Castañeda

Castañeda
Situación xeográfica
Estado:	España
Comunidade Autónoma:	Cantabria
Comarca:	Valles Pasiegos
Xeografía
Altitude:	54 msnm
Superficie:	19,19 km²
Poboación
Poboación total:	2.293 hab. (2010)
Densidade de poboación:	119,49 hab./km²
Xentilicio:
Información
Código postal:
Alcalde:	Miguel Ángel López Villar (PRC) (2007)
Sitio na web:

Castañeda é un concello da comunidade autónoma de Cantabria (España). Limita polo norte con Piélagos e Villaescusa, polo oeste con Puente Viesgo, polo sur con Santiurde de Toranzo e polo leste con Santa María de Cayón.

O municipio está situado na cunca do río Pas, na comarca do Pas-Miera. Por Castañeda discorre o río Pisueña.

Localidades

• La Cueva
• Pomaluengo (Capital)
• Socobio
• Villabáñez

Economía

Tradicionalmente, as actividades económicas do municipio foron as do sector primario: agricultura e gandaría, pero grazas ás industrias próximas e ao turismo, a actividade despregouse cara os sectores secundario e de servizos.

Historia

Desde a Idade Media, cando Henrique II de Castela entregou estas terras en señorío a seu irmán o infante Don Tello de Castela, e Xoán II de Castela as instituíu en condado, Castañeda estivo vinculada durante a baixa Idade Media e todo o Antigo Réxime á casa dos Marqueses de Aguilar de Campoo cuxos primoxénitos ostentaron tradicionalmente o título de condes de Castañeda.

Vista de Pomaluengo.

Patrimonio

Colexiata de Santa Cruz de Castañeda, do século XII.

Destaca a Colexiata da Santa Cruz, en Socobio, ben de interese cultural con categoría de monumento. Ademais, é ben inventariado o muíño El Carabío, en Pomaluengo. Outras obras arquitectónicas destacadas son o Palacio da Gándara, da Idade Moderna, o Palacio de Larrinaga, dos anos 30 do século XX (Casa do Concello), a ermida de San Fernando no barrio de Colsa, con frescos do século XVI e a Torre do Reloxo en Pomaluengo, antigas escolas.

Demografía

Evolución demográfica

1900	1910	1920	1930	1940	1950	1960	1970	1980	1990	2000	2007
1.112	1.127	1.323	1.417	1.566	1.496	1.668	1.635	1.616	1.604	1.423	1.770

Fonte: INE

Personaxes ilustres

• Monseñor Don Carlos Osoro Sierra, Arcebispo de Valencia, naceu na localidade de Socobio.

Administración

As seguintes táboas mostran os resultados das eleccións municipais celebradas no 2003 e no 2007.

Eleccións municipais, 25 de maio de 2003 Partido Votos % Concelleiros PRC 598 51,33 % 5 PP 465 39,91 % 4 Alcalde electo: Miguel Ángel López Villar (PRC).

Eleccións municipais, 27 de maio de 2007 Partido Votos % Concelleiros PP 512 42,31 % 4 PRC 494 40,83 % 4 PSOE 107 8,84 % 1 Alcalde electo: Miguel Ángel López Villar (PRC).

Véxase tamén

Ligazóns externas

• Castañeda - Cantabria 102 Municipios