Monti Castiñeiras

Na Galipedia, a Wikipedia en galego.
Monti Castiñeiras
Sabela Arán e Monti Castiñeiras.jpg
Monti xunto á actriz Sabela Arán
Nome completo Ramón Castiñeiras Rodríguez
Nacemento 6 de setembro de 1963 (53 anos)
Santiago de Compostela, Galicia Galicia
Coñecido/a por Mareas vivas, Libro de familia, Serramoura
http://www.monticastineiras.com/

Ramón Castiñeiras Rodríguez, nado en Santiago de Compostela o 6 de setembro de 1963, é un actor galego, máis coñecido como Monti Castiñeiras.

Traxectoria[editar | editar a fonte]

Formación[editar | editar a fonte]

Estudou Filoloxía Inglesa e Maxisterio na Universidade de Santiago de Compostela. En canto á súa formación como actor, estudou interpretación, danza, expresión corporal, ortofonía, dicción, canto, voz, narración oral etc. con Arnold Tarraborelli, Begoña Vale, Marta García, Jesús Aladrén, Ramón Bermejo, Vicente Fontes, Assumpta Serna, Scott Cleverdon ou José Campanari.

Actividade laboral[editar | editar a fonte]

Castiñeiras é un actor de extensa traxectoria profesional. Traballou en cinema, teatro, televisión e publicidade. Gran parte da súa carreira desenvolveuse en Galiza, onde traballou tanto en curtametraxes coma en longametraxes, amais de en diversas series emitidas pola TVG desde finais da década dos 90, ben con personaxes fixos ou a modo de colaboracións.

Tamén se lle viu en aparicións capitulares dalgunhas series de éxito a nivel estatal como Un paso adelante ou El comisario, entre outras, ademais do seu papel fixo na telenovela Géminis, venganza de amor.

No cinema traballou en 2 ocasións ás ordes de Antonio Mercero e en teatro foi autor e produtor, ademais de protagonista, dun dos seus últimos espectáculos, Borracheira de paixón.

É tamén actor de dobraxe, e dedícase a iso dende a década dos 90, aínda que hoxe en día segue en activo dobrando en galego series e filmes.

Televisión[editar | editar a fonte]

Cine[editar | editar a fonte]

Galardóns e nomeamentos[editar | editar a fonte]

Premios Mestre Mateo[editar | editar a fonte]

Ano Categoría Título Resultado
2005 Mellor actor secundario Libro de familia Nomeado
2006 Mellor actor secundario Os aires difíciles Proposto
2009 Mellor actor secundario O Nordés Proposto
2014 Mellor actor secundario Serramoura Nomeado
2015 Mellor actor secundario Serramoura Nomeado
2016 Mellor actor protagonista Sicixia Nomeado
Mellor actor secundario Serramoura Gañador

Ligazóns externas[editar | editar a fonte]