Saltar ao contido

Hugo Bueno

Na Galipedia, a Wikipedia en galego.
Modelo:BiografíaHugo Bueno

Hugo Bueno coa selección galega en 2024 (2024) Editar o valor en Wikidata
Biografía
Nacemento(gl) Hugo Bueno López Editar o valor en Wikidata
18 de setembro de 2002 Editar o valor en Wikidata (23 anos)
Vigo Editar o valor en Wikidata
Grupo étnicoPobo galego Editar o valor en Wikidata
Altura1,8 m Editar o valor en Wikidata
Actividade
Ocupaciónfutbolista Editar o valor en Wikidata
Nacionalidade deportivaEspaña Editar o valor en Wikidata
Deportefútbol Editar o valor en Wikidata
Número deportivo17 Editar o valor en Wikidata
Traxectoria Editar o valor en Wikidata
  Deporte base
–2014 Gondomar Club de Fútbol
2014–2016 CD Areosa
2016–2017 ED Val Miñor
2017–2019 CD Areosa
2019–2022 Wolverhampton Wanderers F.C.
  Equipo Número de eventos xogados Puntos/goles/tantos anotados
2022– Wolverhampton Wanderers F.C. 48(0)
2024–→ cesión:  Feyenoord Rotterdam 0(0)
  Selección nacional Número de eventos xogados
2024–   Galicia 1(0)
Familia
IrmánsGuille Bueno Editar o valor en Wikidata
UEFA: 250189052 Editar o valor en Wikidata

Hugo Bueno López, nado en Gondomar o 18 de setembro de 2002, é un futbolista galego que xoga como lateral esquerdo no Wolverhampton Wanderers, da Premier League. É irmán xemelgo de Guille Bueno, xogador do Borussia Dortmund II.[1]

Traxectoria

[editar | editar a fonte]

Comezou a xogar ao fútbol xunto ao seu irmán xemelgo Guille no Gondomar do seu concello natal. Axiña comezou a destacar e en idade alevín foi seleccionado para representar á selección viguesa sub-12 no Campionato Galego de Seleccións.[2] En idade cadete pasou xunto a Guille á canteira do Areosa, no que xogaron nos seguintes anos coa excepción dun intervalo no ED Val Miñor.[3] Durante a tempada 2018/19 compaxinou o equipo xuvenil do Areosa, da Liga Nacional, co xuvenil do Comesaña, na Liga Galega.

En 2019 deixou Galicia e ingresou na canteira do Wolverhampton Wanderers inglés.[4][5][6] Separouse así por primeira vez de seu irmán, que continuou un ano máis no Areosa antes de fichar polo Deportivo da Coruña Xuvenil.[7] En Wolverhampton, Hugo xogou nos equipos sub-18 e sub-23 do club durante tres anos, coincidindo cos tamén galegos Jonny Otto e Erik Bugarín.[7][8]

O 15 de outubro de 2022, debutou co primeiro equipo na Premier League, substituíndo ao franco-alxeriano Rayan Aït-Nouri no tempo de desconto da vitoria por 1-0 sobre o Nottingham Forest no Molineux.[9] Saíu de titular na seguinte xornada e continuou na titularidade durante varias xornadas. Finalizou a súa primeira campaña na Premier con 21 partidos disputados, aos que sumou un na FA Cup e outro na EFL Cup. Na tempada 2023/24 xogou outros 21 partidos de liga e catro máis nas competicións de copa.

Para a tempada 2024/25 saíu cedido ao Feyenoord, da Eredivisie dos Países Baixos.[10] No club neerlandés competiu polo posto con Gijs Smal e Quilindschy Hartman e comezou a ser un habitual na titularidade a partir de outubro.[11] O 18 de febreiro de 2025 contou con protagonismo na Liga de Campións, cando un centro seu en San Siro foi rematado a gol por Julián Carranza, significando a eliminación do Milan e a clasificación do Feyenoord a oitavos de final despois de 50 anos sen conseguilo.[12] Finalmente, o equipo caeu eliminado na seguinte rolda ante o Inter de Milán de Simone Inzaghi. Pechou o seu paso polo Feyenoord cun total de 30 partidos e catro asistencias.

Selección española

[editar | editar a fonte]

O 26 de febreiro de 2020, debutou coa selección española sub-18, na vitoria por 2-1 contra Dinamarca. En setembro de 2023 recibiu a súa primeira convocatoria coa selección sub-21,[13] debutando con esta nun partido ante Escocia no Nuevo Estadio de la Victoria de Xaén.[14] En 2025 disputou en Eslovaquia a Eurocopa sub-21, na que xogou tres partidos, antes de caer nos cuartos de final contra Inglaterra.[15]

Selección galega

[editar | editar a fonte]

Foi convocado pola selección galega para o partido contra Panamá disputado no Estadio de Balaídos o 31 de maio de 2024, que finalizou con derrota (0–2).[16]

Notas

[editar | editar a fonte]
  1. ↑ Otero, Marcos (16 de agosto de 2021). "Guille Bueno y una historia enrevesada". La Opinión A Coruña (en castelán). Consultado o 16 de setembro de 2023.
  2. ↑ "Los alevines Brais Val y Gonzalo convocados para el Campeonato Gallego de Selecciones" (en castelán). 9 de maio de 2014. Consultado o 16 de setembro de 2023.
  3. ↑ Refojos, Borja (4 de xullo de 2022). "El futuro, dos veces Bueno" (en castelán). Consultado o 16 de setembro de 2023.
  4. ↑ Gil, Dani (3 de febreiro de 2023). "Hugo Bueno interview: Everybody picks me in fantasy football – even Joao Moutinho" (en inglés). Arquivado dende o orixinal o 3 de febreiro de 2023. Consultado o 16 de setembro de 2023.
  5. ↑ Lara, Miguel Ángel (12 de xullo de 2020). "Hugo Bueno: la familia y uno más". Marca (en castelán). Consultado o 16 de setembro de 2023.
  6. ↑ Keen, Liam (23 de xullo de 2022). "Four Wolves players out to make their mark in Spain" (en inglés). Consultado o 16 de setembro de 2023.
  7. 1 2 "Hugo Bueno, del Areosa a los Wolves sin escalas". La Voz de Galicia (en castelán). 10 de febreiro de 2022. Consultado o 16 de setembro de 2023.
  8. ↑ Antelo, Iván (19 de outubro de 2022). "Hugo Bueno, jugador gallego de los Wolves: «Estoy encantado por debutar en la Premier, pero quiero más»". La Voz de Galicia (en castelán). Consultado o 16 de setembro de 2023.
  9. ↑ "Wolves' match-winner Ruben Neves alerted his team-mates to the pre-match social media wind-up that backfired badly on Nottingham Forest at Molineux". BBC (en inglés). 15 de outubro de 2022. Consultado o 16 de setembro de 2023.
  10. ↑ "Feyenoord sign Wolves defender Hugo Bueno on season-long loan" (en inglés). 13 de agosto de 2024. Consultado o 14 de agosto de 2024.
  11. ↑ "Hugo Bueno y su debut soñado: “Está en plena forma”" (en castelán). 19 de agosto de 2025. Consultado o 19 de febreiro de 2025.
  12. ↑ Rubio, Alberto (19 de febreiro de 2025). "Hugo, demasiado Bueno para el Milan". Marca (en castelán). Consultado o 19 de febreiro de 2025.
  13. ↑ "Gabri Veiga y el gondomareño Hugo Bueno, convocados con la selección sub 21" (en castelán). 1 de setembro de 2023. Consultado o 16 de setembro de 2023.
  14. ↑ "'La Rojita' vence a Escocia con minutos para Guerra y Diego López" (en castelán). 11 de setembro de 2023. Consultado o 16 de setembro de 2023.
  15. ↑ "España se despide del Europeo sub-21 ante una Inglaterra muy competitiva" (en castelán). 21 de xuño de 2025. Consultado o 12 de xullo de 2025.
  16. ↑ "CRÓNICA. A selección galega non pode cunha dura Panamá". Nós Diario. 31 de maio de 2024. Consultado o 1 de xuño de 2024.

Véxase tamén

[editar | editar a fonte]

Ligazóns externas

[editar | editar a fonte]
Obtido de «https://gl.wikipedia.org/w/index.php?title=Hugo_Bueno&oldid=7123253»