Ozzy Osbourne

Na Galipedia, a Wikipedia en galego.
Ozzy Osbourne
Ozzy star.JPG
Nome completo John Michael Osbourne
Naceu 3 de decembro de 1948 (68 anos)
Orixe Aston, Birmingham Inglaterra
Cónxuxe Sharon Osbourne e Thelma
Instrumento(s) voz, harmónica, sintetizador
Relacionado con Black Sabbath, Kelly Osbourne, Black Label Society, Alice Cooper, Iommi, Rob Zombie, Slash, Firewind
Tempo en activo 1968 - actualidade

John Michael "Ozzy" Osbourne, nado o 3 de decembro de 1948, é un vocalista e compositor de heavy metal inglés, cunha carreira musical que se extende xa ao longo de 40 anos. Osbourne acadou a fama como vocalista principal da banda inglesa Black Sabbath, que co seu son duro e escuro contribuíu a propagar o xénero do heavy metal. Debido ao estilo escuro do grupo, Osbourne comezou a ser coñecido como o "Principe da escuridade". Osbourne é tamén coñecido comoo "Padriño do heavy metal".

A comezos dos anos 2000, a carreira de Osbourne expandíuse cando se converteu nunha estrela no seu propio reality show, The Osbournes, ao lado da súa muller/mánager Sharon e dous dos seus tres fillos, Kelly e Jack. Un documental sobre a súa vida e carreira, God Bless Ozzy Osbourne, estreouse en abril do ano 2011 no Tribeca Film Festival e publicouse en DVD no mes de novembro dese ano.