A esmorga (filme de 2014)

Na Galipedia, a Wikipedia en galego.
A esmorga
Ignacio Vilar e Antonio Durán "Morris".JPG
Ignacio Vilar e Antonio Durán "Morris" na proxección de A esmorga na Guarda no 2015
Ficha técnica
Director Ignacio Vilar
Produtor Marina Fariñas
Ignacio Vilar
Guión Carlos Asorey
Ignacio Vilar
Baseado en A esmorga de Eduardo Blanco Amor
Intérpretes Miguel de Lira
Karra Elejalde
Antonio Durán "Morris"
Música Zeltia Montes
Fotografía Diego Romero
Montaxe José M. G. Moyano
Estudio Vía Láctea Filmes
Estrea 21 de novembro de 2014[1]
Duración 111 minutos
Orixe Galicia Galicia
Xénero Drama
Orzamento € 1,5 - 2 000 000[2][3]
Recadación € 223 000[4]

A esmorga é un filme galego dirixido por Ignacio Vilar, adaptación da obra homónima de Eduardo Blanco Amor. Está protagonizada por Miguel de Lira que interpreta a Cibrán, Karra Elejalde como Bocas, e Antonio Durán "Morris" como Milhomes. A historia está ambientada na cidade de Ourense, lugar onde se rodou e onde trascorre a noite de troula dos tres personaxes principais.

O 15 de novembro de 2014, A esmorga proxectouse na inauguración da XIX edición do Festival de Cine de Ourense[5] e estreouse nos cines de toda Galicia o 21 de novembro do mesmo ano.[6][7] Grazas ó éxito colleitado nos cines galegos, o filme estreouse en España (en galego con subtítulos e dobrada ó castelán) o 8 de maio de 2015.[8]

Argumento[editar | editar a fonte]

Cibrán (Miguel de Lira) é un obreiro que se xunta coa Raxada (Melania Cruz), unha ex-prostituta e nai solteira. Unha mañá, de camiño ó traballo, é abordado por dous amigos bébedos, Bocas (Karra Elejalde) e o atormentado Milhomes (Antonio Durán "Morris"). Cibrán xúntase a eles no seu deambular incerto pola zona, deixando tras de si un regueiro de destrución.

Fan un alto na taberna da tía Esquilacha (Covadonga Berdiñas), acceden á vivenda dun cacique local chegado hai pouco de Francia, onde Bocas se namora da misteriosa dona da fiestra; chegan a un pazo ao que Cibrán, xa bébedo, lle prende lume sen querelo; bótanos dun prostíbulo; galantean cunha muller pueril e tola, Socorrito (Sabela Arán), quen cada mañá saca pasear un boneco nun carriño. Namentres, Bocas é sospeitoso de ter matado a un home durante unha liorta nunha taberna, e ademais a homosexualidade reprimida de Milhomes non deixa de amolar ao Bocas dun xeito que ningún dos dous homes son quen de comprender. Bocas e Milhomes emprenderon unha especie de misión suicida ao abeiro da bebedela á cal o malpocado Cibrán se sumou sen sabelo. O alcol é para Cibrán o refuxio do que el mesmo denomina “o pensamento”, unha terrible lucidez que lle fai ser consciente da súa sórdida existencia.

Personaxes[editar | editar a fonte]

Miguel de Lira, Ignacio Vilar, Morris e Karra Elejalde na promoción do filme.

Recepción[editar | editar a fonte]

Espectadores das principais
cidades (2014)
Posición Cidade Espectadores
Vigo 8 602
Santiago de Compostela 6 606
A Coruña 6 250
Ourense 5 468
Lugo 3 176
Ferrol/ Narón 2 227
Pontevedra 1 607
Fonte: Rentrak Spain

En Galicia tivo unha estrea limitada en só 26 salas, con 18 copias distribuídas,[9] e a súa acollida entre o público foi maior da agardada, polo que está considerado un dos filmes revelación do 2014.[10] Dende a súa estrea o 21 de novembro ata finais do ano 2014, o filme foi visto por máis de 37 500 espectadores galegos. En vista do seu bo resultado de recadación, xa que foi a mellor estrea de todo o ano en España entre os filmes con menos de 100 copias, e coa quinta mellor media (3 408 euros) do ano en España, só por detrás de Ocho apellidos vascos, La isla mínima, Torrente 5 e El Niño,[11] estreouse en cines de España na primavera de 2015.[12]

Grazas ó éxito colleitado na estrea nos cines, sairá á venda en DVD o 20 de novembro de 2015.[13]

Galardóns e nomeamentos[editar | editar a fonte]

Premios Goya[editar | editar a fonte]

Ignacio Vilar e Carlos Asorey foron nomeados na categoría de mellor guión adaptado na XXIX edición dos Premios Goya.[14]

Ano Categoría Receptor Resultado
2015 Mellor guión adaptado Carlos Asorey
Ignacio Vilar
Nomeado

Premios Mestre Mateo[editar | editar a fonte]

Habería, quedou dito, outras "esmorgas" posibles nas nosas meimiñas; porén, esta que vén de filmar Ignacio Vilar demostra a verdade dun cinema ben feito, dun cinema traballado con esmero; un cinema, entón, que dá gusto contemplarmos e gozarmos.

Xosé Ramón Pena [15]

Nos Premios Mestre Mateo de 2014, A esmorga obtivo 16 nomeamentos en 13 categorías, conseguindo 6 premios, entre eles mellor actor para Antonio Durán "Morris" no papel de Milhomes, mellor fotografía e música orixinal.

Ano Categoría Receptor Resultado
2014 Mellor filme Ignacio Vilar Nomeado
Mellor director Ignacio Vilar Nomeado
Mellor actor Antonio Durán "Morris" Gañador
Miguel de Lira Nomeado
Karra Elejalde Nomeado
Mellor actriz secundaria Mela Casal Nomeada
Sabela Arán Nomeada
Mellor guión Ignacio Vilar e Carlos Asorey Nomeados
Mellor dirección de produción Eva Rivas Nomeada
Mellor dirección artística Ángel Amaro Gañador
Mellor montaxe José Manuel G. Moyano Nomeado
Mellor música orixinal Zeltia Montes Gañadora
Mellor son Xavier Souto Nomeado
Mellor fotografía Diego Romero Suárez Llanos Gañador
Mellor maquillaxe e peiteado Susana Veira Gañadora
Mellor deseño de vestiario Mar Fraga Gañadora

Festival de Toulouse[editar | editar a fonte]

Na 20º edición do "Festival du Film Espagnol de Toulouse" celebrado en outubro de 2015, o filme foi gañou o premios de mellor director para Vilar, o premio ao mellor actor ex aquo para “Morrís”, Karra Elejalde e Miguel de Lira, e o premio á mellor fotografía.[16]

Galería de imaxes[editar | editar a fonte]

Cloture-6339 09.jpg
Escenarios da película.
Escalinata da igrexa de Santa María. 
Fonte das Burgas

Notas[editar | editar a fonte]

  1. CRTVG (ed.). "A Esmorga estréase o día 21 de novembro en toda Galicia". Consultado o 27 de outubro de 2014. 
  2. Rei Romeu, Manuel. Terra e Tempo, ed. "A Esmorga: o filme que agardamos". Consultado o 29 de maio de 2015. 
  3. mamosteiro.wordpress.com (ed.). "O director Ignacio Vilar levará ao cine unha adaptación de «A esmorga», do escritor Eduardo Branco Amor". Consultado o 29 de maio de 2015. 
  4. V, H (31 de decembro de 2014). "A Esmorga, un dos grandes “sleepers” da temporada". Sermos Galiza. Consultado o 1 de xaneiro de 2015. 
  5. "“A Esmorga” activa a web á espera da estrea da película". Sermos Galiza. 13 de outubro de 2014. Consultado o 27 de outubro de 2014. 
  6. «A Esmorga», del papel a los cines de toda Galicia Diario ABC, 21/11/2014.
  7. «A esmorga», a corredoira movie. Diario La Voz de Galicia, 21/11/2014.
  8. Ramón, Esteban (7 de maio de 2015). "'A esmorga', la parranda trágica que busca romper fronteras culturales". RTVE.es. Consultado o 29 de maio de 2015. 
  9. El blog del cine español (ed.). "“A Esmorga” sigue triunfando en la taquilla en los cines gallegos". Consultado o 1 de xaneiro de 2015. 
  10. El blog del cine español (ed.). "“A esmorga” supera los 200 000€ de recaudación en cines". Consultado o 1 de xaneiro de 2015. 
  11. El blog del cine español (ed.). "Ranking de recadación". Consultado o 1 de xaneiro de 2015. 
  12. El blog del cine español (ed.). "La película “A esmorga”, después de su éxito en los cines gallegos, se estrenará en el resto del país en la primavera de 2015". Consultado o 1 de xaneiro de 2015. 
  13. ""A Esmorga" sale en DVD este viernes". Faro de Vigo. 17 de novembro de 2015. Consultado o 17 de novembro de 2015. 
  14. Redacción (7 de xaneiro de 2015). "“A Esmorga” optará a mellor guión adaptado nos Premios Goya". Sermos Galiza. Consultado o 9 de xaneiro de 2015. 
  15. "A esmorga v.o.", Faro de Vigo, 28/11/2014, p. 28.
  16. Obelleiro, María (12 de outubro de 2015). ""Os premios de Toulouse recoñecen a nosa cultura e o noso idioma, o que somos nós"". Sermos Galiza. Consultado o 12 de outubro de 2015. 

Véxase tamén[editar | editar a fonte]

Outros artigos[editar | editar a fonte]

Ligazóns externas[editar | editar a fonte]