Fran Vieites
Fran Vieites | |||
---|---|---|---|
Información persoal | |||
Nome | Francisco Barbosa Vieites | ||
Nacemento | 1999 | ||
Lugar de nacemento | Pontecesures | ||
Altura | 1,96 m. | ||
Posición | Porteiro | ||
Información de club | |||
Club actual | Betis Deportivo | ||
Número | 13 | ||
Carreira xuvenil | |||
–2015 | Bertamiráns | ||
2015–2018 | Celta de Vigo | ||
Carreira sénior | |||
Anos | Equipos | Aprs | (Gls) |
2015 | Bertamiráns | 1 | (0) |
2018–2020 | Celta de Vigo B | 15 | (0) |
2020–2022 | Lugo | 12 | (0) |
2022– | Betis Deportivo | 42 | (0) |
2023– | Betis | 3 | (0) |
Na rede | |||
Partidos e goles só en liga doméstica. Club: actualizado a 8 de decembro de 2023. [ editar datos en Wikidata ] | |||
Francisco Barbosa Vieites, máis coñecido como Fran Vieites, nado en Pontecesures o 7 de maio de 1999, é un futbolista galego que xoga como porteiro no Betis Deportivo, da Segunda División RFEF.
Traxectoria[editar | editar a fonte]
Formouse como gardameta de fútbol nas categorías inferiores do Bertamiráns ata completar a súa etapa como cadete. Con só 15 anos debutou co primeiro equipo na Terceira División, substituíndo a Fran Dacuña nos minutos finais dun partido ante o Cerceda no Roxo.[1] En 2015 ingresou na canteira do Celta de Vigo.[2] Tras xogar co xuvenil na División de Honra, para a tempada 2018/19 formou parte do Celta B na Segunda División B, aínda que non chegou a xogar ningún minuto, sendo Iván Villar o gardameta aliñado por Rubén Albés en case tódolos partidos. Debutou finalmente na tempada 2019/20, na que disputou 15 partidos co filial e foi convocado 6 veces polo primeiro equipo.
En setembro de 2020 fichou polo Lugo, da Segunda División, nun principio como terceiro porteiro por detrás de Ander Cantero e Varo.[3] Na tempada 2021/22 pasou a ser o segundo gardameta do equipo e na sexta xornada tivo a oportunidade de debutar ante o Cartagena, aproveitando a lesión do porteiro titular, Óscar Whalley.[4] Continuou defendendo a portería do Anxo Carro durante as seguintes 11 xornadas, ata a recuperación do aragonés.
En xullo de 2022 fichou polo Betis Deportivo, da Segunda División RFEF, onde foi titular indiscutible durante a 2022/23.[5] O 16 de setembro de 2023 debutou co primeiro equipo do Betis na Primeira División, nun encontro ante o FC Barcelona no Lluís Companys, substituíndo na segunda parte ao lesionado Rui Silva. Entrou cando o marcador reflectía unha vitoria local por 2-0 e no minuto 62 encaixou o seu primeiro gol na máxima categoría, obra do valenciano Ferran Torres. Rafinha e João Cancelo completaron a goleada catalá (5-0).[6]
Dous meses despois, e por mor das baixas de Rui Silva e Claudio Bravo, volveu actuar co primeiro partido, disputando o derbi contra o Sevilla no Sánchez Pizjuán.[7] Na seguinte xornada xogou ante o Las Palmas no Benito Villamarín, sendo un dos máis destacados do equipo bético, que gañou por 1-0.[8]
Notas[editar | editar a fonte]
- ↑ Díaz Rolle, Iván (9 de setembro de 2020). "Otro vuelo de A Madroa al Ángel Carro". La Voz de Galicia (en castelán). Consultado o 8 de decembro de 2023.
- ↑ "Vieites firma por el Celta". canteiraceleste.com (en castelán). 10 de xuño de 2015. Consultado o 8 de decembro de 2023.
- ↑ Lorenzo, Álvaro (8 de setembro de 2020). "Vieites el futuro en la portería del Lugo". Marca (en castelán). Consultado o 8 de decembro de 2023.
- ↑ "El Lugo se pone en manos de Vieites". La Voz de Galicia (en castelán). 17 de setembro de 2021 2021. Consultado o 8 de decembro de 2023.
- ↑ "Fran Vieites, nuevo refuerzo para el Betis Deportivo" (en castelán). 18 de xullo de 2022. Consultado o 8 de decembro de 2023.
- ↑ Sánchez, Gonzalo (17 de setembro de 2023). "El cesureño Fran Vieites debutó en Primera División" (en castelán). Consultado o 8 de decembro de 2023.
- ↑ "La emoción de Fran Vieites tras el derbi: rompe a llorar con su madre" (en castelán). 13 de novembro de 2023. Consultado o 8 de decembro de 2023.
- ↑ Lagos, Rubén (26 de novembro de 2023). "El héroe es Fran Vieites". As (en castelán). Consultado o 8 de decembro de 2023.
Véxase tamén[editar | editar a fonte]
Ligazóns externas[editar | editar a fonte]
- Datos do xogador en LaPreferente (en castelán).