Akira Kurosawa

Esta páxina contén texto en xaponés. Se o seu navegador non está axeitadamente configurado pode ver caracteres estraños.

Akira Kurosawa
Akira Kurosawa
Nacemento	23 de marzo de 1910 Shinagawa, Tokyo, Xapón
Falecemento	6 de setembro de 1998 Setagaya, Tokyo, Xapón
Profesión	Director de cine

Akira Kurosawa (en xaponés 黒澤 明, くろさわ あきら), nado o 23 de marzo de 1910 e finado o 6 de setembro de 1998, foi un director, produtor e guionista de cine xaponés. As súas películas influenciaron grandemente unha xeración enteira de realizadores como George Lucas ou Sergio Leone. A súa primeira película acreditada (Sugata Sanshiro) presentouse en 1943 e a última (Madadayo) en 1993.

Biografía

Fillo dun oficial do exército, Akira foi o máis novo de sete irmáns. O suicidio dun deles e o falecemento doutros dous cando Akira aínda era un rapaz deixaron unha pegada profunda no director. Estudou Belas Artes e pintura en Tokio, o que lle influiu fondamente na súa obra.

Chegou aos estudos Tōhō no 1936 onde empezou coma axudante de dirección do cineasta Kajirō Yamamoto, escribindo tamén varios guións para outros directores. Rodou as súas primeiras películas durante a Segunda Guerra Mundial.

A finais dos anos sesenta protagonizou un intento de suicidio, desesperado por non ser quen de atopar financiación para as súas películas. Finalmente, conseguiu os cartos que precisaba grazas a algúns dos seus admiradores, tales como George Lucas ou Francis Ford Coppola.

No 1990 recibiu o Oscar honorífico da Academia de Hollywood polo conxunto da súa obra.

O cine de Akira Kurosawa

A súa primeira gran obra foi Drunken angel (1948) (O anxo ebrio) que marcou o inicio da súa colaboración co actor Toshirō Mifune. Con Rashomon (1950) veulle a notoriedade internacional, xa que foi a primeira película oriental premiada nun festival internacional, concretamente gañou o León de Ouro no Festival de Venecia. Tamén foi premiada co Oscar á mellor película estranxeira.

Adaptou varios novelistas occidentais, como Fiódor Dostoievski en The idiot (O idiota, 1951), William Shakespeare en Throne of blood (Trono de sangue, 1957) ou Maxim Gorki en The lower depths (Os baixos fondos, 1957).

No 1954 chegou a súa grande obra Shichinin no samurai (Os sete samurais). Inspirou numerosos westerns, salientando Os sete magníficos de John Sturges.

Con Dersu Uzala (1975) gañou outravolta o Oscar á mellor película estranxeira.

Filmografía

• Sanshiro Sugata (姿三四郎, Sugata Sanshirō, 1943; en castelán La leyenda del gran judo)
• The Most Beautiful (一番美しく, Ichiban utsukushiku, 1944; en castelán La más bella)
• Sanshiro Sugata Part II (続姿三四郎, Zoku Sugata Sanshirō, 1945)
• The Men Who Tread On the Tiger's Tail (虎の尾を踏む男達, Tora no o wo fumu otokotachi, 1945)
• Those Who Make Tomorrow (明日を作る人々, Asu o tsukuru hitobito, 1946)
• No Regrets for Our Youth (わが青春に悔なし, Waga seishun ni kuinashi, 1946)
• One Wonderful Sunday (素晴らしき日曜日, Subarashiki Nichiyōbi, 1946)
• Drunken Angel (酔いどれ天使, Yoidore tenshi, 1948)
• The Quiet Duel (静かなる決闘, Shizukanaru Ketto, 1949)
• Stray Dog (野良犬, Nora inu, 1949)
• Scandal (醜聞, Sukyandaru, o título pronúnciase como Shūbun, 1950)
• Rashomon (羅生門, Rashōmon, 1950) - León de Ouro no Festival de Venecia e Oscar á mellor película estranxeira.
• The Idiot (白痴, Hakuchi, 1951)
• Ikiru (生きる, Vivir, 1952) - Oso de Prata no Festival de Berlín.
• Shichinin no samurai (七人の侍, Os sete samurais, 1954)
• I Live in Fear (生きものの記録, Ikimono no kiroku, 1955; en castelán Crónica de un ser vivo)
• Throne of Blood (蜘蛛巣城, Kumonosu-jō, en castelán Trono de sangre, 1957)
• The Lower Depths (どん底, Donzoko, 1957)
• The Hidden Fortress (隠し砦の三悪人, Kakushi toride no san akunin, 1958; en castelán La fortaleza escondida)
• The Bad Sleep Well (悪い奴ほどよく眠る, Warui yatsu hodo yoku nemuru, 1960)
• Yojimbo (用心棒, Yōjinbō, 1961)
• Sanjuro (椿三十郎, Tsubaki Sanjūrō, 1962)
• High and Low (天国と地獄, Tengoku to Jigoku, 1963; en castelán El infierno del odio)
• Red Beard (赤ひげ, Akahige, 1965; en castelán Barba roja)
• Dodesukaden (どですかでん, 1970)
• Dersu Uzala (デルス・ウザーラ, Derusu Uzāra, 1975) - Oscar á mellor película estranxeira.
• Kagemusha (影武者, Kagemusha, 1980) - Palma de Ouro no Festival de Cannes.
• Ran (乱, 1985)
• Dreams (夢, Yume, 1990)
• Rhapsody in August (八月の狂詩曲, Hachigatsu no rapusodī, 1991)
• Madadayo (まあだだよ, Mādadayo, 1993; signífica aínda non)

Véxase tamén

Bibliografía

• El ángel ebrio (2002). Filmax Home Video.

Ligazóns externas

• Perfil de Akira Kurosawa