Nightwish

Nightwish
Instancia de grupo musical
Xénero Metal sinfónico power metal
Composto por Jukka Koskinen baixista (agosto de 2022 - ) Kai Hahto batería (2014 - ) Floor Jansen cantante principal (2013 - ) Troy Donockley (pt) (2013 - ) Anette Olzon cantante principal (2007 - 2012) Marco Hietala (pt) guitarrista (2006 - 12 de xaneiro de 2021) Marco Hietala (pt) baixista, cantante (2002 - 12 de xaneiro de 2021) Sami Vänskä (pt) baixista (1998 - 2001) Erno Vuorinen (pt) baixista (1997 - 1997) Jukka Nevalainen (pt) batería (1997 - 15 de xullo de 2019) Tuomas Holopainen cantante (1996 - 1998) Tarja Turunen cantante principal (1996 - 2005) Erno Vuorinen (pt) guitarrista líder (1996 - ) Tuomas Holopainen teclista, pianista, intérprete de sintetizador (1996 - )
Selo discográfico Spinefarm Records Century Media Records Roadrunner Records Nuclear Blast Records Drakkar Entertainment
Obra
Discografía discografía de Nightwish
Datas  Fundación / creación xullo de 1996  Inicio de actividade 1996
Localización  Lugar de formación Kitee
Premios
Premios Salón da Fama da Música Finlandesa (2018) MTV Europe Music Award ao mellor artista finlandés (2008) Premio Emma á banda do ano Echo Pop Premio Muuvi
Nomeamentos MTV Europe Music Award ao mellor artista finlandés (2008) MTV Europe Music Award ao mellor artista finlandés (2007) MTV Europe Music Award ao mellor artista finlandés (2005) Premio Kerrang! ao mellor sinxelo (2005)
Identificadores VIAF 168023703 ISNI 0000000106662492 Freebase /m/0lbyt
Fontes e ligazóns  Páxina WEB nightwish.com
Wikidata G:Commons C:Commons

Nightwish é un grupo de Power Metal, procedente de Kitee, Finlandia.

Historia

Nightwish nace en xullo de 1996, durante unha saída de camping de Tuomas Holopainen cos seus amigos Tarja Turunen (por entón unha novata soprano da Jan Sibelius Academy de Helsinqui) e Erno Vuorinen "Emppu". Tempo despois unirase á banda Jukka Nevalainen.

Durante a primeira metade de 1997, asinan contrato con Spinefarm Records e gravan unha demo de 7 cancións, que máis tarde formarían parte de Angels Fall First, primeiro disco da banda. No segundo semestre dese ano gravaron outras 4 cancións e publicaron o sinxelo titulado "The Carpenter", todo un éxito de vendas en Finlandia. Finalmente, a comezos de novembro, sae ó mercado Angels Fall First, con idéntico resultado.

A comezos de 1998, debido a unha notoria carencia dun baxista estábel, únese ó grupo Sami Vänskä e coménzase a gravación do seu segundo traballo titulado Oceanborn (segundo os fans, o disco de referencia do grupo) que sae ó mercado en decembro dese mesmo ano. Figurando como número 1 nas listas de vendas do país.

A comezos do 2000 a agrupación finesa volta ós estudios e comeza a traballar no seu terceiro disco Wishmaster, traballo que se ve interrompido cando o grupo se presenta para representar ó seu país no Festival de Eurovision coa canción Sleepwalker, no que quedarían en segundo posto. Tras iso, sae á venda Wishmaster, outro éxito de vendas e disco de ouro ás poucas semanas do seu lanzamento.

Para o ano 2001 Nightwish comeza a gravar un cover do tema de Gary Moore Over The Hills And Far Away ademais doutras cancións propias (Tenth Man Down e Away) para compretar o EP titulado Over The Hills And Far Away que tamén incluiría seis cancións gravadas en directo e unha nova versión de Astral Romance.

Nesta época, por diferenzas de pareceres, Sami Vänskä é substituído por Marco Hietala (antigo membro de Sinergy)

No 2002 aparece Century Child álbum no que se pode apreciar claramente a influencia do Black Metal do novo baxista, dotando ó disco dunha gran forza, sobre todo no acompañamento nas voces.

No 2003 a banda entra nun gran receso, debido a que Tarja Turunen contrae matrimonio co arxentino Marcelo Cabuli e comeza a estudar canto lírico en Alemaña (o que puxo en perigo a continuidade do grupo) como tamén influíu que Jukka Nevalainen e a súa moza Satu tivesen unha filla.

No ano 2004 os fanáticos de Nightwish viron rencompensada a súa paciencia coa saída á venda do agardado quinto álbum da banda Once (no que retoman a súa veta sinfónica acompañada dunha boa dose de metal). O resultado: o mesmo día do lanzamento converteuse en disco de ouro en Finlandia. Co novo álbum, Nightwish asina contrato coa casa discográfica Nuclear Blast o que influíu nunha mellora considerabel na comercialización deste disco a nivel internacional. Na xira dese mesmo ano, só nos concertos de Alemaña, Suíza e Austria, venderon máis de 50.000 entradas.

O 21 de outubro do ano 2005 despois do concerto no Hartwall Areena de Finlandia que se empregará para facer o DVD End of an Era, os outros catro integrantes da banda entregáronlle unha carta a Tarja dicíndolle que xa non contaban con ela para continuar con Nightwish. As razóns expostas foron a súa suposta actitude de diva e o interese polo diñeiro sobre outras cousas. A carta foi publicada o día seguinte na páxina oficial da banda. ^{en inglés}

Membros

• Tarja Turunen - Voces (dende 1996 ata End of an Era (2005))
• Tuomas Holopainen - Teclado
• Erno "emppu" Vuorinen - Guitarra
• Sami Vänskä - Baixo (dende Oceanborn (1998) ata Over The Hills And Far Away (2001))
• Marco Hietala - Baixo (dende Century Child (2002) ata a actualidade)
• Jukka Nevalainen - Batería
• Floor Jansen - Cantante dende o 2013.

Discografía

Álbums

Álbum	Ano	Selo
Angels Fall First	1997	Spinefarm Records
Oceanborn	1998	Spinefarm, Drakkar, Toy's Factory
Wishmaster	2000	Spinefarm, Drakkar, Toy's Factory, Century Media
Century Child	2002	Spinefarm, Drakkar, Toy's Factory, Century Media
Once	2004	Spinefarm, Nuclear Blast, Roadrunner
Dark Passion Play	2007	Spinefarm, Nuclear Blast, Roadrunner
Imaginaerum	2011	Nuclear Blast, Roadrunner
Endless Forms Most Beautiful	2015	Nuclear Blast, Roadrunner
Human. :II: Nature.	2020	Nuclear Blast
Yesterwynde	2024	Nuclear Blast

EPs

• Over The Hills And Far Away - 2001

Sinxelos

• The Carpenter - 1997
• Sacrament Of Wilderness - 1998
• Walking In The Air - 1999
• Sleeping Sun (Four Ballads Of The Eclipse) - 1999
• Deep Silent Complete - 2000
• Over The Hills And Far Away - 2001
• Ever Dream - 2002
• Bless The Child - 2002
• Nemo - 2004
• Wish I Had An Angel - 2004
• Kuolema Tekee Taiteilijan - 2004
• The Siren - 2005
• Sleeping Sun - 2005
• Eva - 2007
• Amaranth - 2007
• Erämään viimeinen - 2007
• Bye Bye Beautiful - 2008
• The Islander - 2008
• Storytime - 2011
• The Crow, the Owl and the Dove - 2012
• Élan - 2015
• Endless Forms Most Beautiful - 2015
• Noise - 2020
• Harvest - 2020

DVDs

• From Wishes To Eternity - 2001
• End Of Innocence - 2003
• End of an Era - 2006

Recompilacións

• Wishmastour 2000 - 2000
• Tales From The Elvenpath - 2004
• Bestwishes - 2005
• Highest Hopes - 2005

Versións

• "Where Were You Last Night" de Ankie Bagger
• "High Hopes" (directo) de Pink Floyd
• "Phantom of the Opera" de Andrew Lloyd Webber
• "Symphony of Destruction" (directo) de Megadeth
• "Over the Hills and Far Away" de Gary Moore
• "Walking in the Air" de Howard Blake

Véxase tamén

Ligazóns externas

• Páxina oficial, en finlandés, inglés e alemán
• Páxina oficial de Tarja Turunen Arquivado 20 de maio de 2013 en Wayback Machine.