Arturo Casas

Na Galipedia, a Wikipedia en galego.

Arturo Casas Vales, nado na Coruña o 21 de febreiro de 1958, é un teórico da literatura licenciado en Filoloxía Hispánica e Galego-Portuguesa, ademais de doutor en Filoloxía Hispánica, poeta, tradutor e ensaísta.

Traxectoria[editar | editar a fonte]

Como investigador ten atendido varios campos, entre os cales se atopan a obra de Rafael Dieste e os seus núcleos de acción cultural e política, o pensamento estético-literario contemporáneo, a teoría do poema, a intervención e o acto críticos, os estudos sistémicos, a metodoloxía da Historia literaria e a poesía do século XX, con especial atención á galega nos períodos 1916-1936 e 1976 en adiante. Actualmente imparte clases de Teoría da literatura e Literatura comparada na USC.

Foi membro fundador e primeiro director do Centro de Investigación de Procesos e Prácticas Culturais Emerxentes, (CIPPCE), constituído por oito grupos de investigación da USC. É membro do Comité de Coordinación da rede internacional Poetics of Resistance. Co Grupo Alea de Análise Poética (GAAP) e o Consello da Cultura Galega activou a base de datos e repositorio dixital poesiagalega.org, centrado no estudo da poesía galega dos séculos XIX a XXI. Coordina grupos de traballo sobre poesía non lírica en perspectiva teórico-comparada e sobre a innovación da Historia literaria galega. É membro da Sección de Crítica literaria da AELG.

Entre setembro de 2008 e setembro de 2009 mantivo aberto o blogue Lándoas. Marxesdetexto. É un dos autores da base de datos do dicionario de termos literarios do Equipo Glifo.

Obras en galego[editar | editar a fonte]

Poesía[editar | editar a fonte]

Ensaio, investigación e crítica literaria[editar | editar a fonte]

Aforismos[editar | editar a fonte]

  • Futurario 2011 (Aforismos neopoéticos in modo antico) (2011, publicado en internet).

Traducións[editar | editar a fonte]

  • Vello ceo nórdico. Antoloxía da poesía estonia contemporánea. Edición trilingüe estoniano-galego-inglés. Monografías do Boletín Galego de Literatura [1], Universidade de Santiago de Compostela, (2002). Edición en colaboración con Jüri Talvet.
  • Pluriversos: Seis poetas irlandesas de hoxe. Edición bilingüe inglés-galego ou gaélico-galego ao coidado de Manuela Palacios. Follas Novas Edicións. Colaboración do Ireland Literature Exchange/Idirmhalartán Litríocht Éireann, col. Libros da Frouma, 2003. Tradución en colaboración con Manuela Palacios.

Obras colectivas[editar | editar a fonte]

Obra en castelán[editar | editar a fonte]

Investigación e crítica literario[editar | editar a fonte]

  • La teoría estética, teatral y literaria de Rafael Dieste, (1997). Universidade de Santiago de Compostela.
  • La descripción literaria. Traza fenomenológica y semiótico-hermenéutica, (1999). Episteme.

Véxase tamén[editar | editar a fonte]

Ligazóns externas[editar | editar a fonte]