21 de outubro

21 de outubro

O 21 de outubro é o 294º día do ano do calendario gregoriano (295º nos anos bisestos). Quedan 71 días para finalizar o ano.

Acontecementos

1032: en Roma, o xove Teofilatto (1008-1055) compra o papado e é nomeado Bieito IX.
1097: Comeza o asedio de Antioquia polo exército da primeira cruzada. Durará até o 2 de xuño do ano seguinte.
1805: Derrota da armada franco-española, dirixida polo almirante francés Pierre de Villeneuve, en Trafalgar, ante unha frota británica ao mando de Horatio Nelson.
1879: Thomas Alva Edison proba a primeira lámpada eléctrica que funciona eficazmente (dura acesa 13 horas e media ante de queimarse).
1936: Fusilados en Lugo os republicanos Rafael de Vega Barrera, Ramón García Núñez, Ángel Pérez López, José Ramos López e Perfecto Abelairas Castro.
1936: Fusilados en Tui os republicanos de Salceda de Caselas Gumersindo Rodríguez Casales e Venancio Pérez Lemos.
1945: En Francia, as mulleres exercen o dereito ao voto por vez primeira.
1959: Ábrese ao público en Nova York o Museo Guggenheim, nun edificio proxectado por Frank Lloyd Wright.

1969: Willy Brandt convértese no primeiro chanceler socialista da República Federal Alemá.
2001: Celebrase eleccións ao Parlamento galego (VI Lexislatura), nas que o Partido Popular de Galicia obtén a maioría absoluta.
2022 - Entra en vixencia a Lei de Memoria Democrática que substitúe á lei homónima aprobada en 2007.

1675 - Emperador Higashiyama, 113° emperador do Xapón.
1728 - Conde de Floridablanca, político español.
1772 - Samuel Taylor Coleridge, poeta, crítico e filósofo inglés.
1790 - Alphonse de Lamartine, escritor, poeta e político francés.
1833 - Alfred Nobel en Estocolmo, químico e enxeñeiro sueco que institúe o Premio Nobel (m. 1896).
1838 - Francisco Romero Blanco, médico galego (m. 1918).
1841 - Segundo Moreno Barcia, avogado, profesor e político galego (m. 1909).
1917 - Dizzy Gillespie, músico (m. 1993).
1925 - Celia Cruz, cantante cubana (m. 2003).
1930 - Xosé Lodeiro, pintor galego (m. 1996).
1953 - Pedro Ignacio Wolcan Olano, bispo uruguaio.
1959 - Medos Romero, escritora galega.
1971 - Nick Oliveri, músico estadounidense.
1988 - Alexandra Fernández Gómez, política galega.

1422 - Carlos VI de Valois, rei de Francia (n. 1368).
1805 - Horatio Nelson, almirante británico, morto na batalla de Trafalgar (n. 1758).
1882 - Andrés Muruais, escritor e xornalista galego (n. 1851).
1886 - José Hernández, poeta, político e xornalista arxentino.
1931 - Arthur Schnitzler, médico e escritor austríaco.
1936 - Rafael de Vega Barrera, médico e político español (n. 1889).
1936 - Ramón García Núñez, gobernador civil de Lugo (n. 1906).
1936 - José Araújo Pérez, empresario e político galego (n. 1903).