José Ignacio Peleteiro
| Jota Peleteiro | |||
|---|---|---|---|
 | |||
| Información persoal | |||
| Nome completo | José Ignacio Peleteiro Ramallo | ||
| Nacemento | 6 de xuño de 1991 (27 anos) | ||
| Lugar | A Pobra do Caramiñal, Galicia | ||
| Posición | Centrocampista | ||
| Información de club | |||
| Club actual | Brentford | ||
| Número | 23 | ||
| Carreira xuvenil | |||
| Xuventude Aguiño | |||
| Celta de Vigo | |||
| Carreira sénior | |||
| Anos | Equipos | Aprs† | (Gls)† |
| 2010–2012 | Celta de Vigo B | 68 | (22) |
| 2011–2014 | Celta de Vigo | 4 | (0) |
| 2012–2013 | → Castilla (cedido) | 3 | (0) |
| 2013–2014 | → Eibar (cedido) | 35 | (11) |
| 2014– | Brentford | 47 | (11) |
| 2016 | → Eibar (cedido) | 18 | (0) |
| Selección nacional | |||
| 2016– | Galicia | 1 | (0) |
|
* Partidos e goles só en liga doméstica. | |||
José Ignacio Peleteiro Ramallo, coñecido no mundo do deporte como Jota[1], nado na Pobra do Caramiñal o 6 de xuño de 1991, é un futbolista galego. Xoga de mediapunta, e o seu equipo actual é o Brentford F.C., do Football League Championship.
Traxectoria[editar | editar a fonte]
Iniciouse no Xuventude Aguiño de Ribeira, onde xogou até ser infantil de segundo ano. Nunha edición do torneo de fútbol base Vigo cup chamou a atención dos responsables da canteira do Celta, e fichou polo equipo celeste[2].
Coa canteira celeste gañou a liga xuvenil e acadou o subcampionato da Copa de Campións de Liga Xuvenil 2008/09, perdendo a final ante o Fútbol Club Barcelona. En abril de 2010 firmou un contrato profesional co equipo para as cinco seguintes tempadas[3].
No verán en 2010 realizou a pretemporada co primeiro equipo en Melgaço, e esa tempada pasou a xogar co filial, adestrado por Milo Abelleira. En decembro comezou a adestrar co primeiro equipo, dirixido por Paco Herrera. O 29 de xaneiro de 2011 debutou na segunda división fronte ao Barça B.
Selección galega[editar | editar a fonte]
Foi convocado pola selección galega para o partido contra Venezuela disputado no estadio de Riazor o 20 de maio de 2016, que finalizou con empate (1–1). [4]
Vida persoal[editar | editar a fonte]
Mantén dende o ano 2013 unha relación coa modelo sevillana Jessica Bueno. No 2015 anunciaron que casarían a finais de ano.
Notas[editar | editar a fonte]
- ↑ "Ficha en www.celtavigo.net". Arquivado dende o orixinal o 10 de febreiro de 2011. Consultado o 06 de febreiro de 2011.
- ↑ «Traballo para chegar ao primeiro equipo a próxima campaña», entrevista en La Voz de Galicia, 26 de decembro de 2010.
- ↑ "El Celta renueva a Abelleira, y a los canteranos Carlos David y Jota"[Ligazón morta], artigo en Xornal de Galicia, 20 de abril de 2010. (en castelán).
- ↑ Pardo, Miguel (21 de maio de 2016). "Galicia brilla e promete continuidade na festa do fútbol da terra". Praza.gal. Consultado o 22 de maio de 2016.
|
