Wikipedia:Wiki Loves Parroquias

Na Galipedia, a Wikipedia en galego.
Saltar ata a navegación Saltar á procura
Wiki Loves Parroquias.svg
Wiki Loves Parroquias póster 2019.png

O obxectivo deste concurso é conseguir imaxes libres de tódalas parroquias de Galicia, no momento de comezar esta páxina hai preto de 700 parroquias de Galicia sen foto no seu artigo. As parroquias ás que lles falta foto están recompiladas na páxina Wikipedia:Wikiproxecto fotos de parroquias, e tódolos seus artigos teñen as coordenadas para facilitar a súa busca. Tamén hai dous mapas coa posición das coordenadas das parroquias que faltan, as de Lugo aquí, e as de Ourense aquí.

As imaxes son fundamentais para ilustrar os artigos xa que achegan un alto valor ós contidos, e que cada parroquia de Galicia teña a súa foto é subir un pequeno chanzo no incremento da calidade desta enciclopedia libre.

As imaxes que se procuran son de moitos tipos, o patrimonio de Galicia é infinito, ademais de aldeas escondidas, ou non, hai castros, petróglifos, torres, igrexas, mosteiros, pazos, ríos, regatos, lagoas, fontes, serras, montes, outeiros, fragas, carballeiras, árbores senlleiras, festas, romarías, feiras... Descubre a Galicia máis escondida e amósaa na Galipedia, hai milleiros de fotos que se poden facer!

Neste ano 2019 faise a primeira edición deste concurso, esperamos que a Galipedia se encha de novas fotos para ilustrar os artigos desta enciclopedia libre, que está feita por todos e para todos. Anímate a participar!

Bases[editar a fonte]

Xigante do monte Pindo.
Concellos de Ourense con parroquias sen imaxe.
  • Para participar haberá que ter unha conta de usuario cun enderezo de correo electrónico activo e permitindo o envío de mensaxes por outros usuarios (requisito imprescindible para posibles comunicacións cos participantes, non ter activada a dirección de correo electrónico provocará que as imaxes do usuario non participen no concurso).
  • As imaxes deben ter unha licenza libre compatible coa da Galipedia (CC-BY-SA), é dicir, debe permitir o uso comercial e as obras derivadas.
  • As fotos deben ser de autoría propia, se algún participante sube fotos que non son da súa autoría será descualificado automaticamente.
  • As fotos deben de ser dunha parroquia que non teña ningunha imaxe no seu artigo no momento de comezar o concurso (1 de xullo).
  • As imaxes deben poder identificarse de forma clara que pertencen á parroquia que se indique. En caso de que non se poida identificar de forma clara que a imaxe pertence á parroquia, a foto non será aceptada no concurso. Para identificar unha imaxe poden proporcionarse as coordenadas GPS, comparación con imaxes semellantes con dereitos de autor e que estean identificadas de forma axeitada, ou outros medios que estean dispoñibles a través de Internet.
Concellos de Lugo con parroquias sen imaxe.
  • As imaxes deberán subirse a Wikimedia Commons. Non poderán participar fotos subidas localmente na Galipedia.
  • As imaxes poden realizarse en calquera momento da duración do concurso e incluso poden ser imaxes realizadas con anterioridade, sempre e cando non estean xa subidas a Wikimedia Commons.
  • Os usuarios que queiran participar terán que engadir a foto á páxina do concurso. Nesa páxina atópanse as instrucións para presentar cada unha das fotos. Poderán pedir axuda para todo o que precisen na propia páxina de conversa ou no enderezo electrónico wikilovesparroquias@gmail.com. Se algún participante non é capaz de subir as súas fotos a Commons ou engadilas na páxina do concurso, pode poñerse en contacto cos organizadores e eles axudaranlle a resolver as dúbidas que teña (pode consultarse o apartado Wikipedia:Wiki_Loves_Parroquias#Coordinación para máis información sobre este punto).
  • As fotos que non se engadan na páxina do concurso, Wikipedia:Wiki Loves Parroquias/Imaxes propostas, antes da data de fin de recepción de imaxes, non poderán participar.
  • Os participantes poden presentar tódalas imaxes que queiran, pero só se asignará un premio por participante, sempre o de maior contía.
  • Poden presentarse varias imaxes do mesmo lugar se antes de comezar o concurso aínda non había ningunha foto no artigo asociado.
  • As imaxes deberán publicarse coa maior calidade e resolución posible. Esíxese un mínimo de 2 Mpx (tamaño orientativo de 2 Mpx: 1920x1080), as fotos con menor resolución non participarán no concurso.
  • As imaxes non deben contar con firma, data, marco ou outras marcas superpostas á imaxe (a atribución garántese a través da páxina de descrición da foto en Wikimedia Commons). As fotos que non cumpran isto non participarán no concurso.
  • Os autores non poden votar polas súas propias fotos, si poden votar polo resto de imaxes propostas.

Datas do concurso[editar a fonte]

Río Belelle no Roxal, concello de Neda.

As fotos participantes poderán presentarse na páxina do concurso dende o 1 de agosto ata o 31 de outubro, ambos inclusive.

Durante todo o mes de novembro procederase a votar as fotos presentadas e ó rematar anunciaranse as fotos gañadoras. A organización porase en contacto cos premiados para xestionar a entrega dos seus agasallos.

Escolla de gañadores[editar a fonte]

Na páxina do concurso haberá un período de votación do 1 ó 30 de novembro, ambos inclusive, no que os usuarios da Galipedia darán o seu voto favorable ás imaxes que consideren. Cada usuario poderá votar tantas veces como o desexe, sempre que sexa a fotos diferentes. Serán consideradas gañadoras as fotos con máis votos dentro do período de votación. En caso de empate gañará a foto que antes fose presentada.

Os usuarios que poden participar nesta votación serán os que cumpran Wikipedia:Votacións#Quen_pode_votar?.

Premios[editar a fonte]

Cruceiro de Barizo, concello de Malpica de Bergantiños.
  • Primeiro premio: 300 euros
  • Segundo premio: 200 euros
  • Terceiro premio: 100 euros

Como agasallo sortearanse 20 camisetas de promoción da Galipedia entre tódolos participantes, a talla e a imaxe da camiseta dependerá das existencias dispoñibles. As camisetas serán enviadas polos medios dispoñibles ós gañadores. Para o sorteo, cada usuario terá un número consecutivo correspondente coa primeira imaxe presentada ó concurso. Para escoller os gañadores das camisetas collerase o número de visitas diarias da Galipedia dende o primeiro día da votación e dividirase por 7 de forma consecutiva ata que coincida cun dos números asignados ós participantes. Se o número non coincide co de ningún usuario, volverá dividirse o número de visitas por 5, de continuar sen atoparse coincidencia dividirase por 3. En caso de non atopar coincidencia con ningún usuario, o sorteo dese día farase a xuízo dos organizadores.

En caso de que o número de participantes sexa menor que o de camisetas a sortear, non será necesario facer sorteo.

Os organizadores poranse en contacto cos premiados para xestionar a entrega do premio. Se pasados tres meses despois da finalización da escolla das fotos gañadoras, non foi posible contactar cos premiados, entenderase que renuncian ó seu agasallo e quedará deserto.

Coordinación[editar a fonte]

A coordinación sobre asuntos relacionados con este tema farase na conversa desta mesma páxina. Tamén poden enviarse consultas ó enderezo de correo electrónico wikilovesparroquias@gmail.com.

Wiki Loves Monuments[editar a fonte]

A maiores, as imaxes participantes poden participar no concurso Wiki Loves Monuments se cumpren as súas bases e se cargan en Commons durante o mes de setembro usando a súa ligazón. Se queredes participar nos dous concursos, primeiro cargade as fotos en Commons coa ligazón de Wiki Loves Monuments durante o mes de setembro, e logo presentádeas en Wikipedia:Wiki Loves Parroquias/Imaxes propostas.

Mencións nos medios[editar a fonte]

Parroquias que conseguiron foto[editar a fonte]

Esta é a lista de parroquias que conseguiron foto dende o comezo do concurso. Aínda que agora teñan imaxe, as fotos que se presenten destes lugares, poderán seguir participando xa que antes do 1 de xullo non a tiñan.

Parroquia Concello Cat. parroquias sen imaxes no concello Notas
Lousada, Samos Samos Categoría:Samos parroquias sen imaxes
Aranza, Baralla Baralla Categoría:Baralla parroquias sen imaxes
Pacios, Baralla Baralla Categoría:Baralla parroquias sen imaxes
Francos, Baralla Baralla Categoría:Baralla parroquias sen imaxes
Boimorto, Vilamarín‎ Vilamarín Categoría:Vilamarín parroquias sen imaxes
Sobreira, Vilamarín‎ Vilamarín Categoría:Vilamarín parroquias sen imaxes
Armariz, Xunqueira de Ambía Xunqueira de Ambía Categoría:Xunqueira de Ambía parroquias sen imaxes
Santa Cruz de Grou, Lobeira Lobeira Categoría:Lobeira parroquias sen imaxes
Venceáns, Entrimo Entrimo Categoría:Entrimo parroquias sen imaxes
A Pereira, Entrimo Entrimo Categoría:Entrimo parroquias sen imaxes
San Paio de Araúxo, Lobios Lobios Categoría:Lobios parroquias sen imaxes
Requeixo, Chandrexa de Queixa Chandrexa de Queixa Categoría:Chandrexa de Queixa parroquias sen imaxes
Guillén, Becerreá Becerreá Categoría:Becerreá parroquias sen imaxes
Vilarbuxán, Bóveda Bóveda Categoría:Bóveda parroquias sen imaxes
San Fiz de Rubián, Bóveda Bóveda Categoría:Bóveda parroquias sen imaxes
Rubián, Bóveda Bóveda Categoría:Bóveda parroquias sen imaxes
Pousada, Baralla Baralla Categoría:Baralla parroquias sen imaxes
Riba de Neira, Baralla Baralla Categoría:Baralla parroquias sen imaxes
Costantín, Baralla Baralla Categoría:Baralla parroquias sen imaxes
Vilarpunteiro, Baralla Baralla Categoría:Baralla parroquias sen imaxes
Guimarei, Baralla‎ Baralla Categoría:Baralla parroquias sen imaxes
Vilachambre, Baralla‎ Baralla Categoría:Baralla parroquias sen imaxes
Lexo, Baralla‎ Baralla Categoría:Baralla parroquias sen imaxes
Vale, Baralla Baralla Categoría:Baralla parroquias sen imaxes
Vilalpape, Bóveda Bóveda Categoría:Bóveda parroquias sen imaxes
Remesar, Bóveda Bóveda Categoría:Bóveda parroquias sen imaxes
Texto da cela Texto da cela Texto da cela Texto da cela

Véxase tamén[editar a fonte]

Outras páxinas[editar a fonte]