Henderson é unha cidade situada no suroeste do condado de Clark, Nevada, Estados Unidos. Trátase da segunda maior cidade de Nevada, despois de Las Vegas, cunha poboación de 257.729 habitantes segundo o censo de 2010.[1] Esta metrópole atópase a uns 410 metros sobre o nivel do mar e ocupa unha franxa de 244,7km².
CP:89009
As cidades que están máis preto de Henderson son: Paradise (16km), As Vegas (20.5km), Enterprise (23.4km)e Sandy Valley (39km).
Ós arredores de Henderson atópase unha cadea montañosa de rocha negra debido a unha explosión volcánica ocorrida hai millóns de anos. A montaña máis próxima á metrópole chámase Mccullough Range, que mide 2.140 metros sobre o nivel do mar.
O clima desta cidade é árido, isto é, un verán caloroso e seco e un inverno suave e seco. é doado que durante o verán as temperaturas superen os 40°C e non chova durante semanas polo que a vexetación non é moi abundante neste lugar.
Henderson foi fundada en abril de 1953 como unha pequena cidade industrial dos arredores de Las Vegas. A comezos de 1990 a poboación aumentara nuns 60.000 habitantes e a súa importancia a nivel estatal comezou a ser considerable, e agora mesmo, atópase no número 74 na lista das cidades máis poboadas dos Estados Unidos.
O actual alcalde da cidade de Henderson é James B. Gibson, o cal é nado nas Vegas á data de 1949. Leva fronte o mandato da cidade estadounidense 12 anos.
A cidade recibiu a súa carta da Lexislatura do Estado no ano 1953. A metrópole está dividida en catro distritos, inda que o alcalde é elixido por toda a cidade mediante o sufraxio universal, catro concelleiros son elixidos por toda a cidade e cada un deles reside nun barrio da cidade. A primeira e polo momento única alcaldesa feminina foi Lorna Kesterson a cal gobernou a cidade de 1993 a 1997.
