O Teatre Nacional de Catalunya (tamén coñecido como TNC) é un teatro da cidade de Barcelona, en Cataluña. Inaugurado en 1996 naceu co obxectivo básico de consolidar unha oferta teatral de alta calidade tanto a nivel nacional como internacional que, dende a capacidade de risco estético e a vontade de servizo propia do teatro público, completase un panorama teatral caracterizado pola creatividade e a riqueza das iniciativas.
O edificio do Teatre, situado na plaça de les Arts da Cidade condal, diante do Auditori e preto da plaça de les Glòries Catalanes, conta con dúas salas aptas para facer representacións: a Sala Gran (Sala Grande), con bancadas de teatro grego e capacidade para 866 espectadores, e a Sala Petita (Sala Pequena), con bancadas móbiles e capacidade para entre 266 e 500 persoas. Deseñado polo arquitecto catalán Ricard Bofill i Leví, é un dos edificios emblemáticos de Barcelona.
