Hartwall Arena

Na Galipedia, a Wikipedia en galego.
(Redirixido desde "Hartwall-areena")
Saltar ata a navegación Saltar á procura

Coordenadas: 60°12′20.66″N 24°55′44.03″O / 60.2057389, -24.9288972

Hartwall Arena
Hartwall areena, Helsinki.JPG
Exterior.
Datos
LocalizaciónHelsinqui, Finlandia Finlandia
Outros nomesHelsinki Areena, Helsingin Areena ou Helsingforsarenan
Construción
Inauguración19 de abril de 1997
Estadio
Capacidade13.349 (hóckey sobre xeo)
12.000-15.000 (concertos)[1]
3.000-5.000 espectadores
LocalíaJokerit (1997-)
Eventos
Campionato do Mundo de hóckey sobre xeo masculino de 1997
Campionato do Mundo de hóckey sobre xeo masculino de 2003
Campionato do Mundo de hóckey sobre xeo masculino de 2012
Campionato do Mundo de hóckey sobre xeo masculino de 2013
Campionato do Mundo de patinaxe artística 1999
Campionato de Europa de patinaxe artística 2009
Festival de Eurovisión 2007

O Hartwall Arena (frecuentemente chamado Helsinki Areena, Helsingin Areena ou Helsingforsarenan pola prensa finlandesa) é un pavillón multiusos situado no barrio de Keski-PasilaKeski-Pasila, na cidade de Helsinqui, Finlandia. O pavillón recibe o seu nome do seu principal patrocinador, a empresa de bebidas Hartwall, que ten a súa sede na capital finlandesa. Un dos seus principais usos é para partidos de hóckey sobre xeo, sendo a casa do Jokerit, equipo que compite na SM-liiga (máxima categoría do hóckey sobre xeo finlandés).

Características[editar | editar a fonte]

O edificio ten forma elíptica de 153 metros de longo e 123 metros de ancho. 37 metros baixo o chan hai unha pista de adestramento empregada por varios equipos de hóckey sobre xeo.

A capacidade máxima para partidos de hóckey sobre xeo é de 13.349 espectadores. O pavillón pode transformarse para acoller diversos eventos, modificándose a súa capacidade: para eventos deportivos oscila entre os 10.000 e os 14.000 espectadores para o baloncesto, para concertos a capacidade máxima é de 13.000 espectadores, mentres que para teatro a capacidade do recinto redúcese a 3.000 ou 5.000 espectadores. Conta cun aparcamento con capacidade para 1.421 vehículos.

Historia[editar | editar a fonte]

A idea idea de construír o pavillón foi de Harry "Hjallis" Harkimo en 1994. Foi construído para acoller o Campionato do Mundo de hóckey sobre xeo en 1997 e a súa construción finalizou o 11 de abril de 1997.

Eventos[editar | editar a fonte]

O Hartwall Arena foi a sede do Festival de Eurovisión 2007 entre o xoves 10 de maio de 2007 e o sábado 12 de maio de 2007.

Hartwall Arena acolleu en varias ocasión partidos inaugurais da NHL. Os Carolina Hurricanes e os Minnesota Wild inauguraron a tempada 2010–11 da NHL no pavillón os días 7 e 8 de outubro de 2010 como parte dos201 Compuware NHL Premiere Games.[2] Na tempada 2011-12 da NHL o Hartwall Arena acolleu novamente o partido inaugural da NHL, que enfrontou aos Anaheim Ducks e aos Buffalo Sabres o 7 de outubro de 2011.[3] Antes deste partido, os Anaheim Ducks xogaron un partido amigable fronte ao Jokerit no mesmo escenario o 4 de outubro, que finalizou cun marcador de 4 goles a 3 no tempo extra favorable aos estadounidenses.

Entre o 4 e o 20 de maio de 2012, o Hartwall Arena foi a sede principal do Campionato do Mundo de hóckey sobre xeo masculino de 2012, acollendo todos os partidos do Grupo A, varios partidos de cuartos, as semifinais e a final, mentres que o Ericsson Globe de Estocolmo acolleu os encontros do Grupo B e algúns partidos de cuartos. No Campionato do Mundo de hóckey sobre xeo masculino de 2013 foi co-sede xunto co Ericsson Globe, mais desta vez as semifinais e a final disputáronse na capital sueca.

Galería[editar | editar a fonte]

Notas[editar | editar a fonte]

  1. Hartwall-areena (ed.). "Areenafaktaa". Arquivado dende o orixinal o 01 de febreiro de 2008. Consultado o 26 de maio de 2013. 
  2. [1]
  3. NHL.com, ed. (11 April 2011). "Premiere 2011 teams, locations revealed".