Andrea Bocelli

Andrea Bocelli
	;
Biografía
Nacemento	22 de setembro de 1958 (65 anos); Lajatico, Italia (pt)
Datos persoais
País de nacionalidade	Italia
Educación	Universidade de Pisa
Actividade
Lugar de traballo	Lajatico (pt)
Ocupación	compositor de cancións , compositor , pianista , guitarrista , saxofonista , avogado , produtor musical , cantante de ópera , cantautor , trompetista
Período de actividade	1992 -
Membro de	Accademia delle Arti del Disegno
Xénero artístico	Ópera, música pop e pop operático (pt)
Lingua	Lingua italiana, lingua alemá e lingua portuguesa
Tesitura	Tenor ; ;
Instrumento	Voz, Trombón, trompeta, Saxofón, frauta travesa, guitarra e piano
Selo discográfico	Decca Records ; Universal Music Group ; PolyGram
Participou en
21 de xaneiro de 2015	World Economic Forum Annual Meeting 2015 (en)
Obra
	Obras destacables (2004) Andrea (pt) ;
Familia
Fillos	Matteo Bocelli (en) , Virginia Bocelli (en)
	Premios (2016) Q113031066 ; (2016) Honorary degree of the University of Macerata (en) ; (2015) Crystal Award (en) ; (2014) Billboard Latin Music Lifetime Achievement Award (en) ; (2 de xuño de 2006) Grande Oficial da Orde ao Mérito da República Italiana; (1997) ECHO Awards (en) ; Order of Merit of Duarte, Sanchez and Mella (en) ; Juan Pablo Duarte Order of Merit (en) ; estrela no Paseo da Fama de Hollywood; Festival Internacional da Canção de Viña del Mar (pt) Concedido por Gaviota (en) ;
	Sinatura
Páxina web	andreabocelli.com

Andrea Bocelli, nado en Toscana, o 22 de setembro de 1958, é un tenor italiano e un dos cantantes de ópera máis famosos do mundo. Desde 1994 vendeu máis de 70 millóns de álbums no mundo, máis que calquera outro artista da música clásica.^[1]

Durante a súa carreira, gravou duetos con cantantes de ópera como Luciano Pavarotti, Plácido Domingo, e José Carreras, pero tamén cantantes de música pop como Christina Aguilera, Stevie Wonder, Laura Pausini e Céline Dion.

Traxectoria[editar | editar a fonte]

Naceu o 22 de setembro de 1958 en Lajatico, un vila da campiña Toscana. Empezou a estudar piano e posteriormente frauta e saxofón. Andrea Bocelli naceu con glaucoma conxénito que o deixou parcialmente cego. Á idade de 12 anos, por mor dun golpe na cabeza durante un partido de fútbol, a cegueira fíxose total. Decidido a non deixar que isto destruíse a súa carreira, seguiu adiante. A súa paixón pola música levouno a ofrecer pequenas actuacións en celebracións familiares. Ao terminar a escola media, inscribiuse na Universidade de Pisa, chegando a licenciarse en Dereito, sen deixar a música, ao compatibilizar as clases de dereito coas clases de canto que recibiu do mestre e gran tenor italiano Franco Corelli. Tamén actuou en numerosos locais, o que lle permitiu perfeccionar a súa técnica vocal, e nesa época, en 1987, foi cando coñeceu a Enrica Cenzatti, con quen casaría.

En 1992 Bocelli colaborou con Zucchero Fornaciari, que estaba a preparar con Luciano Pavarotti a gravación da peza Miserere, que logo integraría no álbum homónimo, e así Zucchero envioulle a demo a Pavarotti, que quedou impresionado, Pavarotti gravou a canción pero na xira europea de Zucchero deixou que Bocelli cantase a canción, con grande éxito. O produtor discográfico Michele Torpedine fíxose cargo da carreira de Bocelli e asinou un contrato con Sugar Music de Caterina Caselli^[2].