Estadi Olímpic Lluís Companys

Estadi Olímpic Lluís Companys
Montjuïc
Instancia de estadio olímpico
Epónimo Lluís Companys
Estilo arquitectura ecléctica
Deporte atletismo
Persoas e organizacións
Ocupante Barcelona Dragons (NFL Europe) RCD Espanyol FC Barcelona
Propietario/a Concello de Barcelona
Arquitecto/a Pere Domènech i Roura
Datas  Fundación / creación 1929  Inauguración 20 de maio de 1929
Cronoloxía 1992 Xogos Olímpicos de 1992
Dimensións Capacidade 55.926
Localización  Situado en Montjuïc, Sants-Montjuïc, Barcelona, Barcelonès, Ámbito metropolitano de Barcelona, provincia de Barcelona, Cataluña, España  Código postal 08038  Enderezo Pg. Olímpic, 17-19 Mapa  41°21′53″N 2°09′20″L
Recoñecemento Ben Cultural de Interese Local de Cataluña Id. IPAC 39655 Id. IPAPC 15743 Id. Barcelona 1777
Identificadores Freebase /m/0653_r
Fontes e ligazóns  Páxina WEB estadiolimpic.barcelona
Wikidata C:Commons

Panorámica do interior do estadio durante a disputa dun partido disputado entre o RCD Espanyol e o Málaga CF en xuño de 2009.

O Estadi Olímpic Lluís Companys é un estadio de fútbol español da cidade de Barcelona. Chamado antigamente Estadio de Montjuïc, recibiu a súa denominación actual en 2001, na honra a Lluís Companys, presidente da Generalitat de Cataluña durante a Segunda República.

Historia

Foi proxectado polo arquitecto Pere Domènech i Roura e inaugurado en 1929 con motivo da Exposición Internacional daquel ano, na montaña de Montjuïc. En 1957 acolleu a única final da Copa de España de fútbol que enfrontou ao RCD Espanyol e o FC Barcelona, os dous equipos máis importantes da cidade condal.

Na década de 1960 foi infrautilizado e as súas bancadas comezaron a evidenciar preocupantes síntomas de ruína. A celebración dos Xogos Olímpicos de 1992 permitiron a súa remodelación a cargo do equipo de arquitectos Correa-Milà-Margarit-Buixadé e coa participación do italiano Gregotti.

Foi renovado completamente para acoller os Xogos Olímpicos. Foi baleirado e rebaixado o nivel da pista e só se conservaron as fachadas exteriores. Alzáronse novas bancadas cunha capacidade total de 55 000 espectadores.

En 1989 foi reinaugurado con motivo da Copa do Mundo de Atletismo, tres anos antes dos Xogos, e foi testemuña das cerimonias de inauguración e de clausura dos Xogos Olímpicos de 1992.

Na tempada 1991/92 xogou no campo a Unió Esportiva Sant Andreu. En 1997 o Reial Club Deportiu Espanyol pasou a xogar os seus partidos despois de abandonar o estadio de Sarrià. O equipo xogaría en Montjuïc ata 2009, cando foi inaugurado o Estadio Cornellà-El Prat.

En 1998 o Comité de Estadios da UEFA outorgou a categoría cinco estrelas ao Estadio Olímpico Lluís Companys, pola que poden celebrarse competicións de fútbol do máximo nivel continental. Esta instalación está preparada para acoller grandes eventos deportivos, culturais e sociais con capacidade para 55 000 espectadores para actos deportivos e ata 68 000 espectadores para concertos.

Do 26 de xullo ao 1 de agosto de 2010 celebrouse no estadio o 20º Campionato de Europa de atletismo, polo que foi novamente remodelado.