Monti Castiñeiras
 (2018)  | |
| Biografía | |
|---|---|
| Nacemento | 1963 (62/63 anos) Santiago de Compostela, España |
| Educación | Universidade de Santiago de Compostela |
| Actividade | |
| Ocupación | actor, actor de cinema, actor de televisión |
| Premios | |
| |
   | |
Ramón Castiñeiras Rodríguez, máis coñecido como Monti Castiñeiras, nado en Santiago de Compostela o 6 de setembro de 1963, é un actor galego de cine, teatro, televisión e dobraxe.
Traxectoria
[editar | editar a fonte]Formación
[editar | editar a fonte]Estudou Filoloxía Inglesa e Maxisterio na Universidade de Santiago de Compostela. En canto á súa formación como actor, estudou interpretación, danza, expresión corporal, ortofonía, dicción, canto, voz, narración oral etc. con Arnold Tarraborelli, Begoña Valle, Marta García, Jesús Aladrén, Ramón Bermejo, Vicente Fuentes, Assumpta Serna, Scott Cleverdon ou José Campanari.
Actividade laboral
[editar | editar a fonte]Traballou en cinema, teatro, televisión, publicidade e dobraxe. Gran parte da súa carreira desenvolveuse en Galiza, onde traballou tanto en curtametraxes coma en longametraxes, debutando como actor de cine cun pequeno papel no filme Divinas palabras, de José Luis García Sánchez. Nas seguintes tres décadas participou en case todas as series de éxito da Televisión de Galicia como Mareas vivas, Rías Baixas, Pratos combinados, Padre Casares, Matalobos ou Libro de familia, e contou con numerosos papeis en filmes como Era outra vez, Condenado a vivir, Días de voda, O lapis do carpinteiro, Sinbad ou A esmorga, tendo incluso un pequeno papel no filme Julieta, de Pedro Almodóvar. Tamén se lle viu en aparicións capitulares dalgunhas series de éxito a nivel estatal como Un paso adelante ou El comisario, entre outras, ademais do seu papel fixo na telenovela Géminis, venganza de amor.
Gañou especial fama en Galicia grazas ao seu papel de Santos na serie Serramoura, popularidade que lle valeu un Premio Mestre Mateo á mellor interpretación masculina secundaria e que levou á creación dun spin-off sobre a súa personaxe protagonizado por el mesmo, A lei de Santos. En 2016 foi o protagonista do filme Sicixia, de Ignacio Vilar, xunto a Marta Lado. En 2018 interpretou ao narcotraficante galego Colombo na serie de Antena 3 Fariña, personaxe inspirada en Marcial Dorado, e pouco despois deu vida ao traficante de armas Mauro Galdón en Auga seca.
En teatro foi autor e produtor, ademais de protagonista, dun dos seus últimos espectáculos, Borracheira de paixón. É tamén actor de dobraxe dende a década de 1980 e puxo voz en galego a numerosos actores como Matt Dillon, Charlie Sheen, Quentin Tarantino, Brad Pitt, Tom Cruise ou Johnny Depp. Traballou tamén na dobraxe en galego de numerosas series de animación como O detective Conan, Doraemon, Shin-chan ou a saga Dragon Ball, na que deu voz a varias personaxes.
Televisión
[editar | editar a fonte]- A familia Pita (1997)
- Os vixilantes do camiño (1999)
- Nada es para siempre (1999)
- Pratos combinados (2000)
- Rías Baixas (2000)
- Mareas vivas (2000). Personaxe: Xurxo Vázquez
- Galicia Exprés (2001)
- Terra de Miranda (2001)
- Pequeno Hotel (2001)
- Abogados (2001)
- Fíos (2002)
- Géminis, venganza de amor (2002). Personaxe: Gustavo
- As leis de Celavella (2004)
- Libro de familia (2005). Personaxe: Telmo Seoane
- El comisario
- Matalobos (2009). Personaxe: Darío Vargas
- Los Misterios de Laura (2009-2011). Personaxe: Ismael
- Serramoura (2014-2020). Personaxe: Santos
- El final del camino (2017). TVG, RTVE, Voz. Personaxe: Satanás
- Fariña (2018), Antena 3. Personaxe: Colombo
- Néboa (2020), TVE. Personaxe: Cholo novo
- La unidad (2020). Movistar+. Personaxe: inspector de policía
- Auga seca (2020), TVG - RTP. Personaxe: Mauro Galdón
- A lei de Santos (2020-). Personaxe: Santos
Cine
[editar | editar a fonte]- Divinas palabras (1987), de José Luis García Sánchez.
- Vídeo doméstico (1995), de Chema Gagino (curtametraxe).
- Isolina do Caurel (1997), de Chema Gagino (curtametraxe).
- Os pocillos (1999), de Pedro C. Solla.
- Tanto ten (2000), de Pedro C. Solla (curtametraxe).
- Era outra vez (2000), de Juan Pinzás.
- Condenado a vivir (2001), Roberto Bodegas.
- Días de voda (2002), de Juan Pinzás.
- Ilegal (2003), de Igancio Vilar.
- O lapis do carpinteiro (2003), de Antón Reixa.
- Planta 4ª (2003), de Antonio Mercero.
- O trasto (2003), de Rafael Calvo.
- Secuestrados en Xeorxia (2003), de Gustavo Balza.
- Pataghorobí (2005), de Ricardo Llovo.
- Viure sense por (2005), de Carlos Pérez Ferré.
- Te quiero mal (2005), de Mireia Giró (curtametraxe).
- A Atlántida (2005), de Belén Macías.
- Os aires difíciles (2006), de Gerardo Herrero.
- A biblioteca da iguana (2006), de Antón Dobao.
- ¿Y tú quién eres? (2007), de Antonio Mercero.
- A mariñeira (2008), de Antón Dobao.
- O club da calceta (2009), de Antón Dobao.
- Conexão (2009), de Lionel Vieira.
- Dictado (2012), de Antonio Chavarrías.
- A esmorga (2014), de Ignacio Vilar.
- Sicixia (2016), de Ignacio Vilar.
- Os fillos do sol (2017). Telefilme. Como garda civil.
Galardóns e nomeamentos
[editar | editar a fonte]| Ano | Categoría | Título | Resultado |
|---|---|---|---|
| 2005 | Mellor actor secundario | Libro de familia | Nomeado |
| 2006 | Mellor actor secundario | Os aires difíciles | Proposto |
| 2009 | Mellor actor secundario | O Nordés | Proposto |
| 2014 | Mellor actor secundario | Serramoura | Nomeado |
| 2015 | Mellor actor secundario | Serramoura | Nomeado |
| 2016 | Mellor actor protagonista | Sicixia | Nomeado |
| Mellor actor secundario | Serramoura | Gañador | |
| 2017 | Mellor actor secundario | Serramoura | Nomeado |
- Actores de Santiago de Compostela
- Actores de cinema de Galicia
- Actores de dobraxe de Galicia
- Actores de televisión de Galicia
- Actores de teatro de Galicia
- Actores de voz de Galicia
- Nados en Santiago de Compostela
- Nados en 1963
- Alumnos da Universidade de Santiago de Compostela
- Premio Mestre Mateo á mellor interpretación masculina secundaria