Río Grande do Norte

Río Grande do Norte
	Bandeira Brasón
Himno	Hino do Rio Grande do Norte (pt) (3 de decembro de 1957)
Epónimo	Rio Potengi (pt)
Localización
	5°42′S 36°30′O / -5.7, -36.5
Estado	Brasil
Capital	Natal
Contén a división administrativa	Acari (pt) ; Afonso Bezerra (pt) ; Alexandria (pt) ../... 166+
Poboación
Poboación	3.507.003 (2017) (65,79 hab./km²)
Xeografía
Parte de	Rexión Nordeste do Brasil
Superficie	53.306,8 km²
Altitude	142 m
Comparte fronteira con	Paraíba ; Ceará
Datos históricos
Precedido por	Província do Rio Grande do Norte (pt) e Território Federal de Fernando de Noronha (pt)
Creación	1891
Organización política
Órgano executivo	secretariado do governo do Rio Grande do Norte (pt)
• Governador (pt)	Fátima Bezerra (pt) (2019–)
Órgano lexislativo	Assembleia Legislativa do Rio Grande do Norte (pt) Circunscrición: 0, (Escano: 24)
Identificador descritivo
Fuso horario	UTC−03:00; America/Sao_Paulo (en)
ISO 3166-2	BR-RN
Páxina web	rn.gov.br

Río Grande do Norte é un estado brasileiro localizado na Rexión Nordeste. Limita ao norte e leste co océano Atlántico, ao sur con Paraíba e ao oeste con Ceará. Ocupa unha superficie de 53.306,80 km². A súa capital é Natal. A súa superficie total é un pouco maior que as da Costa Rica e da Croacia.

Xeografía

Máis de 80% do seu territorio presenta unha altitude menor que 300 metros. O seu clima é tropical, pero cunha distinción: na franxa litoral leste é máis chuvioso, e no interior, despois do Planalto da Borborema, é semiárido. Moitos ríos do estado non son perennes, e desaparecen cando dos meses máis secos. Os ríos principais do estado son: Mossoró, Apodi, Assu, Piranhas e Potengi. A capital do estado, Natal, está situada xunto á foz do río Potengi.

Economía

Os principais produtos do estado son o petróleo (é o segundo estado brasileiro en produción total) e o sal mariño. Na agropecuaria, destácase a fruticultura irrigada na rexión da Chapada do Apodi, principalmente para exportación. Xa a gandería abastece parcialmente o consumo local.

Na industria, destácase o parque téxtil e a extracción de petróleo cru e gas natural (o estado non ten refinerías). Ata recentemente, pola súa proximidade coa Liña do Ecuador, o estado ten sido peza importante no Programa Espacial Brasileiro. Alí está a base de lanzamento de foguetes meteorolóxicos da Barreira do Inferno, que xa lanzou máis de 2 mil foguetes e globos sonda dende 1965.

Turismo

O turismo é unha fonte de renda importante principalmente para a capital do estado, pero tamén para outros municipios do litoral, como São Miguel do Gostoso. O bo tempo atrae turistas brasileiros e estranxeiros ás súas praias. Os paseos de bugre (un automóbil feito co chasis e motor do VW escarabello, rodas largas e sen teito) nas dunas de Genipabú xa son coñecidos ata mesmo fóra do Brasil.

Pero todo isto non é suficiente para garantir a mellora da renda nos municipios máis pobres do interior do estado, que sofren coas secas periódicas, que duran meses seguidos e provocan éxodo rural.

Véxase tamén

Outros artigos

Ligazóns externas

Sitio web oficial