S/2004 S 4

Na Galipedia, a Wikipedia en galego.
S/2004 S 4
Descubrimento
Descuberta por Cassini Imaging Science Team.[1]
Descuberta no 21 de xuño do 2004
Características orbitais
Eixo semi-maior ~140.100 km.[2]
Excentricidade descoñecida pero pequena
Período orbital ~0,618 d [2]
Inclinación descoñecida pero pequena
Satélite de Saturno
Características físicas
Diámetro medio 3-5 km
Período de rotación probablemente é síncrono
Albedo  ?
Cor  ?
Tipo espectral  ?

S/2004 S 4 é a designación provisional dun obxecto aínda sen confirmar que foi visto orbitando Saturno dentro da parte máis interior do anel F o 21 de xuño do 2004. Foi detectado cando J. N. Spitale estaba tratando de confirmar outro obxecto provisional, S/2004 S 3 que fóra detectado 5 horas antes, xusto na parte exterior do anel F.[1] O anuncio foi feito o 9 de setembro do 2004.[3]

A pesar das tentativas por 'recuperalo', non se puido volvelo ver. E máis, unha secuencia de 'recuperación' dun período orbital completo feita o 15 de novembro do 2004 cunha resolución de 4 kms, non foi capaz de 'recuperar' este obxecto. Isto suxire que puido ser unha compactación temporal de material que xa se disipara cando se fixo a secuencia de recuperación.[4]

Un interpretación suxire a posibilidade de que S3 e S4 son ou foron un único obxecto que cruzaría o anel F.[3] Este obxecto tamén podería estar orbitando cunha inclinación lixeiramente diferente respecto do anel F, co cal non atravesaría o anel de material, a pesar de que foi visto tanto no interior coma no exterior deste anel.

Despois de todo, se S/2004 S 4 é un obxecto sólido, podería ter un diámetro (baseándose no seu brillo) de 3−5 kms.

Notas[editar | editar a fonte]

Véxase tamén[editar | editar a fonte]

Outros artigos[editar | editar a fonte]