Saltar ao contido

Daniel Giménez Hernández

Na Galipedia, a Wikipedia en galego.
Dani Giménez
Información persoal
Nome Daniel Giménez Hernández
Nacemento 30 de xullo de 1983 (41 anos)
Lugar de nacemento Vigo
Altura 1,82 m.
Posición Porteiro
Carreira xuvenil
Celta de Vigo
Carreira sénior
Anos Equipos Aprs (Gls)
2001–2004 Celta B 10 (0)
2004–2009 Zamora 138 (0)
2009–2013 Rayo Vallecano 37 (0)
2013–2014 Alcorcón 42 (0)
2014–2018 Betis 10 (0)
2018–2020 Deportivo da Coruña 86 (0)
2020–2021 UD Logroñés 8 (0)
Total 331 (0)
Partidos e goles só en liga doméstica.

editar datos en Wikidata ]

Daniel Giménez Hernández, coñecido como Dani Giménez, nado en Vigo o 30 de xullo de 1983, é un exfutbolista galego, que xogaba como porteiro. Disputou a maioría dos máis de 350 partidos da súa carreira na Segunda e na Segunda División B, e xogou en Primeira co Rayo Vallecano e co Betis.

Traxectoria

[editar | editar a fonte]

Formouse na canteira do Celta de Vigo, estreándose nunha convocatoria do primeiro equipo na tempada 2001/02, para o partido da Copa da UEFA xogado contra o Sigma Olomouc en Balaídos.[1] Tras varios anos como porteiro suplente do Celta B, en Segunda División B, fichou en 2004 polo Zamora, na mesma categoría. Xogou cinco anos no club zamorano, os últimos catro como porteiro titular.

Entre 2009 e 2013 xogou no Rayo Vallecano, co que logrou o ascenso a Primeira División en 2011. Con todo, no club madrileño dispuxo de poucos minutos fronte ao porteiro titular Cobeño, e máis tarde fronte ao tamén galego Rubén.[2] Na tempada 2013/14 militou no AD Alcorcón, en Segunda, xogando todos os partidos completos e sendo o terceiro porteiro menos goleado da liga.[3] En xullo de 2014 fichou polo Betis, co que logrou esa tempada o ascenso a Primeira, e onde estivo tres tempadas máis, pero disputando só un total de 10 partidos de liga nos catro anos, nos que o primeiro porteiro foi Antonio Adán.

O 23 de maio de 2018 anunciouse a súa fichaxe polo Deportivo da Coruña, por dúas tempadas.[4] No club coruñés fíxose rapidamente coa titularidade e chegou a xogar lesionado durante varias xornadas.[5] Na súa segunda tempada bateu o récord de José Luis Montes de porteiro con máis partidos consecutivos, 70, marca que alongou ata os 82.[6] Tras o descenso dos branquiazuis a Segunda División B, anunciouse a súa marcha, ao non chegar a un acordo co club.[7]

En decembro de 2020 fichou pola UD Logroñés, de Segunda División, que viña de aliñar catro porteiros diferentes no que ía de tempada debido a diferentes lesións.[8] Debido a estas urxencias, debutou co seu novo equipo como titular só un día despois de ser anunciada a súa fichaxe, nun partido ante o Girona en Montilivi. Ocupou a portería logroñesa durante os seguintes dous meses, ata que a titularidade volveu ser para Roberto Santamaría, xa recuperado da súa lesión.[9] O seu último encontro como profesional foi unha derrota por 0-4 diante do Sporting de Gijón nas Gaunas, o 6 de febreiro de 2021, retirándose ao remate da tempada.[10]

Trala súa retirada comezou a formarse como adestrador e pouco despois pasou a traballar como adestrador de porteiros e segundo técnico de Iñaki Bea na selección da República Dominicana, así como adestrador do equipo cadete do Rayo Majadahonda.[5]

Vida persoal

[editar | editar a fonte]

Casou en 2016 coa afgá Mitra Amini Hakami.[11]

  1. "Celta de Vigo - Sigma Olomouc". www.bdfutbol.com (en castelán). Consultado o 2 de outubro de 2020. 
  2. "Dani Giménez ficha por la AD Alcorcón" (en castelán). 19 de xullo de 2013. Consultado o 2 de outubro de 2020. 
  3. "El Betis presenta a Dani Giménez y Jorge Casado, sus dos nuevos refuerzos" (en castelán). 4 de xullo de 2014. Consultado o 2 de outubro de 2020. 
  4. "Dani Giménez, novo xogador do Deportivo". Deportivo da Coruña. 23 de maio de 2018. 
  5. 5,0 5,1 Palleiro, Armando (25 de marzo de 2022). "Dani Giménez: “El Deportivo es más grande que el Celta, sin lugar a dudas”". El Ideal Gallego (en castelán). Consultado o 21 de xaneiro de 2024. 
  6. "Dani Giménez entra en la historia del Deportivo". As (en castelán). 17 de marzo de 2020. Consultado o 2 de outubro de 2020. 
  7. Losada, Víctor (28 de agosto de 2020). "Dani Giménez no seguirá en el Deportivo". Consultado o 2 de outubro de 2020. 
  8. "Dani Giménez ficha por la UD Logroñés" (en castelán). 9 de decembro de 2020. Consultado o 9 de decembro de 2020. 
  9. "Roberto Santamaría y Unai Medina, las novedades del once del Logroñés" (en castelán). 14 de febreiro de 2021. Consultado o 21 de xaneiro de 2024. 
  10. Martínez Glera, José (6 de febreiro de 2021). "Ni defensa, ni juego, ni pelea, ni ataque" (en castelán). Consultado o 21 de xaneiro de 2024. 
  11. "El portero del Betis, el vigués Dani Giménez, se casa en Nigrán". Faro de Vigo (en castelán). 18 de xuño de 2016. Consultado o 2 de outubro de 2020. 

Véxase tamén

[editar | editar a fonte]

Ligazóns externas

[editar | editar a fonte]