Soccer City

Na Galipedia, a Wikipedia en galego.
Soccer City
Datos
Localización Xohanesburgo, Suráfrica
Construción
Inauguración 1989
Renovación 2009
Arquitecto Boogertman & Partners
Custo $440 millóns
Estadio
Superficie Céspede
Capacidade 94.700
Propietario Stadia and Soccer Development Trust
Localía Selección de Suráfrica
Eventos

O Soccer City, chamado por motivos publicitarios FNB Stadium (First National Bank), é un estadio de fútbol localizado en Xohanesburgo, Suráfrica, que foi sede de partidos da Copa Mundial de Fútbol de 2010, entre os cales estiveron o partido inaugural e a gran final entre os Países Baixos e España.[1]

Foi construído en 1987, e dispuña de 78.000 espectadores. Foi parcialmente demolido para o mundial de 2010, e a súa capacidade ampliada a 94.700 espectadores sentados, o que o converte no estadio máis grande de África. A maioría dos grandes acontecementos futbolísticos de Suráfrica desenvólvense no FNB, xa que se adapta mellor a estes eventos que o próximo Ellis Park, onde se disputou a final da Copa do Mundo de Rugby de 1995. Soweto e o Centro Nacional de Exposicións en Nasrec están nas súas proximidades. Unha vez remodelado, volveu ser sede de partidos internacionais da selección de fútbol de Suráfrica, disputando o primeiro deles contra Colombia, o 27 de maio de 2010.

Eventos[editar | editar a fonte]

No Soccer City xogouse a final da Copa Africana de Nacións 1996, na que Suráfrica quedou campioa. Tamén foi escenario do primeiro discurso multitudinario de Nelson Mandela, tras a súa liberación en 1990. En 1993 celebráronse no estadio os funerais por Chris Hani, o líder do Partido Comunista de Suráfrica. Foi tamén o escenario para o funeral de Nelson Mandela o 10 de decembro de 2013, cinco días despois do seu falecemento.

Copa do Mundo 2010[editar | editar a fonte]

Artigo principal: Copa Mundial de Fútbol de 2010.

Soccer City albergará o 11 de xuño de 2010 o partido inaugural do campionato, entre a elección do país anfitrión e a selección de México, e despois catro da primeira rolda, un de oitavos de final, outro de cuartos de final e a gran final. O estadio someteuse a unha importante renovación para o torneo, cun novo deseño inspirado na cerámica tradicional africana. O nivel superior estenderase en todo o estadio para aumentar a capacidade a 94.700 espectadores, con 99 suites executivas. Inclúe a construción dunha cuberta elíptica, novas instalacións de vestiarios e nova iluminación. As obras foron adxudicadas ao consorcio Grinaker-LTA, e comezaron en febreiro de 2007. En xullo de 2009, o estadio estaba practicamente completado, faltando só por plantar o céspede,[2] culminando as obras en decembro de 2009.

Partidos[editar | editar a fonte]

Soccer City albergou durante o campionato oito encontros (incluíndo o partido inaugural e a final): cinco encontros da fase de grupos, un de oitavos de final, un de cuartos e a final. Os partidos foron os seguintes:[1]

Data Fase Equipo Resultado Equipo Espectadores
11 de xuño Primeira rolda Suráfrica Flag of South Africa.svg
1 - 1
Flag of Mexico.svg México
84.490
14 de xuño Primeira rolda Países Baixos Flag of the Netherlands.svg
2 - 0
Dinamarca Dinamarca
83.465
17 de xuño Primeira rolda Arxentina Flag of Argentina.svg
4 - 1
Flag of South Korea.svg Corea do Sur
82.174
20 de xuño Primeira rolda Brasil Flag of Brazil.svg
3 - 1
Flag of Côte d'Ivoire.svg Costa do Marfil
84.455
23 de xuño Primeira rolda Ghana Flag of Ghana.svg
0 - 1
Alemaña Alemaña
83.391
27 de xuño Oitavos de final Arxentina Flag of Argentina.svg
3 - 1
Flag of Mexico.svg México
84.377
3 de xullo Cuartos de final Uruguai Flag of Uruguay.svg
1 - 1
Flag of Ghana.svg Ghana
84.017
11 de xullo Final Países Baixos Flag of the Netherlands.svg
0 - 1
España España
84.490

Notas[editar | editar a fonte]

Véxase tamén[editar | editar a fonte]

Outros artigos[editar | editar a fonte]

Ligazóns externas[editar | editar a fonte]

Commons
Commons ten máis contidos multimedia na categoría: Soccer City