Consellería de Facenda e Administración Pública

A Consellería de Facenda é o órgano da Xunta de Galicia encargado da preparación e xestión dos orzamentos de Galicia e da recadación de impostos. A súa titular actual é Elena Muñoz.

Historia

A consellería de Facenda recibiu ese nome dende abril de 2009, co goberno de Alberte Núñez Feijoo. Ese nome tamén o levara entre marzo e setembro de 1983. Anteriormente fora denominada consellería de Economía e Finanzas ou tamén como Economía e Facenda, e integraba tamén as competencias en promoción económica. Durante un determinado período entre 1983 e 1984 ocuparase tamén das competencias sobre comercio.

Conselleiros

• Carlos Otero Díaz (1981-1983) - Consellería de Economía e Finanzas, e despois consellería de Facenda.
• Carlos Mella (1983-1984) - Consellería de Economía, Facenda e Comercio.
• Xaime Trebolle (1984-1986)
• Ángel Mario Carreño (1986-1986)
• Xosé Antón Orza (1985-1986)
• Carlos Otero Díaz (1986-1987)
• Fernando Salgado García (1987-1989)
• Xosé Antón Orza (1989-2005)
• Xosé Ramón Fernández Antonio (2005-2009)
• Marta Fernández Currás (2009-2011) - Consellería de Facenda.
• Elena Muñoz (2012-)

Estrutura interna

Secretarías e direccións xerais

Ademais da necesaria Secretaría Xeral da consellería, que neste caso particular se denomina secretaría xeral e do patrimonio (ocupada a partir de xaneiro de 2012 por Socorro Martín Hierro, a consellería de Facenda conta coas seguintes direccións xerais:

• Intervención xeral: Almudena Chacón (con rango de dirección xeral)
• Dirección xeral de Orzamentos: Miguel Corgos López-Prado
• Dirección xeral de Tributos: Carlos Enrique Rodríguez Sánchez
• Dirección xeral de Planificación e fondos: Francisco Javier Rodríguez Seijo
• Dirección xeral de Función pública: José María Barreiro Díaz
• Dirección xeral de Política financeira e Tesouro: Eugenio García Lalinde

Outros organismos dependentes

• Instituto Galego de Estatística.
• Tribunal Galego de Defensa da Competencia
• Centro Informático para a Xestión Tributaria, Económico-Financeira e Contable
• Consello Económico e Social

Véxase tamén

Ligazóns externas

• Consellaría de Economía e Facenda