Foi construída entre febreiro de 1990 e xullo de 1992 con motivo dos Xogos Olímpicos de Barcelona 1992 e desde aí realízanse a maioría de enlaces audiovisuais da área metropolitana e a provincia. Esta torre de deseño futurista dispón dun miradoiro público no nivel 10 desde onde se divisa a cidade de Barcelona. Ten unha altura de 288,4 metros e foi deseñada polo arquitecto británico Norman Foster e os enxeñeiros de camiños Julio Martínez Calzón e Manuel Julià Vilardell, e construída por Cubiertas y MZOV, S.A..
Como peculiaridade cabe destacar que a Torre de Collserola posúe tamén servizos de cátering para empresas, onde se pode celebrar calquera evento. Dispón dunha sala de recepción e aperitivo, unha sala polivalente onde se poden participar en reunións de negocios ou empresariais e a planta miradoiro ten unha cabida de ata 100 comensais, onde calquera pode deleitarse coas súas vistas cara a Barcelona ou a comarca do Vallès Occidental.
A Torre de Collserola é membro da Federación Mundial de Grandes Torres.
