Diocese de Iria
 | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde novembro de 2013.) |
A diocese de Iria (en latín: Diocesis Iriensis) foi unha sede territorial galega da Igrexa Católica, predecesora da Diocese de Santiago de Compostela e finalmente da Arquidiocese de Santiago de Compostela.
Historia[editar | editar a fonte]
O asentamento galaico-romano de Iria Flavia -antiga capital do pobo galaico dos Caporos-, xa era a finais do século IV un centro económico-social de suficiente relevancia como para conformarse nela un centro eclesiástico de ampla magnitude. Descoñécese o ano exacto da fundación da diocese, pero o seu primeiro bispo coñecido -André de Iria- aparece recollido na documentación dos máis importantes concilios relixiosos do reino de Galicia a finais do século VI.
Así pois, a fundación da diocese establecese tradicionalmente entre o século IV e VI. Desde o Primeiro Concilio de Braga asume formalmente un número de parroquias (nome co que se designaban aos antigos arciprestados) que van desde o río Verdugo ata o Golfo Ártabro.
No século VIII, aínda co establecemento do Emirato de Córdoba en Hispania, a diocese continuou a existir sen alteracións tal e como amosa a continuidade dos seus bispos en todo momento. A partir do descubrimento/invención dos restos do apóstolo Santiago entre os anos 820 e 830, os bispos irienses pasaron a residir en Compostela, trasladando a sé a Compostela no ano 1095, momento no que a diocese pasa a chamarse Diocese de Santiago de Compostela.
Bispos[editar | editar a fonte]
|
|