Roberto Benigni

Roberto Benigni
Roberto Benigni
Nacemento	27 de outubro de 1952
Profesión	Director de cine, actor

Roberto Benigni, nado en Misericordia, na Toscana, o 27 de outubro de 1952, é un actor e director italiano de cinema e televisión.

Traxectoria

Apareceu en varias producións italianas como Il monstro ou Johnny Stecchino, normalmente escritas, dirixidas e protagonizadas por el. A súa muller Nicoletta Brasci adoita acompañalo nas súas películas que lle deron unha enorme fama en Italia e é considerado como o mellor actor cómico italiano dos anos noventa. Tamén participou en producións francesas como Astérix, onde daba vida ó mezquino pero xenial Detritus.

Benigni é coñecido sobre todo pola súa traxicomedia La vita è bella , filmada en Cortona, que trata sobre un home que intenta protexer ó seu fillo durante o seu internamento nun campo de concentración nazi, contándolle que o Holocausto é un xogo e que deben ter moito coidado coas regras se queren gañalo. Na cerimonia dos Oscars a película obtivo tres galardóns: mellor actor, mellor película estranxeira e mellor banda sonora.

A súa peculiar versión de Pinocho foi un fracaso comercial en Italia e non chegou a estrearse en España, mentres que a súa última película, La Tigre e la neve, ambientada na Guerra de Iraq e que retoma o fío agridoce e romántico de La vita è bella tivo máis sorte. Nela forma parella protagonista coa súa esposa.

Benigni foi comparado cos mellores actores cómicos da historia. Ten un certo aire bufonesco que foi moitas veces comparado con Buster Keaton e ata con Chaplin.

Filmografía

Ano	Título	director	Función
2005	La Tigre e la neve	Roberto Benigni	Actor Director Guionista
2004	Coffee and cigarettes	Jim Jarmusch	Actor
1999	Astérix et Obélix contre César	Claude Zidi	Actor
1997	La vita è bella	Roberto Benigni	Actor Director
1994	Il monstro	Roberto Benigni	Actor Director
1993	Son of the Pink Panther	Blake Edwards	Actor
1991	Johnny Stecchino	Roberto Benigni	Actor Director
1989	La Voce della luna	Federico Fellini	Actor
1988	Il Piccolo diavolo	Roberto Benigni	Actor Director Guionista
1986	Down by Law	Jim Jarmusch	Actor
1979	La Luna	Giuseppe Bertolucci	Actor
1979	Chiedo asilo	Marco Ferreri	Actor
1977	Berlinguer ti voglio bene	Giuseppe Bertolucci	Actor

Premios

Oscars

Ano	Categoría	Película	Resultado
1998	Oscar ao mellor director	A vida é bela	Candidato
1998	Oscar ó mellor actor	La vita è Bella	Gañador
1998	Oscar ó mellor guión orixinal	La vita è bella	Candidato