No ano 1882 Josep M. Bocabella adquirira uns terreos para a construción dun templo dedicado á Sagrada Familia. Os desacordos co primeiro arquitecto fixeron que Gaudí pasase a ocuparse das obras, cun novo proxecto moito máis ambicioso. A obra atópase agora aínda no proceso de construción. A data prevista para o remate das obras seguindo o ritmo de hoxe é de 2026.[4]
Nos derradeiros anos da súa vida, Gaudí, na súa meirande parte, traballaba e vivía pola Sagrada Familia, deixando moitos planos, proxectos e esbozos na hora da súa morte.
As obras que actualmente faltan por rematar respectan o proxecto orixinal de Gaudí no seu conxunto, mais non nos seus pormenores, os cales se adaptan á estética moderna e ó estilo dos artistas que os levan a termo.
A obra que realizou Gaudí, é dicir, a fachada do Nacemento e a cripta, foi incluída en 2005 pola UNESCO no Sitio do Patrimonio da Humanidade «Obras de Antoni Gaudí». O Templo foi consagrado e declarado Basílica menor o 7 de novembro de 2010 polo papa Bieito XVI.[5]
↑A Sagrada Familia é unha basílica dende 2010, mais non é unha catedral; a Catedral de Barcelona é a Catedral de Santa Baia, un edificio gótico da Idade Media.
Zerbst, Rainer (1988). Antoni Gaudi— A Life Devoted to Architecture. Trans. from German by Doris Jones and Jeremy Gaines. Hamburg, Germany: Taschen. ISBN3-8228-0074-0.
Flores, Carlos (2002). Ed. Empúries, Barcelona, ed. Les lliçons de Gaudí. ISBN 84-7596-949-6.
Fontbona, Francesc y Miralles, Francesc (1985). Ed. 62, Barcelona, ed. Història de l’Art Català. Del modernisme al noucentisme (1888-1917). ISBN 84-297-2282-3.