Eusebio Lorenzo Baleirón

Na Galipedia, a Wikipedia en galego.
Eusebio Lorenzo Baleirón
Eusebio Lorenzo Baleirón.JPG
Graffiti no Colexio público de Dodro.
Nacemento 25 de xaneiro de 1962
Lugar Laíño, Dodro
Falecemento 14 de decembro de 1986 (24 a.)
Lugar Dodro
Nacionalidade España
Alma máter U. de Santiago de Compostela
Cónxuxe Asunción Soñora Abuín
Fillos Flavia Lorenzo Soñora
Xéneros Poesía
Estudos Filoloxía Galego-Portuguesa
editar datos en Wikidata ]

Eusebio Lorenzo Baleirón, nado en Laíño (Dodro) o 25 de xaneiro de 1962 e finado o 14 de decembro de 1986 tamén en Dodro, foi un escritor galego [1]. Era irmán do tamén escritor Manuel Lorenzo Baleirón.

Traxectoria[editar | editar a fonte]

Foi fillo de Nieves e Ángel, que morreu cando Eusebio indo non cumprira tres anos de idade. Estudou en Santiago de Compostela, onde se licenciou en Filoloxía Galego-Portuguesa en 1985. Colaborou como ensaísta na revista Grial con estudos sobre a poesía de Aquilino Iglesia Alvariño, Nuno Júdice e Álvaro Cunqueiro. Destacou na súa faceta poética, que se viu recoñecida por varios premios obtidos en diferentes certames. En 1985 sacaría á luz dous poemarios: Os días olvidados e O corpo e as sombras, a esa altura publica tamén un libro de narrativa xuvenil: O libro das viaxes e dos soños. A morte prematura impediulle ver editado o que sería o seu terceiro poemario, A morte presentida, que foi publicado postumamente en 1988.

No décimo aniversario da morte do poeta editouse a súa obra poética completa: Gramática do silencio. Obra poética. Así mesmo, en 2000 saíu á luz Antología Poética, unha antoloxía bilingüe (galego-español) baixo o coidado de Ánxeles Penas.

En 2017 foi candidato a ser a figura homenaxeada no Día das Letras Galegas correspondente ao ano 2018, canda Ricardo Carballo Calero, Plácido Castro, Antón Fraguas e María Victoria Moreno,[2] que é a que foi finalmente escollida.

Obras[editar | editar a fonte]

Poesía[editar | editar a fonte]

  • Os días olvidados (1985, Algalia).
  • O corpo e as sombras (1985, Caixa Ourense).
  • A morte presentida (1988, Sotelo Blanco).
  • Gramática do silencio. Obra poética (1996, Espiral Maior).
  • Antología Poética (2000, Espiral Maior). Edición bilingüe galego-castelán
  • Gramática del silencio (2007, Rinoceronte )

Literatura infanto-xuvenil[editar | editar a fonte]

  • Libro das viaxes e dos soños (1986, Vía Láctea).

Obras colectivas[editar | editar a fonte]

  • Desde a palabra, doce voces, 1986, Sotelo Blanco.
  • Concurso Nacional de Poesía O Facho (1978-1989), 1990, Edicións do Castro.
  • Poesía gallega contemporánea (1996, Litoral).
  • Río de son e vento. Unha antoloxía da poesía galega (1999, Xerais).
  • Antoloxía consultada da poesía galega 1976-2000 (2003, Tris Tram). Por Arturo Casas.
  • Dix-sept poètes galiciens 1975-2000. Dezasete poetas galegos 1975-2000 (2008, Universidade da Coruña).
  • El otro medio siglo. Antología incompleta de poesía iberoamericana (Espiral Maior, 2009). Antonio Domínguez Rey.
  • Losada Castro, Basilio: Antoloxía Poética. Leliadoura (1985-1997). Sotelo Blanco Edicións. Santiago de Compostela. 2005.
  • Rodríguez Rial, Nel : XXV Aniversario do premio de Poesía Eusebio Lorenzo Baleirón.1988-1912.ConCello de Dodro. Edizer. 2013.

Premios[editar | editar a fonte]

  • Premio do Concurso Nacional de Poesía O Facho no 1983, por Cunqueiro.
  • 2º Premio no certame de Poesía Celso Emilio Ferreiro do Concello de Vigo no 1984, por Os días olvidados.
  • Premio Celso Emilio Ferreiro do Concello de Santiago no 1984, por Os ollos no camiño.

Notas[editar | editar a fonte]

Véxase tamén[editar | editar a fonte]

Bibliografía[editar | editar a fonte]

Outros artigos[editar | editar a fonte]

Ligazóns externas[editar | editar a fonte]