Manuel Rodríguez López

Para outras páxinas con títulos homónimos véxase: Manuel Rodríguez López (homónimos).

Manuel Rodríguez López
Nacemento	11 de decembro de 1934
	Paradela
Falecemento	13 de febreiro de 1990
	Lugo
Soterrado	Paradela
Nacionalidade	España
Relixión	católico
Alma máter	Tiana e Barcelona
Ocupación	cronista, escritor, tradutor, xornalista e poeta
Cónxuxe	Irene López Gómez (O Páramo)
Fillos	Enrique (1963) e Santiago (1971)
Xéneros	poesía, conto, crónicas, teatro, tradución
Na rede
Manuel Rodríguez López
Manuel Rodríguez López
[ editar datos en Wikidata ]

Manuel Oreste Rodríguez López, nado en Randulfe (Paradela) o 11 de decembro de 1934 e finado na cidade de Lugo o 13 de febreiro de 1990, foi un poeta, cronista e tradutor galego.

Traxectoria

Fillo de Manuel Rodríguez e Consolación López, moi cedo (1936) foi coidado por persoas alleas poe emigración da súa nai e incorporación a filas do seu pai. Residiu en Barcelona, onde emigrara a súa nai e logo o seu pai, dende os seis anos. En 1987 retornou a Lugo. Cursou Humanidades e Filosofía no Seminario Diocesano de Barcelona dende 1946 ata 1952. Posteriormente estudou Contabilidade e Lexislación Laboral. Traballou como xefe administrativo do departamento de persoal nunha industria siderometalúrxica (OSSA). Casado con Irene López Gómez (O Páramo), e pai de dous fillos.

Manuel Rodríguez López no parque de Rosalía de Castro en Lugo.

O longo da súa vida demostrou unha gran preocupación pola cultura e por Galicia, tanto na súa longa emigración en terras catalás, onde chegou a ser cronista de todos os actos referidos a Galicia celebrados en Cataluña, coma unha vez establecido en Lugo.^{[Cómpre referencia]}

Foi premiado en numerosos concursos literarios. Destacan os primeiros premios de poesía Meigas e Trasgos de Sarria nos anos 1976 e 1980, o Premio Xosé Mª Chao Ledo no III Certame Literario de Vilalba, en 1977, e o primeiro premio do Certame Literario de Begonte en 1985, ano no que a familia se trasladou a vivir a Lugo.

En prosa, acadou o primeiro premio Nós de Barcelona en 1980. En Sarria, mereceron o premio Meigas e Trasgos dous contos seus en 1977 e en 1986. En Barakaldo gañou un premio en 1978. En 1985 e 1987 quedou finalista na sección de Reportaxe dos Premios Galicia de Xornalismo.^{[Cómpre referencia]}

Centro Socio-Cultural Manuel Rodríguez López.

Varios dos seus poemas foron musicados e cantados por Suso Vaamonde, Xerardo Moscoso, Alfredo González Vilela e Mary C. Otero Rolle.

En 1989 Diagnostícaselle cancro de vexiga. No ano do seu pasamento (1990), foi nomeado a título póstumo "Fillo Predilecto de Paradela" e "Lucense del año 1989". En 1995 os seus restos foron trasladado ó Panteón de Paraledenses Ilustres.

Legado

Manuel Rodríguez deixou un inmenso legado para a Cultura Galega e o círculo emigrante Galego de Barcelona. Tamén influíu ós emigrantes Galegos do mundo. Isto o fixo coa súa obra xornalística e cos seus dous libros "Galegos en Catalunya" I e II. Outro legado que deixou foi o do Certame Literario a el adicado, que axuda financeiramente a autores e autoras que escriben en galego ou castelán.

Foi un asiduo colaborador en medios de comunicación de Galicia, Cataluña e a Arxentina. Foi correspondente de Faro de Vigo e de El Ideal Gallego na Cidade Condal, onde firmaba co seu nome de pía completo. Colaborou asiduamente en El Progreso de Lugo, La Voz de Galicia e Praza Maior (voceiro do Concello de Lugo).

Cronista Oficial do Centro Galego de Barcelona, publicou numerosos artigos nas revistas Boletín, Treboada e Alborada desa entidade. Colaborou en Correo de Galicia e outros xornais e revistas de Buenos Aires e publicou diversos artigos nas revistas galegas Coordenadas e Dorna. Así mesmo foi colaborador en Radio Nacional de España na Coruña e Radio Popular de Lugo, centrándose as súas colaboracións en temas de historia lucense, monumentalidade e viaxes.

Centro Socio-Cultural Manuel Oreste Rodríguez López

En 1990 inaugurouse a Casa de Cultura de Paradela "Manuel Rodríguez López" e, no 2001, o novo "Centro Socio-Cultural Manuel Rodríguez López" onde se celebra o Certame. O centro ten facilidades bibliotecarias e contén un Salón e ordenadores xunto a espazo social que esta dispoñible para a comunidade. O Premio Literario Manuel Oreste Rodríguez López vense celebrando alí dende o ano 1995 organizado polo Concello de Paradela. A última e décimo-sétima edición celebrouse no ano 2012.

Biblioteca do Centro Socio-Cultural.

Obras

Poesía

• Poemas populares galegos (1968). Lugo: Ediciones Celta.
• Saudade no bulleiro (1970). Lugo: Ediciones Celta.
• Soldada mínima (1979). Sada: Ediciós do Castro. ISBN 9788474920154.
• Onte e hoxe vivencial (1995). Sada: Ediciós do Castro. ISBN 978-84-7492-772-6.
• Manuel Rodríguez López. Poesía completa (2009). Culleredo: Espiral Maior. Edición e limiar de Darío Xohán Cabana. ISBN 9788492646302.
• Manuel Rodríguez López. Antoloxía Poética (2014). Edición de Xesús Alonso Montero e Santiago Rodríguez López.

Prosa

• Reencontro coa aldea (1983). Sada: Ediciós do Castro. ISBN 9788474921656.
• Galegos en Catalunya 1978-1982 (1983). Publicacions do Centro Galego de Barcelona. Prólogo de Manuel Casado Nieto.
• Galegos en Catalunya-2 (1985). Centro Galego de Barcelona, coa colaboración do Centre de Documentació de les Cultures de les Comunitats Autònomes, del Departament de la Presidència de la Generalitat de Catalunya.
• Viaxes con Ánxel Fole (1988). Sada: Ediciós do Castro. ISBN 978-8474923940.
• Festa da Virxe das Dores de Paradela 1989 (1989).

Teatro

• Vivimos unha longa traxedia.

Traducións

• Volta a España a pé (1990), tradución ó galego do libro de Manolo Silva
• A Atlántida (1995), tradución ó galego do poema épico catalán de Jacint Verdaguer.

Libros publicados na Biblioteca Virtual de GaliciaDixital

• Lugueses (2020)
• Semblanzas de galegos ilustres (2020)
• Vacacions en Galicia: Vivir Galicia (2020)
• Vivimos unha longa traxedia (peza teatral) (2020)

Colaboracións en libros colectivos

• Homaxe ó Che (1970)
• A Nosa Terra (de "Libro de Oro", no centenario de Ramón Cabanillas) (1976)
• Homenaxe multinacional a Castelao (1976)
• Galicia no ano 1979 (1979)
• José Mª Acuña (1983)
• Os escritores lucenses arredor de Fole (1986)
• Voces poéticas (1987)
• Paradela y su concello (1990)
• Aliad-Ultreia. Poesía. Pintura (1993)

Véxase tamén

Bibliografía seleccionada

• "Rodríguez López, Manuel Oreste". Gran Enciclopedia Galega Silverio Cañada (DVD). El Progreso. 2005. ISBN 84-87804-88-8. 
• Marcial González Vigo e Xulio Xiz (1983). Medio cento de galegos e Rosalía. ^{[cómpre nº de páxina]}
• Olegario Sotelo Blanco (1983). 88 gallegos: una tierra a traves de sus gentes. ^{[cómpre nº de páxina]}
• Méndez Ferrín, Xosé Luis (1984). De Pondal a Novoneyra. Edicións Xerais de Galicia. pp. 292–294. ISBN 84-7507-139-2. 
• Francisco Fernández del Riego (1990). Diccionario de escritores en lingua galega. ^{[cómpre nº de páxina]}
• Xulio Xiz et al. (1993). Un paso de poesía. Poesía Galega 1961-1975 (libro e vídeo VHS). ^{[cómpre nº de páxina]}
• Dolores Vilavedra (1995). Diccionario da literatura galega I. Galaxia. ISBN 84-8288-019-5. ^{[cómpre nº de páxina]}
• Xosé de Cora (1997). Diccionario de Fole. ^{[cómpre nº de páxina]}
• Xosé Lois García Fernández (1999). Alén do azul. Unha ducia de poetas galegos en Catalunya. ^{[cómpre nº de páxina]}
• Manuel Blanco Castro (2000). Vida e obra de Manuel Rodríguez López.
• Xulio Xiz (2007) O Corgo, amplo horizonte. ^{[cómpre nº de páxina]}
• Olegario Sotelo Blanco (2011) Migració gallega a Catalunya. ^{[cómpre nº de páxina]}
• GaliciaDixital (2014) Manuel Rodríguez López, emigrante galego, poeta obreiro
• Ángel Fernández López (2016) Paradela no tempo: vínculos con Portomarín. ^{[cómpre nº de páxina]}
• Santiago Rodríguez López (2018) En torno á parábola das cereixas de Xulio Xiz [Biblioteca Virtual de GaliciaDixital]
• Santiago Rodríguez López (2018) Poemas Populares Galegos. Edición especial 50 aniversario 1968-2018 [Biblioteca Virtual de GaliciaDixital]
• Varios autores (2018) Manuel Rodríguez López 25 anos despois
• Santiago Rodríguez López (2019) A Paradela de Manuel Rodríguez López [Biblioteca Virtual de GaliciaDixital]
• Antonio Giz Paz e Santiago Rodríguez López (2020) Exposición itinerante Manuel Rodríguez López 2013-2020 [Biblioteca Virtual de GaliciaDixital]

Outros artigos

• Centro Socio-Cultural Manuel Rodríguez López
• Certame Literario Manuel Oreste Rodríguez López

Ligazóns externas

• Páxina web oficial de Manuel Rodríguez López
• Un paso de poesía. Poesía Galega 1961-1975
• Galegos.info en Galiciadixital
• Certame Literario Manuel Oreste Rodríguez López
• Manuel Rodríguez López na Biblioteca Virtual Galega.