Doentes (filme)

Doentes
	Título Doentes
	Instancia de filme
	Xénero cinema dramático
	Lingua orixinal lingua galega
	Cor en cor
Autoría
	Director/a Gustavo Balza
	Compositor/a Bieito Romero
	Guionista Gustavo Balza
	Editor/a de cine Sandra Sánchez
	Actores Antonio Durán "Morris" ; María Vázquez ; Xosé Manuel Olveira "Pico" ; Ernesto Chao
Temática
	Baseado en Doentes
Publicación
	Recadación 5.098,6 €
	Custo 300.000 €
	Premios Premio Mestre Mateo ó mellor filme (2011); Premio Mestre Mateo á mellor interpretación masculina protagonista (2011)
Datas
	Data de publicación 2011
	Data de publicación 2011
Dimensión
Duración
Duración	85 min
Localización
	Lugar de rodaxe Galicia
	País de orixe España
Fontes e ligazóns
	Redes
	Redes
	Wikidata

Doentes é unha longametraxe galega de ficción, producida en 2011 con dirección de Gustavo Balza. Está baseada na obra de teatro Doentes, de Roberto Vidal Bolaño. O filme estreouse en Galicia o 20 de maio de 2011. Foi unha das grandes vencedoras dos Premios Mestre Mateo 2011 (entregados no 2012), gañando cinco galardóns, incluíndo mellor longametraxe de ficción e mellor interpretación masculina protagonista Antonio Durán "Morris".

O filme estreouse en galego en cinco salas comerciais: Filmax na Coruña, Multicines Centro en Lugo, Cines Compostela en Santiago de Compostela, cines Praza Elíptica en Vigo e Multicines Gran Arousa en Vilagarcía de Arousa.^[1] Recadou 5.098,60 € nos cinemas.^[2]

Trama

Santiago de Compostela, década de 1950. Os enfermos acollidos no Hostal dos Reis Católicos son botados á rúa, dado que pecha como hospital e pasa a ser un hotel de luxo, para albergar persoeiros estranxeiros, como o presidente dos Estados Unidos de América, Dwight D. Eisenhower, quen visitou a cidade pouco despois.

Don Valeriano e Cañete comezan unha peregrinación na procura dun lugar onde pasar a noite, e descobren que a policía está a apresar xente porque ao día seguinte estarán de visita Francisco Franco e mais a súa muller, Carmen Polo. Don Valeriano leva unha talla en madeira de San Serapio para lla dar a Carmen Polo, mais hai un trasacordo co intermediario e finalmente levan a figura canda a eles toda a noite. Pasan a noite perseguidos por membros dun requeté de falanxistas, que os acusan de roxos.

Ambos os dous son pais de membros da loita antifranquista, e Cañete prometéralle ao seu fillo, xa morto, que procuraría matar o xeneralísimo. Don Valeriano pide axuda a membros do Partido Comunista na clandestinidade, mais estes optan pola loita política no canto da militar porque obedece mellor aos fins da súa loita. Pensan en falar con xente do Partido Galeguista, pero din que están máis pendentes da loita literaria.

Tras unha falcatruada, mexar por riba dun municipal, son levados a comisaría, mais déixanos ceibes por falta de espazo. Finalmente os requetés danlle unha malleira a Cañete, e Don Valeriano intenta matar a Franco pola súa conta.

Elenco

Antonio Durán "Morris" como Cañete
Xosé Manuel Olveira "Pico" como Valeriano
María Vázquez
Rosa Álvarez
Manolo Cortés
Farruco Castromán
Gonzalo Uriarte
Salvador del Río
Evaristo Calvo
Luísa Merelas
Xosé Bonome
Ernesto Chao
Laura Ponte Santasmarinas
Roberto "Luna" Sánchez
Xosé Barato

Produción

Tivo un orzamento de 300.000 €.^[1]

Galardóns e nomeamentos

2011: Festival de Málaga: Sección oficial - Longametraxes a concurso.
2011: Seleccionada para participar na 33ª edición do Festival Internacional de Cine de Moscova, na sección 'Focus on Spain'.

Premios Mestre Mateo

Ano	Categoría	Receptor	Resultado
10ª edición	Mellor filme	Gustavo Balza	Gañador
	Mellor director	Gustavo Balza	Nomeado
	Mellor actor	Antonio Durán "Morris"	Gañador
	Mellor actor	Xosé Manuel Olveira "Pico"	Nomeado
	Mellor actriz	María Vázquez	Nomeada
	Mellor guión	Roberto G. Méndez e Gustavo Balza	Nomeados
	Mellor dirección de produción	Enrique Batet	Gañador
	Mellor dirección artística	Alexandra Fernández	Gañadora
	Mellor montaxe	Sandra Sánchez	Nomeada
	Mellor música orixinal	Bieito Romero	Nomeado
	Mellor son	Carlos Mouriño	Nomeado
	Mellor fotografía	Suso Bello	Gañador
	Mellor deseño de vestiario	Eva Camino	Nomeada

Notas

↑ ^1,0 ^1,1 AVG (ed.). "Doentes en AVG". Consultado o 25 de novembro de 2013.
↑ Catálogo ICAA (ed.). "Ficha da ICAA de Doentes". Consultado o 2 de novembro de 2019.

Véxase tamén

Outros artigos

Lista de filmes en galego con maior recadación

Ligazóns externas

Ficha no soportal do audiovisual galego.
Imaxes da rodaxe na web da RTVG
Doentes na IMDb (en inglés).
Fotogramas "Doentes-Enfermos"
Filmaffinity "Doentes (Enfermos)"
Culturamas "Doentes (2011)"
"Gustavo Balza: 'Doentes es una película con vocación universal'", artigo en El Mundo, 15 de xuño de 2011 (en castelán).

[AVG-1] 1,0 ^1,1 AVG (ed.). "Doentes en AVG". Consultado o 25 de novembro de 2013.

[2] Catálogo ICAA (ed.). "Ficha da ICAA de Doentes". Consultado o 2 de novembro de 2019.

[1]

[2]