Cebada: Diferenzas entre revisións
m →Produción: Arranxos varios, replaced: <br /> → <br/> (2) |
Etiquetas: edición desde un dispositivo móbil Edición feita a través do sitio móbil |
||
Liña 25: | Liña 25: | ||
A cebada é un cereal de invierno, que se recolle en [[verán]] (xuño ou xullo no hemisferio norte) e xeralmente a súa distribución é semellante á do [[trigo]]. A cebada crece ben en solos drenados, que non precisan seren tan [[fertilidade|fértiles]] como os dedicados ao trigo. |
A cebada é un cereal de invierno, que se recolle en [[verán]] (xuño ou xullo no hemisferio norte) e xeralmente a súa distribución é semellante á do [[trigo]]. A cebada crece ben en solos drenados, que non precisan seren tan [[fertilidade|fértiles]] como os dedicados ao trigo. |
||
A [[raíz (botánica)|raíz]] da planta é fasciculada e nela pódense identificar raíces primarias e secundarias. As raíces primarias fórmanse polo crecemento da radícula e desparecen na planta adulta, momento no que se desenvolven as raíces secundarias dende a base do [[talo]], con diversas ramificacións. O talo da cebada é unha [[cana (vexetal)|cana]] oca que presenta de sete a oito entrenós, separados por diafragmas |
A [[raíz (botánica)|raíz]] da planta é fasciculada e nela pódense identificar raíces primarias e secundarias. As raíces primarias fórmanse polo crecemento da radícula e desparecen na planta adulta, momento no que se desenvolven as raíces secundarias dende a base do [[talo]], con diversas ramificacións. O talo da cebada é unha [[cana (vexetal)|cana]] oca que presenta de sete a oito entrenós, separados por diafragmas nodosos. Os entrenós son máis longos segundo o talo medra dende a rexión basal. O número de talos en cada planta é variable, e cada un deles presenta unha espiga. |
||
As [[folla]]s están conformadas pola [[vaíña]] basal e a [[Limbo foliar|lámina]], que están unidas pola [[lígula]] e presentan dúas prolongacións membranosas denominadas [[Aurícula (botánica)|aurículas]]. As follas atópanse inseridas nos nós do talo por un colar ou ''pulvinus'', que é un avultamento na base da folla. |
As [[folla]]s están conformadas pola [[vaíña]] basal e a [[Limbo foliar|lámina]], que están unidas pola [[lígula]] e presentan dúas prolongacións membranosas denominadas [[Aurícula (botánica)|aurículas]]. As follas atópanse inseridas nos nós do talo por un colar ou ''pulvinus'', que é un avultamento na base da folla. |
Revisión como estaba o 18 de outubro de 2020 ás 16:20
Cebada, Orxo | |||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|
Debuxo da cebada | |||||||||||||||||||||
Clasificación científica | |||||||||||||||||||||
| |||||||||||||||||||||
Nome binomial | |||||||||||||||||||||
'Hordeum vulgare' L. |
A cebada ou orxo[2] (Hordeum vulgare) é unha gramínea cerealífera de grande importancia tanto para humanos como para animais, e representa a quinta maior colleita do mundo. Pertence á familia das gramíneas e a área cultivada no mundo chega a 530.000 km². O seu período de xerminación é de 1 a 3 días. As súas flores dispóñense en espigas, na extremidade do colmo, e os froitos, amarelados e ovoides, fornecen unha fariña alimenticia. A xerminación dos grans (malte) da especie (Hordeum distichum) utilízase na fabricación da cervexa, e os grans torrados e moídos son usados na fabricación dunha bebida sen cafeína de aspecto semellante ao café.
Descrición
A cebada é un cereal de invierno, que se recolle en verán (xuño ou xullo no hemisferio norte) e xeralmente a súa distribución é semellante á do trigo. A cebada crece ben en solos drenados, que non precisan seren tan fértiles como os dedicados ao trigo.
A raíz da planta é fasciculada e nela pódense identificar raíces primarias e secundarias. As raíces primarias fórmanse polo crecemento da radícula e desparecen na planta adulta, momento no que se desenvolven as raíces secundarias dende a base do talo, con diversas ramificacións. O talo da cebada é unha cana oca que presenta de sete a oito entrenós, separados por diafragmas nodosos. Os entrenós son máis longos segundo o talo medra dende a rexión basal. O número de talos en cada planta é variable, e cada un deles presenta unha espiga.
As follas están conformadas pola vaíña basal e a lámina, que están unidas pola lígula e presentan dúas prolongacións membranosas denominadas aurículas. As follas atópanse inseridas nos nós do talo por un colar ou pulvinus, que é un avultamento na base da folla.
A súa espiga é a inflorescencia da planta, que se considera unha prolongación do talo, e que é semellante á das demais gramíneas.
O gran ten forma de fuso, máis groso no centro e diminuíndo cara aos ápices. A casca (nos tipos vestidos) protexe o gran contra os depredadores e é de utilidade nos procesos de malteado e cervexería; representa un 13 % do peso do gran, oscilando segundo o tipo ou a variedade.
Historia
A cebada cultivada (Hordeum vulgare) desciende da cebada silvestre (Hordeum spontaneum), que crece en Oriente Medio. Ambas as especies son diploides (2n=14 cromosomas). O seu cultivo aparece no antigo Exipto e foi un produto importante para o desenvolvemento desta civilización; no libro do Éxodo cítase en relación coas pragas de Exipto. Os gregos e os romanos empregaban a cebada para elaborar pan, e era a base de alimentación para os gladiadores romanos. En Suíza atopáronse restos calcinados de tortas elaboradas con grans de cebada toscamente moídos que datan da Idade da Pedra.
Durante moitos séculos a distinción de clases tamén afectou ao tipo de cereal que estaba permitido consumir: en Inglaterra ata o século XVI os pobres só tiñan permitido consumir pan de cebada mentres que o pan de trigo estaba destinado á clase alta.
Usos
Nalgúns países de oriente próximo, do norte de Europa (como Finlandia) e de Suramérica (como Colombia, Perú e Ecuador) aínda se emprega como alimento para consumo humano, mediante un proceso de torrado e moenda cun produto final chamado máchica. Porén, é moito máis empregada no malteado e na obtención de mostos para a elaboración da cervexa e na fabricación de whisky escocés e de xenebra neerlandesa. Existe pan que se elabora co cereal e ademais outra pequena proporción destínase para a alimentación animal, particularmente dos porcos. Elabóranse tamén bebidas non alcohólicas ou lixeiramente alcohólicas, como o kvas e a auga de cebada. Tamén se emprega a semente como medicinal.[3][4]
Contraindicacións
O orxo, así como o trigo, o malte, a avea e o centeo, posúe glute na súa composición, desta forma, non debe ser consumido por portadores da doenza celíaca, xa que a mesma trae como consecuencia ao organismo (caso consumido estes alimentos), unha atrofia nas mucosas do intestino delgado, prexudicando o organismo e a absorción de diversos nutrientes.
Produción
Segundo a FAO a produción mundial de cebada en 2010 alcanzou 123,5 millóns de toneladas. Os 20 maiores produtores abranguen o 82 % do total mundial.
Posto | País | Cantidade (en t) |
Posto | País | Cantidade (en t) |
---|---|---|---|---|---|
1 | Alemaña | 10 412 100 | 13 | Arxentina | 2 983 050 |
2 | Francia | 10 102 000 | 14 | Dinamarca | 2 981 300 |
3 | Ucraína | 8 484 900 | 15 | Marrocos | 2 566 450 |
4 | Rusia | 8 350 020 | 16 | China | 2 520 000* |
5 | España | 8 156 500 | 17 | Belarús | 1 966 460 |
6 | Canadá | 7 605 300 | 18 | India | 1 600 000 |
7 | Australia | 7 294 000 | 19 | República Checa | 1 584 500 |
8 | Turquía | 7 240 000 | 20 | Alxeria | 1 500 000* |
9 | Reino Unido | 5 252 000 | …; | ||
10 | Estados Unidos | 3 924 870 | |||
11 | Polonia | 3 533 000 | |||
12 | Irán | 3 209 590 | Mundo | 123 479 202 |
(* Estimación da FAO)
Notas
- ↑ Sistema Integrado de Información Taxonómica. "'Hordeum vulgare' (TSN 40874)" (en inglés).
- ↑ Definicións no Dicionario da Real Academia Galega e no Portal das Palabras para orxo.
- ↑ PASSE, 2008. páx. 123 a 127
- ↑ CÁCERES, 1996. páx. 127 e 128.
- ↑ FAO, Faostat Statistik der FAO 2010, aufgerufen am 21 März 2012[Ligazón morta]
Véxase tamén
Wikimedia Commons ten máis contidos multimedia na categoría: Cebada |
Bibliografía
- Cendrero, Orestes [1938] Nociones de historia natural. 7.ª Edición, París.
- Forero, Daniel Gonzalo [2000] Almacenamiento de Granos. UNAD, Facultad de Ciencias Agrarias, Bogotá.
- Kent, Norman Leslie [1983] Technology of cereals: An introduction for students of food science and agriculture. Pergamon Press Ltd, Oxford.
- Ruiz Camacho, Rubén [1981] Cultivo del Trigo y la Cebada. Temas de Orientación Agropecuaria, Bogotá.
Outros artigos
- Orxo bravo (Hordeum murinum)
- Orxo de dúas carreiras (Hordeum distichon ou Hordeum distichum)
- A cebada na cultura popular galega
Ligazóns externas
- Análise de baleiros de coleccións ex situ para o acervo xenético de Hordeum no portal Gap Analysis.
- Estatísticas de produción agrícola da Food and Agriculture Organization (en inglés).