Gudesteo
| Biografía | |
|---|---|
| Nacemento | século XI  |
| Morte | século XI |
| Causa da morte | Homicidio |
| Bispo de Iria Flavia sede titular da Iria Flavia | |
| 1067 – 1069 ← Cresconio – Diego Peláez → | |
| Arcebispo | |
| | |
| Datos persoais | |
| País de nacionalidade | Reino de Galicia |
| Relixión | Igrexa católica |
| Actividade | |
| Ocupación | sacerdote católico |
| Período de actividade | (Con vida en: 1067 ) |
Gudesteo (fl. 1067-1069) foi un bispo de Iria Flavia e Santiago de Compostela durante o século XI. Sobriño do seu predecesor inmediato, Cresconio, foi nomeado bispo de Iria Flavia polo rei García de Galiza antes do 23 de febreiro de 1067[1]. En conflito con outro tío seu, o conde Froila Arias[2], este asinou a paz con el e xuroulle fidelidade. Porén, secretamente, o seu tío estaba a conspirar para asasinalo. No ano 1069, cando o bispo observaba a coresma no seu pazo de Iria Flavia, achegáronselle uns emisarios do conde Froila e, tras falar con eles, permitiulles quedar a durmir nos seus apousentos. De noite, mentres o prelado durmía, os emisarios saíron do pazo e foron buscar a Froila, que agardaba co seu exército agochado nun bosque. Os conspiradores entraron pausadamente na cámara onde durmía o bispo e asasinárono[3]. Estes feitos serviron de advertencia a Diego Xelmírez, titular da mesma sé episcopal tempo despois, para que trasladase a súa residencia a Padrón, pois tanto el coma Nuno Afonso, un dos autores da Historia Compostelá, lembraban o asasinato de Gudesteo e temían un ataque similar[4].
| Predecesor: Cresconio |
Bispo de Iria Flavia 1067 - 1069 |
Sucesor: Diego Páez |
Notas[editar | editar a fonte]
- ↑ Portela Silva, Ermelindo (2001). García de Galicia. El rey y el reino. La Olmeda. p. 81. ISBN 84-89915-16-4.
- ↑ Gónzalez López, Emilio (1978). Grandeza e decadencia do Reino de Galicia. Galaxia. pp. 168–169.
- ↑ Falque Rey, Emma, ed. (1994). Historia Compostelana. Akal. p. 76. ISBN 84-460-0417-8.
- ↑ Portela Silva, Ermelindo (2007). "Diego Gelmírez. Los años de preparación (1065-1100)". Studia historica, Historia medieval (25): 124–125. ISSN 0213-2060.