Evanescence

Evanescence
Orixe	Little Rock (Arcansas), Estados Unidos
Período	1995–2012, 2015–
Xénero(s)	rock alternativo, metal alternativo, metal gótico
Selo(s) discográfico(s)	Wind-up; Concord Bicycle Music
Membros	Amy Lee; Tim McCord; Will Hunt; Troy McLawhorn; Jen Majura;
Antigos membros	Ben Moody; David Hodges; Will Boyd; Rocky Gray; John LeCompt; Terry Balsamo;
Artistas relacionados	Dark New Day, Lindsey Stirling, Within Temptation
Na rede
	www.evanescence.com

Evanescence é un grupo musical estadounidense que se formou en Little Rock (Arcansas) en 1994. O seu estilo musical é rock-metal alternativo e metal gótico.

Historia[editar | editar a fonte]

A andaina deste grupo comezou nun campamento xuvenil cando se atoparon Ben Moody (guitarra) e Amy Lee (voz) hai varios anos, mentres ela estaba cantando. Ben e Amy comezaron a gravar cancións baixo o nome de Evanescence, con sons de metal e música electrónica que pouco a pouco comezaron a soar na radio. Despois disto David Hodges (teclados) únese á banda.

En 1999 gravan Sound asleep, que é só unha edición limitada de 50 copias. No 2000 gravan o seu primeiro álbum, Origin, como edición limitada e vendéronse todas as copias. Para as escenificacións en vivo uníanse Will Boyd (baixo), John Lecomp (guitarra) e Rock Gray (batería). Ese mesmo ano Hodges deixa a banda e Lecompt e Gray quedan como membros permanentes do grupo.

A súa música medraba en popularidade nos EUA e iso levou a que a súa canción Bring me to life, xunto co tema "My inmortal", fosen agregados á banda sonora da película Daredevil.

O 4 de marzo do 2003 edítase Fallen, a obra cumio do grupo ata o momento, onde demostran por que chegaron a onde están. Da voz de Amy díxose que é capaz de crear noites enteiras de insomnio a quen a escoite. A finais do ano 2004 publican un disco do seu directo en París, Anywhere but home.