Saltar ao contido

Diego Caballo

Na Galipedia, a Wikipedia en galego.
Modelo:BiografíaDiego Caballo

Editar o valor en Wikidata
Biografía
Nacemento17 de febreiro de 1994 Editar o valor en Wikidata (31 anos)
Salamanca, España Editar o valor en Wikidata
Actividade
Ocupaciónfutbolista Editar o valor en Wikidata
Deportefútbol Editar o valor en Wikidata
Posición de xogoDefensa Editar o valor en Wikidata
Traxectoria Editar o valor en Wikidata
  Equipo Número de eventos xogados Puntos/goles/tantos anotados
–   Deportivo da Coruña

Diego Caballo Alonso, nado en Salamanca o 17 de febreiro de 1994, é un futbolista español, que xoga de lateral esquerdo no Intercity, da Primeira Federación.

Traxectoria

[editar | editar a fonte]

Comezos

[editar | editar a fonte]

Nacido en Salamanca, comezou a xogar ao fútbol aos cinco anos nun equipo do seu barrio, o Capuchinos, onde militou ata que o seu talento chamou a atención do club máis importante da cidade, a UD Salamanca, que o fichou con nove anos.[1][2] Vestiu a camiseta unionista durante oito anos, sendo un habitual nas convocatorias das categorías inferiores da selección de Castela e León. As súas calidades espertaron o interese de importantes clubs como o FC Barcelona, o Valencia ou o Tottenham Hotspur, pero foi o Real Madrid o que conseguiu incorporalo no verán de 2009 para o seu equipo cadete.[3][4]

Real Madrid

[editar | editar a fonte]

Tras subir polas diferentes categorías inferiores do club branco, debutou co Real Madrid C na Segunda División B na tempada 2013/14, disputando 24 partidos, 22 deles como titular. Na seguinte campaña xogou varios partidos co Real Madrid Castilla na mesma categoría, á que o equipo acababa de descender.

Valencia Mestalla

[editar | editar a fonte]

No verán de 2015 asinou como novo xogador do Valencia Mestalla, tamén en Segunda B. Ás ordes de Curro Torres, xogou 22 partidos durante a súa primeira tempada, todos como titular, e foi convocado nalgunhas ocasións co primeiro equipo.[5] Na seguinte tempada viviu un ano difícil, con pouca participación no equipo, disputando só 8 partidos.[6]

Fabril

[editar | editar a fonte]

Na tempada 2017/18 fichou polo Fabril, tamén de Segunda B, onde recuperou a confianza perdida o ano anterior en Valencia.[6] Foi un dos piares do filial coruñés, que completou a mellor tempada da súa historia, acadando a promoción de ascenso á Segunda División.[7] Caballo contribuíu con 30 partidos, 27 deles saíndo dende o once inicial, e marcou dous goles en cadansúa vitoria contra o Coruxo e a Ponferradina.[8][9]

Deportivo da Coruña

[editar | editar a fonte]

A súa gran tempada no filial, abriulle as portas do primeiro equipo do Deportivo da Coruña, ao que subiu en agosto de 2018, xunto aos seus compañeiros fabrilistas Edu Expósito e Borja Galán.[10][7] Debutou na Segunda División na primeira xornada contra o Albacete e foi titular na maioría de partidos de liga, acadando o equipo a promoción de ascenso a Primeira. Iniciou a tempada 2019/20 nas filas do club galego, pero despois da terceira xornada o seu contrato foi rescindido para que puidese asinar co Extremadura.[11][12] Xogou un total de 29 encontros coa camiseta do Deportivo.

Extremadura

[editar | editar a fonte]

Titular indiscutible nas aliñacións do coruñés Manuel Mosquera co Extremadura, disputou 15 partidos na primeira metade da competición, co equipo loitando por saír dos postos de descenso. O 22 de xaneiro de 2020 rescindiu o seu contrato co Extremadura, e asinou como novo xogador do Albacete Balompié, tamén de Segunda.[13]

Albacete

[editar | editar a fonte]

Xogou durante un ano e medio no club castelán-manchego, disputando 46 encontros, pero ao remate da tempada 2020/21 o equipo descendeu á Primeira División RFEF. A continuación o xogador rescindiu o seu contrato e fichou polo Sabadell, tamén de Primeira RFEF.[14]

Sabadell

[editar | editar a fonte]

Co club catalán disputou 31 partidos, marcando un gol ante o Alcoyano. O equipo ocupou postos de descenso durante parte da tempada, pero mellorou notablemente trala chegada de Munitis ao banco e rematou a campaña loitando polos postos de promoción de ascenso.[15]

Sydney FC

[editar | editar a fonte]

En xullo de 2022 saíu por primeira vez a un club estranxeiro, fichando polo Sydney FC, da A-League de Australia.[16] Xogou 28 partidos co equipo de Sydney e diputou os play-offs polo título, caendo en semifinais ante o Melbourne City.[17]

Aalborg

[editar | editar a fonte]

En xullo de 2023 regresou ao fútbol europeo para xogar no Aab dinamarqués, que viña de descender á Primeira División, segunda categoría do país.[4] Contribuíu ao ascenso do equipo, con 17 partidos na liga regular e 4 na promoción, case todos como titular, e sumou un gol na Copa de Dinamarca. Na tempada 2024/25 debutou na Superliga, na que disputou só cinco partidos, todos saíndo dende o banco de suplentes. Deixou o equipo en xaneiro de 2025, para regresar ao fútbol español.[18]

Intercity

[editar | editar a fonte]

Trala súa saída do Aalborg anunciouse a súa fichaxe polo Intercity, da Primeira Federación.[18]

Notas

[editar | editar a fonte]
  1. ↑ Hernández, Pedro (19 de xaneiro de 2019). "Diego Caballo, el charro que fue promesa del Real Madrid, entrenó con la España campeona del mundo y busca el ascenso con el Depor: "El trabajo de tantos años ahora se ve recompensado"" (en castelán). Consultado o 15 de febreiro de 2024. 
  2. ↑ "Diego Caballo, ¿el futuro carrilero zurdo del Madrid?" (en castelán). 5 de marzo de 2015. Consultado o 15 de febreiro de 2024. 
  3. ↑ "Los mejores del mundo ya conocen la calidad de Diego Caballo" (en castelán). 8 de xullo de 2015. Consultado o 15 de febreiro de 2024. 
  4. ↑ 4,0 4,1 González, Juanjo (6 de xullo de 2023). "El salmantino Diego Caballo, de Australia a Dinamarca" (en castelán). Consultado o 15 de febreiro de 2024. 
  5. ↑ "Diego Caballo concluye la temporada con buenos números" (en castelán). 5 de xullo de 2021. Consultado o 15 de febreiro de 2024. 
  6. ↑ 6,0 6,1 "Diego Caballo: «Tengo cerrada cualquier otra puerta, hasta el último momento esperaré al Deportivo»" (en castelán). 28 de xuño de 2018. Consultado o 15 de febreiro de 2024. 
  7. ↑ 7,0 7,1 "Un pedazo de la 'Fabrilia' para Anquela". La Opinión A Coruña (en castelán). 10 de xullo de 2019. Consultado o 15 de febreiro de 2024. 
  8. ↑ "El Fabril frena la racha del Coruxo". La Voz de Galicia (en castelán). 25 de setembro de 2017. Consultado o 15 de febreiro de 2024. 
  9. ↑ Antelo, Iván (18 de febreiro de 2018). "El Fabril galopa hacia el «play off» al ritmo de Caballo". La Voz de Galicia (en castelán). Consultado o 15 de febreiro de 2024. 
  10. ↑ "Diego Caballo terá ficha co primeiro equipo do Dépor 2018-2019". Deportivo da Coruña. 13 de agosto de 2018. Consultado o 15 de febreiro de 2024. 
  11. ↑ "O Deportivo e Diego Caballo acordan a rescisión do contrato". 3 de setembro de 2019. Consultado o 15 de febreiro de 2024. 
  12. ↑ "Oficial: Caballo, nuevo jugador del Extremadura"
  13. ↑ "Diego Caballo es del Alba" (en castelán). 22 de xaneiro de 2020. Consultado o 15 de febreiro de 2024. 
  14. ↑ "Diego Caballo rescinde su contrato con el Albacete y ficha por el Sabadell" (en castelán). 12 de agosto de 2021. Consultado o 15 de febreiro de 2024. 
  15. ↑ "Munitis, entrenador de moda en Primera RFEF" (en castelán). 5 de marzo de 2022. Consultado o 15 de febreiro de 2024. 
  16. ↑ Oliva, Rubén (14 de xullo de 2022). "El ex del Alba, Diego Caballo, ficha a sus 28 años por el equipo australiano del Sydney FC" (en castelán). Consultado o 15 de febreiro de 2024. 
  17. ↑ "Melbourne City 4-0 Sydney FC". worldfootball.net (en inglés). Consultado o 15 de febreiro de 2024. 
  18. ↑ 18,0 18,1 Piñeiro, Sergio (9 de xaneiro de 2025). "Diego Caballo finaliza su ‘vuelta al mundo’ y regresa a España de la mano del Intercity" (en castelán). Consultado o 22 de marzo de 2025. 

Véxase tamén

[editar | editar a fonte]

Ligazóns externas

[editar | editar a fonte]
Traído desde «https://gl.wikipedia.org/w/index.php?title=Diego_Caballo&oldid=7010834»