)
Brooklyn Nets (2013-2014)
Golden State Warriors (2014-presente)
Premios e galardóns
Campión NBA (2015, 2017)
Información en nba.com

Shaun Patrick Livingston, nado o 11 de setembro de 1985 en Peoria, Illinois, é un xogador profesional de baloncesto estadounidense que xoga para os Golden State Warriors da National Basketball Association (NBA). Cunha altura de 2,01 m e 87 kg de peso, Livingston xoga na posición de base. O seu maior éxito é o anel de campión conseguido como mebro dos Warriors na temporada 2014-15. Antes do equipo californiano formou parte de Los Angeles Clippers, equipo que o seleccionou no Draft da NBA en 2004, Miami Heat, Oklahoma City Thunder, Washington Wizards, Charlotte Bobcats, Milwaukee Bucks, Cleveland Cavaliers e Brooklyn Nets.

Traxectoria[editar | editar a fonte]

Instituto[editar | editar a fonte]

Xogou primeiro no instituto Richwoods, pasando posteriormente ao de Peoria Central, onde se lle comparou coa gran estrela da NBA Magic Johnson. No ano 2004 xogou o McDonald's High School All-American, un partido que disputan os mellores xogadores de instituto da temporada, onde foi nomeado co-MVP. Debido ao éxito, aceptou unha bolsa para xogar e realizar os seus estudos na Universidade de Duke, mais pouco despois renunciou a ela, anunciando que se presentaría no Draft da NBA.

Profesional[editar | editar a fonte]

Foi elixido na cuarta posición da primeira rolda do Draft de 2004]] por Los Angeles Clippers, aproveitando a praza que lles cederan os Charlotte Bobcats. Na súa tempada de rookie tan só puido disputar 30 partidos debido a unha lesión de xeonllo. A pesar diso, conseguiu facer unha media de 7,4 puntos e 5 asistencias por partido. Na súa segunda tempada tamén se perdeu un bo número de partidos por mor das lesións, mais a súa maior desgraza sucedería en febreiro de 2007, cando, tras unha mala caída, desconxuntouse a rótula e fracturouse os ligamentos anterior e posterior do xeonllo, o que lle fixo perderse o resto da temporada 2006-07, tendo prevista unha recuperación de polo menos 8 meses.

En outubro de 2008 asinou contrato con Miami Heat, pasando despois polos Oklahoma City Thunder e os Tulsa 66ers da NBA Development League. Tras pasar por Wizards e Bobcats, o 23 de xuño de 2011 asina polos Milwaukee Bucks nun traspaso a tres bandas. Posteriormente voltaría aos Wizards, para xogar despois en Cleveland e Brooklyn. Finalmente en 2014 asina polos Golden State Warriors, equipo co que consegue o seu primeiro anel de campión.

Véxase tamén[editar | editar a fonte]

Ligazóns externas[editar | editar a fonte]