Puente Viesgo

Na Galipedia, a Wikipedia en galego.
Localización do concello de Puente Viesgo na comunidade de Cantabria

Puente Viesgo é un concello sito na comunidade autónoma de Cantabria, España, na comarca do Pas. Localízase ao sudoeste da capital provincial, Santander, da cal dista uns 30 km de distancia.

O concello limita ao norte con o de Piélagos, a oeste con os de Torrelavega e San Felices de Buelna, ao leste con Castañeda e Santiurde de Toranzo e ao sur con Corvera de Toranzo.

Xeografía[editar | editar a fonte]

O concello está atravesado polo río Pas, de cuxas augas se nutre o balneario de Puente Viesgo. Dentro do municipio a localidade de Vargas, está ao pé dun antigo cruce de camiños, hoxe ocupados pola estrada nacional Santander-Burgos e máis a estrada da costa cantábrica. No pasado cruzaba o concello un ferrocarril Astillero - Ontaneda, do que hoxe aínda fica a antiga estación e as ferrovías, que son utilizadas como vía verde.

Outra fonte de ingresos turísticos do concello está formado polo complexo de covas do monte Castillo, no cal se abren as cavernas de El Castillo, La Pasiega, Las Chimeneas e Las Monedas. Nas proximidades levántase un centro de interpretación.

Casona de Fuentes Pila, sede do concello de Puente Viesgo

Localidades[editar | editar a fonte]

A capital municipal[editar | editar a fonte]

Igrexa parroquial de San Miguel, na capital municipal.

Puente Viesgo é tamén o nome da capital do concello. Tiña 533 habitantes no ano 2004 (INE). Está a 71 msnm, xunto a unha ponte para cruzar o río Pas. Dista 28,5 km da capital rexional. Tornouse un centro turístico. Do seu patrimonio arquitectónico salientan a «Casona de Fuentes Pila», de estilo neomontañés, proxectada no ano 1928, e declarada Ben de Interese Cultural, con categoría de Monumento, por Decreto 68/2002, de 6 de junio.

Desde aquí se colle a estrada que conduce até o Monte Castillo.

Orixe do topónimo[editar | editar a fonte]

O nome Puente Viesgo é a evolución dun sintagma latino *pontem versicum, que ven a significar "ponte torcida".

Economía[editar | editar a fonte]

Como é o caso doutros municipios rurais cántabros, seguen a practicarse as tradicionais actividades agropecuarias, pero na actualidade non chega ao 10% da súa poboación activa os que se adican a elas. Hoxe en día case a metade desa poboación traballa no sector terciario. Destaca o sector servizos, en especial o turismo, tanto o que visita as covas como o termal.

Monumentos[editar | editar a fonte]

Salientan neste municipio seis bens declarados de interese cultural:

Ademais, no cume do mesmo Monte Castillo, acháronse restos do que semella ser unha fortaleza medieval, sen que haxa documentación nin vestixios arqueolóxicos que permitan consideralo un castro prerromano.

En Aés poden verse tanto casas con escudo do século XVII, como construcións populares, nas que a solana ou balcón, orientado para o sur corre entre dúas trabes ou muros couta-lumes de cachotería. Noutras localidades municipais poden verse casas señoriais que datan da época barroca e están levantadas con muros de cantería.

Festas[editar | editar a fonte]

Localidades irmandadas[editar | editar a fonte]

Véxase tamén[editar | editar a fonte]


Commons
Commons ten máis contidos multimedia sobre: Puente Viesgo